Jeremias 9:8 - Manobo Western Bukidnon OT

⁸ Su is menge zilè dan iring te ibpatey he panà, ne pudu tarù is ebpengeǥiyen dan. Uvag egkaǥi sikandan te meupiya ziyà te iring dan he etew, piru ziyà te gehinawa zan ebpelanu zan te kedezaat kandan.

Jeremias 9:8 Marejeleo ya Msalaba

Salmo 28:3

Kenà a siluti zuma te menge lalung. Uvag dà sikandan ebpekid-emiǥu su mezaat is pelanu zan.

Jeremias 9:3

Migkaǥi is Nengazen te, “Menge tarù is egawas diyà te vèbà te menge etew ku he iring te panà he andam en he ibpanà. Tarù is egkeseksiyan kayi he tanà ne kenà tutuu. Midsubre en is kebaal zan te salà, ne wazè e zan kilelaa.

Salmo 120:3

Sikiyu is menge limbungan, hengkey vuwa is idsilut te Megbevayà keniyu?

Salmo 57:4

Edliǥuyan a te menge kuntada ku he iring te menge erimaung he andam he edawi te etew. Is menge ngipen dan iyan is menge vangkew wey menge vesut te panà. Is menge zilè dan iyan is meǥarang he menge ispada.

Salmo 55:21

Menayù wey meupiya is kebpengaǥikaǥi zin, iyan, duen bes kedumut diyà te ǥehinawa zin, ne ibmesakit te ǥehinawa is menge lalag din, su iring heini te meǥarang he ispada.

Salmo 12:2

Langun he menge etew ne ebpemenarùtarù diyà te menge zuma zan. Egemiten dan is meungangen he menge lalag te kebpenlimbung dan.

2 Samuel 3:27

Hein diyè en si Abner te Hebron, miduma sikandin ni Joab diyà te pultahan te inged he iyan dan dà is dezuwa. Mid-ekalan din te zuen dan kun edlelaǥen. Hein nekeuma zan dutun midunggab ni Joab si Abner ziyà te getek su impenimales din is kedhimetayi ni Abner ki Asahel te suled din. Ne minatey si Abner.

Jeremias 9:5

Is kada sevaha edlimbungan din is iring din he etew, ne wazà minsan sevaha he egkaǥi te tutuu. Nelayam en is dilè dan te kedtarùtarù, ne edheǥuan dan is kebaal te salà.

Jeremias 5:26

“Duen lalung he menge etew keniyan te menge etew ku he edtaǥad te egkebiktima zan, iring sikandan te etew he ebpenlitag te tagbis. Midlitag dan para melitag is duma he etew.

Salmo 64:8

Edezeetan sikandan te Megbevayà tenged te ebpengeǥiyen dan. Is langun he ebpekaahà kandan ne ebpemenggemenggemen te kedsudì kandan.

Salmo 35:20

Wazà menge lalag dan he meupiya he ebpekepeupiya te zuma he etew, kekenà, ebaalvaal sikandan te mezaat he tudtul su wey megurigew sikan is melinawen en is ked-ubpè dan kayì he lugar.

Erubasa 25:18

Is etew he ebpenistiǥus te tarù kuntra te zuma zin, ne ebpekezezaat iring te ispada, badas, wey panà.

Jeremias 9:4

“Mebpekevantey kew te zuma niw, ne kenè kew sarig te kezuzumahi niw, su limbungan is kada sevaha ne ebpen-ulug te kewusa.

Micas 6:12

Mesipala is menge sepian keniyu, ne menge teruen kew.

Salmo 12:3

Deyzey pezem Nengazen ke ibpetiem nu sikandan is ebpemenlimbung pinaaǥi te meungangen he menge lalag wey sikan is menge gelbuwen.

Salmo 62:5

Diyè ku zà te Megbevayà egkaangken is kebpekehimeley ku su ibpeperateng e zin.

Jeremias 5:9

Kenè be ereg he edsilutan ku sikandan tenged kayi? Kenè be ereg he ebelesan ku is menge meǥinged diyà te nasyun he iring kayi is baal zan? Iyan a, is Nengazen, is migkaǥi kayi.