Jeremias 9:22 - Manobo Western Bukidnon OT

²² Migkaǥi is Nengazen te, “Ne nekepeyapat diyà te tanà is nemematey he henduen be te menge tai. Wey henduen be te menge pungu he netaǥak te menge ebpemenraǥun, ne wazè en heini seǥipaa.”

Jeremias 9:22 Marejeleo ya Msalaba

Jeremias 8:2

Ne ebpekepeyapat heini ziyà te tanà he egkesilaan te andew, bulan wey menge vituen he mibmahal zan, midsunud dan, midengepan dan, wey mid-azap dan. Kenè en edtiǥumen is menge tulan dan wey ikeleveng, kekenà, ebpekepeyapat dà heini ziyà te tanà he henduen be te menge tai.

Jeremias 25:33

Dutun he andew mahabet is ebpenhimetayan te Nengazen. Ne minsan ebpekepeyapat diyà te minsan hendei is ebpematey, ne wazà egkeseeng etawa edtiǥum etawa edleveng kandan. Ebey-anan dà sikandan he henduen be te menge tai he nemekesavuk diyà te tanà.

Zefanias 1:17

Migkaǥi is Nengazen te, “Ibpaaǥi ku heeyan he kemeresayan diyà te menge etew, ne edhipanew sikandan he henduen be te menge lakap, su ǥeina te nekesalè dan kayi te kedì. Egkeiring te wahig he edtudà is lengesa zan, ebpekepeyapat is menge lawa zan iring te menge tai.

Jeremias 16:4

Ebpematey sikandan tenged te grabi he zaru. Wazè en egkesamà he egkeseeng wey edleveng kandan, kekenà, ebpekepeyapat is menge lawa zan he henduen be te menge tai he ebpekepeyapat diyà te tanà. Is duma kandan ebpematey tenged te tebek wey vitil, ne egkeenen sikandan te menge tagbis wey zumezaas he menge langgam.”

Isaias 5:25

Umbe tenged te utew kegkepeuki keniyu te Nengazen te menge etew zin, ne edsilutan kew zin. Egkehuyung is menge vuvungan ne ebpekepeyapat kew ziyà te kersada is ebpemematey he egkeiring te menge vesura. Ne minsan pa zutun kenè pa egkaawà is pauk te Nengazen. Andam pa ǥihapun sikandin he edsilut keniyu.

Salmo 83:10

Mibpatey sikandan diyà te Endor ne neredak is menge lawa zan ne nehimu he abunu te tanà.

Jeremias 7:33

Is ebpematey he menge etew ku egkeenen te menge tagbis wey zumezaas he menge langgam, ne wazà ebuǥew kandan.

2 Hadì 9:37

Ebpekedsusuwey is lawa zin iring te ebpekepeyapat he tai te ayam ne wazè en ebpekekilala kandin.’ ”

Jeremias 6:21

Umbe siak, is Nengazen, migkaǥi a te, ‘Edsavuk a te ebpekeseligkat kayi he menge etew. Ne tenged kayi egkezeetan is menge ginikanan wey is menge anak dan, ragkes en is telteleemiǥu wey teltelesiringan.’ ”

Deuteronomio 8:17

Su kela ke megkaǥi kew te, ‘Pinaaǥi te kedì he ǥehem wey zesen naangken ku heini is langun he ketiǥeyunan.’

2 Hadì 20:13

Mibpurungan seǥipaa ni Hezekia is menge menunudtulà, ne impeehè din kandan is langun he menge azen diyà te teleǥuey zin te ketiǥeyunan, is menge pelata, menge vulawan, menge penaket, menge meupiya he klasi te lana, is menge ǥumaan din wey zuma pa he menge ketiǥeyunan din. Wazà minsan hengkey he ziyà te turuǥan din etawa ginhedian din he wazè din ipaahà kandan.

2 Hadì 20:15

Mid-insè pa haazà is ebpeneuven te, “Hengkey is neehè dan diyà te turuǥan nu?” Midtavak si Hezekia te, “Neehè dan is langun he ziyà te turuǥan ku. Wazà minsan hengkey he ketiǥeyunan ku he wazè ku ipaahà kandan.”

Job 5:13

Iyan dà idhingutel zin te memetau is kegkelimbungan dan, wey id-awè din is ebpekezezaat he pelanu te limbungan.

Salmo 49:7

Is etew kenà ebpekehimu he ebayad diyà te Megbevayà para kenè en sikandin mebpatey.

Erubasa 18:11

Is ketiǥeyunan te menge sepian, midtuuwan dan he iyan kutè dan he iring te metikang he verengbeng he nekeliǥuy te inged.

Erubasa 23:4

Kenè nu pesubrahi is kedhaǥù nu tenged te kedtinguhà he medsepian ka. Kekenà, pugungi nu is keugelingen nu ne is-isipa nu ke hengkey is hustu.

Habakuk 1:11

Ne kegkepasad dutun ne egenat sikandan he henduen dà te keramag he midsaǥad. Heini sikandan, nekesalà, su wazà duma he migkilala zan he Megbevayà, kekenà, iyan dà is kebpekegaga zan.”