Jeremias 6:17 - Manobo Western Bukidnon OT

¹⁷ Mibpilì a te vantey he ibpekaǥi ku keniyu te, ‘Pemineǥa niw is kebpezaǥing te vudyung su wey kew mekepengandam.’ Piru migkaǥi kew te, ‘Kenè key mulà ebpemineg.’

Jeremias 6:17 Marejeleo ya Msalaba

Jeremias 25:4

Ne minsan layun edsuǥù is Nengazen te menge suluǥuen din he menge ebpeneuven diyà te keniyu, wazè kew ǥihapun medseǥipà wey mebpemineg.

Isaias 58:1

Migkaǥi is Nengazen te, “Habet kew pengulahì; iringa niw te kezaǥing te vudyung! Kenè niw heini eǥena! Ipetueni niw te menge etew ku he menge kevuwazan ni Jacob is menge salè dan wey menge kedrapas.

Zacarias 7:11

“Piru wazè dan medseǥipà te migkaǥi ku. Mezesen is kedsupak dan wey kenè dan ebpemineg.

Isaias 21:11

Heini he menge lalag ne mehitenged te Edom: Duen etew ziyà te Edom he edtulung ed-insà kayi te kediey te, “Bantey, egkeuǥet pe be egkepawà.”

Habakuk 2:1

Migkaǥi si Habakuk te, “Ebpemenahik a ziyà te turi he ventayè ku, ne edteǥazan ku ke hengkey is egkeǥiyen te Nengazen kayi te kedì wey ke hengkey is idtavak din te riklamu ku.”

Isaias 56:10

Su is menge pengulu zan he iyan pezem impevantey kayi he nasyun, henduen be te menge lakap wey wazè dan ketau. Iring sikandan te menge perevantey he asu he emew he kenà ebpekeǥevu. Iyan dà egkesuatan dan is kedleku, kedlipezeng, wey kebpeneǥeinep.

Hoseas 8:1

“Ipezaǥing niw is budyung su wey mekepengandam is menge etew ku su is Israel he mid-isip ku he ubpeey ku, edsurungen te menge kuntada he iring keǥaan te menderaǥit. Su wazè dan itetepi-an is paaǥi ku te kebpekid-uyun kandan wey midrapas dan is kesuǥuan ku.

Isaias 62:6

He Jerusalem, mibpeventayan ku te menge vantey is menge verengbeng nu, ne kenà sikandan ed-engked te ked-ampù te Nengazen. Sikiyu is ebuyù te tavang te Megbevayà, penigudu kew medhangyù.

Jeremias 6:18

“Umbe pemineg kew is menge nasyun. Ahàa niw ke hengkey is egkehitavù te menge etew ku.

Jeremias 7:28

Umbe, keǥiya nu heini ziyà te kandan: Iyan heini he nasyun he is menge etew zuen kenè dan ebpezumazuma te Nengazen he Megbevayè dan, wey kenà egkesuat he edewayen. Wazè en diyà te kandan is ketutuanan; kenè dan en egkaǥi te tutuu.

Zacarias 1:4

Kenè niw iringi is mibeelan te menge kepuun niw. Impekeǥiyan ku sikandan dengan te menge ebpeneuven he iniyuǥi zan en is mezaat he menge vaal zan, piru wazà sikandan medtuu. Wazà sikandan mebpezumazuma kedì.

Jeremias 8:5

Maan is sikiyu is menge tig-Jerusalem mibpedayun kew med-iniyug kedì? Maan is kenè niw egkehimu te ed-awà is menge ed-ezapen niw he edtuntu keniyu. Maan is kenè kew edlikù kayi te kediey?

Jeremias 18:12

Piru edtavak is menge etew te, ‘Kenè en egkehimu! Edsiguduwan dey en is menge vaal zey; edsunuzen dey is kenà kegkemepezumdumahan te gehinawa zey!’ ”

Ezekiel 3:7

Piru is menge etew te Israel, kenè dan ebpemineg kenikew, su kenè dan egkesuat he ebpemineg kedì. Pudu sikandan midtaman he mesinupaken wey kenà ebpezumazuma.