Jeremias 52:9 - Manobo Western Bukidnon OT

⁹ ne nezekepan sikandin. Ne mid-uwit dan sikandin diyà te hadì te Babilonia he ziyà te Ribla, he sakup te tanà he Hamat, ne zutun sikandin hukumi.

Jeremias 52:9 Marejeleo ya Msalaba

Jeremias 39:5

Piru midal-as sikandan te menge sundaru te Babilonia, ne ziyè dan mesaut te menge suǥud diyà te Jerico. Midakep dan si Zedekia ne mid-uwit dan diyà te ki Hadì Nebucadnezar ziyà te Ribla he sakup te Hamat, ne zutun midhukuman sikandin ni Hadì Nebucadnezar.

Numero 13:21

Umbe, midhipanew sikandan ne midsusi zan haazà is tanà puun te sibsivayan he Zin pehendiyà te Rehob he uvey te Lebo Hamat.

2 Hadì 25:6

Ne mid-uwit dan sikandin diyà te hadì te Babilonia he ziyà te Ribla, he sakup te tanà he Hamat, ne zutun sikandin hukumi.

Josue 13:5

Elin daan is tanà te menge Gibalnen, wey is tivuuk he Lebanon diyà te edsilaan, puun te Baal Gad diyà te lugtenaan te Buntud he Hermon taman te Lebo Hamat.

2 Cronica 33:11

Umbe, impesurung sikandan te Nengazen te menge sundaru te Asiria. Mibihag dan si Manase, migkew-itan dan is izung din, migkedinahan dan te brunsi, ne miduma zan diyà te Babilonia.

2 Cronica 8:3

Iyan heini timpu he midsurung ni Solomon is Hamat Zoba ne naaǥew zin heini.

2 Hadì 23:33

Mibpirisu sikandin ni Faraon Neco ziyà te Ribla he sakup te tanà he Hamat, su para kenà sikandin mekahadì diyà te Jerusalem. Impevayad te vuhis ni Neco is Juda te 3,500 he kilu he pelata wey 35 he kilu he vulawan.

1 Hadì 8:65

Midsilibra si Solomon wey is langun he menge Israilihanen is Pista te Kebaal te menge Lawig seled te pitu he andew. Utew mezakel he menge etew is nevurun he ebpuun te Lebo Hamat he zapit te zizaya pehendiyà te zal-ug te Ehipto he zapit te zivavà. Haazà is kedsilibra zan diyà te etuvangan te Nengazen he Megbevayè dan 14 he andew pudu, pitu he andew is para te kebpehinunguza zuen te valey te Nengazen, ne pitu zaan he andew is kedsilibra he para zuen te Pista te Kebaal te menge Lawig.

Numero 34:11

ne ebpetupang pehendiyà te Ribla, he ziyà te edsilaan he vahin te Ain, ne edlaus heini ziyà te menge mibuntud-buntud he ziyà te edsilaan te Ranew te Galilea

Jeremias 21:7

Ne sikew Hadì Zedekia he hadì te Juda, wey is menge upisyal nu, wey is menge etew he egkesamà he kenà ebpatey te zaru, te vitil, wey te tebek, ibeǥey ku sikiyu te kuntada niw he si Hadì Nebucadnezar he hadì te Babilonia wey te zuma pa he menge kuntada niw he egkesuat he edhimatey keniyu. Kenà sikandin egkehizu he edhimatey keniyu. Iyan a, is Nengazen, is migkaǥi kayi.

Penhulùhulù 4:20

Nezekepan dan is hadì dey he mibpilì te Nengazen, he iyan pezem midseriǥan dey he ebpengalang kenami te kedezaat te kuntada zey he menge nasyun.

Ezekiel 11:10

Ne ebpematey kew te tebek pehendiyè en te dulunà te Israel. Ne zutun egketuenan niw he iyan a Nengazen.

Ezekiel 23:24

Edsurung heini kenikew he ebpuun diyà te zizaya duma te mahabet he menge sundaru, menge kudà, wey menge kerwahi. Duen dan menge kelasag wey menge hilmit, ne edliǥuyan ke zan. Ibeǥey ku sikew kandan, ne edsilutan ke zan sumalà te egkesuatan dan he idsilut.