Jeremias 51:16 - Manobo Western Bukidnon OT

¹⁶ Pinaaǥi te kebmandù din, edreǥuuk is wahig diyà te langit. Iyan sikandin ebpeǥawas te menge kivel he ebpuun diyà te meziyù he vahin te kelibutan. Ibpekilat din ke ed-uzan, wey ibpepengeramag din te ebpuun diyà te midteǥuan din duen.

Jeremias 51:16 Marejeleo ya Msalaba

Salmo 135:7

Impezivavew zin is menge ǥapun he ebpuun diyà te meziyù he menge vahin kayi te kelibutan, ne midhimu zin he mebpengilat duma is ked-uzan. Ibpeǥawas din is keramag puun te neteǥuan kayi.

Jonas 1:4

Ne hein dutun en te zaǥat, impepengeramag te Nengazen te utew mevandes, ne tenged te kevandes din henduen be te egkezeetan en haazà is barku.

Salmo 18:13

Is laǥeng nu Nengazen, te Utew Lavew he Megbevayà, iring te ruǥung diyà te langit.

Jonas 4:8

Ne hein midsilè en is andew ne impepengeramag te Nengazen te meinit he keramag he ebpuun te edsilaan. Ne midluyahan si Jonas tenged te keinit te andew. Ne egkesuat en sikandin he ebpatey, ne ke sikandin te, “Meupiya pa ke ebpatey ad kenà te uuyag a.”

Amos 9:7

Migkaǥi is Nengazen te, “Is ked-ahaa ku keniyu te menge tig-Israel ne iring dà te menge tig-Etiopia. Tutuu iyan he impeǥawas ku sikiyu ziyà te Ehipto, piru impeǥawas ku zaan is menge Filistihanen diyà te Caftor ne is menge Aramihanen impeǥawas ku ziyà te Kir.

Ezekiel 10:5

Is rekubkub te menge pakpak duen te menge kirubin egkezineg minsan diyà te ǥawas duen te lama, iring heini te laǥeng te Mekeǥeǥehem he Megbevayà emun egkaǥi.

Salmo 147:18

Ne mibmenduan din heini ne nengetunew heini. Impepengeramag din ne midtudà is wahig.

Salmo 104:7

Tenged te mezaǥing he mandar nu mid-awà is wahig.

Salmo 78:26

Impepengeramag te Megbevayà te keramag he ebpuun te edsilaan wey edsenlepen pinaaǥi te ǥehem din.

Salmo 68:33

he ed-untud te kezaan he langit. Pemineǥa niw is ebpenriǥungriǥung he laǥeng din.

Salmo 46:6

Egkengeheratan is menge nasyun; egkengehuyung is menge ginhedian. Tenged te kulehian te Megbevayà henduen be te egketunew en te kegkahandek is menge etew kayi te tivuuk he kelibutan.

Job 40:9

Mekeǥeǥehem ke ve iring kedì? Edraǥeb be is laǥeng nu iring te kedì?

Job 38:22

“Nekehendiyè ke en be te ebpuunan te uzan he giyew?

Job 37:13

Ibpeuzan te Megbevayà te mereǥes su para zuen wahig diyà te tanà, etawa pinaaǥi te kebmansu zin te etew, etawa pinaaǥi te kebpaahaa zin te gaǥew zin.

Exodus 14:21

Ne migketeng ni Moises is belad din diyà te zivavew zutun te zaǥat, ne zutun te tivuuk he kezukileman impehiyup te Nengazen haazà is daǥat te mevandes he keramag he ebpuun diyà te edsilaan ne zutun nevahin is daǥat ne neluwisan is nezalandalan he tanà diyà te zizalem dutun te zaǥat.

Exodus 10:19

Ne zutun impepengeramag te Nengazen te mevandes he keramag he ebpuun diyà te edsenlepan, ne impenlayap dutun sikan is terapan ne ziyà meuwit te Zaǥat he Meriǥà. Ne wazè en terapan he nesamà diyà te tivuuk he Ehipto.

Exodus 10:13

Umbe, mibantang ni Moises diyà te tanà he Ehipto sikan is tuked din, ne zutun te tivuuk he andew wey tivuuk he kezukileman, impepengeramag te Nengazen dutun he tanà te keramag he ebpuun diyà te edsilaan. Ne kegkemeselem, nekeuwit en te terapan haazà is keramag

Genesis 8:1

Wazà melipati te Megbevayà si Noe wey is duma zin he menge langgam he zutun te seled te arka. Umbe impepengeramag din kayi te kelibutan ne midnaneynaney mebmevavew is wahig.