Jeremias 5:14 - Manobo Western Bukidnon OT

¹⁴ Umbe, iyan heini migkaǥi te Nengazen he Megbevayà he Mekeǥeǥehem kayi te kediey: “He Jeremias, geina te iyan heini migkaǥi kayi he menge etew, ibeǥey ku kenikew is menge lalag he iring te hapuy he ebpeketutung kandan. Egkeiring dan te kayu he netutung.”

Jeremias 5:14 Marejeleo ya Msalaba

Jeremias 23:29

Kenè be mekeǥeǥehem is lalag ku? Iring heini te hapuy he ebpeketutung wey masu he ebpekerupet te vatu.

Jeremias 1:9

Ne migkevit te Nengazen is bèbè ku he ke sikandin te, “Idsavuk ku guntaan diyà te vèbè nu is menge lalag ku he egkeǥiyen nu.

Hoseas 6:5

Umbe, ebpetizeenan ku sikiyu pinaaǥi te menge ebpeneuven ku he ebpemematey kew. Ibpezayag ku is kedhukum ku he iring kerayag te kilat.

Zacarias 1:6

Piru nehitavù diyà te menge kepuun niw is migkaǥi ku wey is menge petizaan he impekaǥi ku te menge suluǥuen ku he menge ebpemeneuven. Ne mid-iniyug te mezaat is menge kepuun niw he ke sikandan te, ‘Midsilutan kiw te Nengazen he Mekeǥeǥehem te ereg he vales te menge vaal tew, sumalà te pelanu zin.’ ”

Isaias 24:6

Umbe, edrewakan te Megbevayà is kelibutan, ne televaken heini te menge meǥinged kayi tenged te menge salè dan. Edezeetan sikandan he iring te ebinsulan te hapuy, ne zeisey zà is egkesamà kandan.