Jeremias 49:15 - Manobo Western Bukidnon OT

¹⁵ Su migkeǥiyan te Nengazen is menge tig-Edom te, “Pemineg kew! Edhimuwen ku sikiyu he edhuna pa he egkaayuayu te zuma he menge nasyun, ne utew mezaat is ked-isipa zan keniyu.

Jeremias 49:15 Marejeleo ya Msalaba

Micas 7:10

Egkaahà heini te menge kuntada tew ne egkepeel-elezan sikandan. Su hein aney ne edsudien kiw zan he ke sikandin te, ‘Hendei en is Nengazen he Megbevayè niw?’ Kenà egkeuǥet egkeehè tew is kegkezeeti zan. Egkeiring sikandan te vasak diyà te kersada he edtekutakan.”

Obadias 1:2

Su migkeǥiyan te Nengazen is menge tig-Edom te, “Pemineg kew! Edhimuwen ku sikiyu he egkaayuayu te zuma he menge nasyun, ne mezaat is ked-isipa zan keniyu.

Salmo 53:5

Piru egkengeheratan sikandan. Egkeǥezam dan is kegkahandek he wazè dan pa keenu meseǥazi, su ibpeyapat te Megbevayà is menge tulan dan. Sikandan is menge edsurung keniyu te menge tig-Israel, ebpeel-elezan niw sikandan, su inselikwey sikandan te Megbevayà.

1 Samuel 2:30

Dengan, siak is Nengazen niw he Megbevayà te Israel, midsaad a he iyan kew zà menge memumuhat he ebpekepenilbi kedì te taman te taman duma te zuma pa he menge kevuwazan te kepuun niw. Piru kenè en heeyan edtumanen guntaan, su iyan ebeǥayan ku te zengeg is edtahud kedì ne edrewakan ku mulà is mibpendezeisey kedì.

Jeremias 49:14

Nezineg ku is tudtul he ebpuun diyà te Nengazen, he midsuǥù kun sikandin te menge menunudtulà pehendiyà te menge nasyun su wey zan metudtuli he mebpengandam dan para te tebek, wey edhinggaten din sikandan he medsurung dan diyà te nasyun he Edom.

Jeremias 49:16

Midlimbungan kew te galbu niw wey te kedtuu niw he egkahandek keniyu is duma he menge nasyun. Mibpahambug kew he ziyè kew ed-ubpà te vetuwen he metikang he lugar. Piru minsan idrepeng niw pa is ketikang te ubpeey niw te ketikang te impisà te kulaǥu, edezeetan ku ǥihapun sikiyu.”