Jeremias 48:27 - Manobo Western Bukidnon OT

²⁷ Sikiyu is menge meǥinged diyà te Moab, kenè be midsudì niw is Israel? Maan, nezekepan be heini he nenakew? Ne maan is ebpenggemen-gemen kew zà te kedsudì kayi?

Jeremias 48:27 Marejeleo ya Msalaba

Jeremias 2:26

“Iring te egkepeel-elezan is tekawen emun egkezekepan, ne egkepeel-elezan kew zaan is menge etew te Israel. Uya, egkepeel-elezan kew wey is menge hadì niw, menge upisyal niw, menge memumuhat niw, wey menge ebpeneuven diyà te keniyu.

Zefanias 2:8

Migkaǥi is Nengazen he Mekeǥeǥehem, he Megbevayà te Israel te, “Nezineg ku is kebpeeled-eled wey kedsudì te menge tig-Moab wey tig-Ammon te menge etew ku. Mibpahambug dan pa he egkehimu zan kun te ed-aǥew is tanà te menge etew ku. Umbe mibpenangdù a ziyà te gehinawa ku he edezeetan ku is Moab wey is Ammon iring te Sodom wey Gomora. Heini he menge tanà ne kenè en egkepulusan taman te taman. Ed-erikubmunan dà heini te zuǥiyen he menge sagbet wey egkeeneb te menge vudsi he zutun ebeeli is timus. Ed-eǥawen heini te egkesamà he menge etew ku ne egkuwaan dan is menge azen kayi.”

Ezekiel 25:8

Migkaǥi is Nengazen he MEGBEVAYÀ te, “Is Moab he migngezanan daan te Seir, egkaǥi is menge meǥinged duen te iring dà daan is Juda te zuma he menge nasyun.

Zefanias 2:10

Migkaǥi si Zefanias te, “Iyan heeyan bales te kebpelavew te menge tig-Moab wey menge tig-Ammon. Su mibpeel-elezan dan wey midsudì dan is menge etew te Nengazen he Mekeǥeǥehem.

Ezekiel 36:4

Umbe, sikiyu is menge vuvungan, menge zal-ug, menge suǥud, menge lugar he nengevengkag, pemineǥa niw is egkeǥiyen ku. Siak, is Nengazen he MEGBEVAYÀ, migkaǥi a he utew ku egkepeuki heeyan he menge nasyun lavew en is Edom, su mid-aǥew zan is tanè ku zuma te utew kegkelipey wey kedsudì, su egkesuat dan he maangken dan is menge penebtavà kayi.’

Ezekiel 36:2

Iyan heini migkaǥi te Nengazen he MEGBEVAYÀ: migkaǥi is menge kuntada niw he egkaangken dan en is menge vuvungan niw.’

Ezekiel 35:15

su geina te ingkelipey niw hein nehimu he mekevulungbulung is tanà he mibpepengevilin te menge Israilihanen. Umbe iyan daan heeyan egkehitavù keniyu; egkehimu he mekevulungbulung is Buntud he Seir wey is tivuuk he Edom. Ne zutun egketuenan niw he iyan a Nengazen.”

Jeremias 18:16

Egkehimu he mekevulungbulung is tanè dan ne edsudien heini taman te taman. Is langun he edsaǥad kayi ebpekepengelengkeleng tenged te kegkeinuinu wey kegkehandek dan.

Salmo 79:4

Ebpeel-elezan key wey edsudien key te menge nasyun he nekeliǥuy kenami.

Salmo 44:13

Kenikew he ketau is kegkepeel-elezi kenami wey ked-eengiti kenami te siringan dey he menge nasyun.

Job 16:4

Emun iyan kew kayi te kediey he kebpekesavuk guntaan, egkehimu ke egkaǥi a zaan te iring te ebpengeǥiyen niw kayi te kedì. Utew ku ebeghetà is kedlalag ku keniyu ne ebpengelkelengan ku sikiyu.

Salmo 64:8

Edezeetan sikandan te Megbevayà tenged te ebpengeǥiyen dan. Is langun he ebpekaahà kandan ne ebpemenggemenggemen te kedsudì kandan.

Penhulùhulù 1:7

Ne ǥuntaan te edlised is Jerusalem wey egketazintazin en, netenuzan din is langun he ketiǥeyunan din dengan. Hein neulug sikandin diyà te gehem te menge kuntada zin, ne wazà midtavang kandin. Midsudì wey mid-engitan sikandin te menge kuntada zin dutun te kegkezeeti zin.

Penhulùhulù 1:12

Migkeǥiyan din is menge etew he sumeseǥazà te, “Kenè niw ve ebeliyen heini is nehitavù kedì? Ehè kew ke zuen be egkeehè niw he nerasey iring te kegkerasey ku. Heini he kemeresayan, insilut te Nengazen kayi te kedì dutun te timpu te utew zin kegkepauk.