Jeremias 46:9 - Manobo Western Bukidnon OT

⁹ “Sigi en, menge tig-Ehipto, ipepelelaǥuy niw en is menge kudè niw wey menge kerwahi! Surung kew en ragkes is langun he kezapig niw he ebpemuun diyà te Etiopia, Libya, wey Lydia, he menge mahagtì he egamit te kelasag wey panà.

Jeremias 46:9 Marejeleo ya Msalaba

Ezekiel 27:10

Ne menge tig-Persia, tig-Lydia, wey tig-Put is menge sundaru nu. Insanggat dan is menge kelasag dan wey menge hilmit dan diyà te elavat nu, ne nekeveǥey heini kenikew te zengeg.

Isaias 66:19

Ibpeehè ku sikandan te singyal. Ne is egkesamà kandan, edhimuwen ku he menge menunudtulà, ne edsuǥuen ku sikandan diyà te menge nasyun diyà te Tarshish, Pul, Lud (he nevantug is menge etew zuen te kegkemememanè dan), Tubal, Grecia, wey ziyà te zuma pa he meziyù he menge lugar he is menge etew zuen he wazà mekezineg te ventuǥan ku wey wazà mekaahà te ǥehem ku. Edtudtulen dan is gehem ku ziyà te menge nasyun.

Nahum 3:9

Is Etiopia wey is tivuuk he Ehipto, iyan nehimu he zesen te Tebes, ne kunaan din ke ebpedayun heini taman te taman. Is Put wey is Libya, kezapig din heini he menge nasyun.

Jeremias 47:3

Egkezineg dan is keǥurub te menge kerwahi wey dabekdabek te menge kudà. Is menge amey kenè dan en edlilingayen te edtavang is menge anak dan. Edluyahan sikandan.

1 Cronica 1:11

Si Mizraim, ne iyan kepuun te menge Ludhanen, menge Anamnen, menge Lihabnen, menge Naftanen,

Genesis 10:13

Si Mizraim, ne iyan kepuun te menge Ludhanen, menge Anamnen, menge Lihabnen, menge Naftanen,

Genesis 10:6

Is menge anak ni Ham he menge maama: si Cush, Mizraim, Put, wey si Canaan.

Jeremias 51:11

Ebelesan te Nengazen is menge tig-Babilonia su midrundus dan is baley zin. Ibpezezeetan te Nengazen is hadì te Babilonia te hadì diyà te Media su iyan heini tuyù din. Migkeǥiyan te menge edumala sikandan te, “Kemengaa niw is menge panè niw wey iandam niw is menge kelasag niw.

Ezekiel 30:4

Edsurungen is Ehipto, ne ebpekebmereǥen is menge tig-Etiopia. Mahabet is ebpematey ziyà te Ehipto, ne ebpenguwaan is menge ketiǥeyunan kayi he nasyun, ne ebengkaǥen heini.

Ezekiel 30:5

Kayi he tebek, ebpematey is menge tig-Etiopia, tig-Put, tig-Lydia, tig-Arabia, tig-Libya, wey is diyà te zuma he menge nasyun he nekidsevaha te Ehipto.