Jeremias 46:5 - Manobo Western Bukidnon OT

⁵ Piru hengkey heini is neehè ku? ed-insà is Nengazen. Nahandek kew ne mid-endud kew. Nezaag kew, ne migaan-gaan kew mebpelaǥuy is kenè en ebpenlilingey tenged te kegkahandek niw.

Jeremias 46:5 Marejeleo ya Msalaba

Genesis 19:17

Ne hein diyè dan en te ǥawas, migkaǥi is sevaha he velinsuǥuen diyà te ki Lot te, “Pelaǥuy kew en! Kenè kew lilingey wey kenè kew teren kayi te menge suǥud. Diyè kew petandang te menge vuvungan para kenè kew meragkes mepatey.”

Isaias 13:8

Egkerkeren sikandan tenged te kegkahandek. Egkeǥezam dan is utew mesakit; iring dan te vahi he ebeliliten. Ebpetengtengtengà sikandan he egkengehilewhilew su egkengeeled.

Isaias 19:16

Dutun he timpu, is menge Ehiptohanen egkehimu he meluya iring te vahi. Ebpengerkeren sikandan tenged te kegkahandek dan te silut he idsilut kandan te Nengazen he Mekeǥeǥehem.

Isaias 42:17

Piru sikan is iyan menge midseriǥan dan is menge ed-ezapen, sikan is mid-isip dan he iyan megbevayè dan is midtunew zan he menge ledawan, ebpemelaǥuy he egkengeeled-eled.”

Isaias 5:25

Umbe tenged te utew kegkepeuki keniyu te Nengazen te menge etew zin, ne edsilutan kew zin. Egkehuyung is menge vuvungan ne ebpekepeyapat kew ziyà te kersada is ebpemematey he egkeiring te menge vesura. Ne minsan pa zutun kenè pa egkaawà is pauk te Nengazen. Andam pa ǥihapun sikandin he edsilut keniyu.

Jeremias 20:10

Nezineg ku is ked-undaunda kedì te menge etew. Ke sikandan te, “Mekaharatharat is nekeliǥuy! Idsumbung tew sikandin!” Minsan is langun he menge emiǥu ku, edtaǥad he mesayep a. Ke sikandan te, “Kela ke egkelimbungan tew sikandin. Ne egkelupig tew sikandin ne ebpekevales kiw.”

Jeremias 46:15

Maan is mid-endud is memevurut he menge sundaru niw? Mid-endud dan su midsegseg dan te Nengazen.

Jeremias 46:21

Minsan is menge sundaru he sinuhulan din he henduen be te nati he menge vaka he nepurung meelimahi, kenà ebpekesukul te tebek; ebpemen-endud ne ebpemelaǥuy sikandan. Egkehitavù heini su timpu en te kedsiluti wey kedezeeti te menge tig-Ehipto.

Jeremias 49:29

Ne eǥawa is menge tulda wey menge ayam dan. Kuwaa is menge vutang dan wey menge kemilyu zan. Edhabet sikandan ebpemensag te, ‘Midliǥuyan kiw te mekahandek-handek he menge kuntada tew.’

Jeremias 49:5

Edsuǥù a te menge kuntada niw he ebpuun diyà te menge nasyun diyà te peliǥuy keniyu he ebpelihandek keniyu. Edsegseǥen kew zan puun te tanè niw, ne wazà edumala keniyu te ebpemelaǥuy.

Jeremias 6:25

Kenè kew hendiyà te menge vevesukà wey kenè kew hiphipanew ziyà te menge zalan, su zuen menge kuntada he andam he edhimatey kenitew. Mekahandekhandek is minsan hendei he nekeelingkus kenitew.

Ezekiel 32:10

Ibpelihandek ku ziyà te mahabet he menge nasyun is egkehitavù kenikew, ne elin en egkerkeren te kegkahandek is menge hadì dan. Egkerkeren te kegkeherati is kada sevaha kandan emun idsiwer ku en is ispada ku ziyà te etuvangan dan dutun te timpu te kegkezeeti nu.

Nahum 2:8

Is menge etew he ebpemelaǥuy puun te Nineve ne henduen be te edtudà he wahig he ebpuun diyà te nevusuwangan he peneng. Is menge ebpemelaǥuy ibpelikù te menge zuma zan piru wazè en egkeluvus he edliku.

Nahum 2:9

Pemineg kew is menge nenurung diyà te Nineve. Penguwaa niw is menge pelata wey vulawan kayi he inged su nepenù heini te ketiǥeyunan.

Zefanias 1:14

Meǥaan en egkeuma is mekahandekhandek he andew te kedsilut te Nengazen. Hapit en heini egkehitavù ne merasey heeyan he andew, su minsan is menge sundaru ebpekepengulahì te kebuyù te tavang.