Jeremias 46:3 - Manobo Western Bukidnon OT

³ “Iandam niw is menge kelasag niw, dekelè man etawa zeisey, ne ǥenat kew pehendiyà te tebek!

Jeremias 46:3 Marejeleo ya Msalaba

Isaias 21:5

Nengandam te keemuran is menge upisyal. Midempasan dan is ebpinuuwan dan. Migkaan sikandan wey mid-inum, ne netekewtekew zan te mibensaǥan sikandan te, “Hendini kew, pengandam kew para te tebek!”

Jeremias 46:14

“Jeremias, tudtula nu heini ziyà te Ehipto, Migdol, Memfis, wey Tapanhes: Pengandam kew su naandam en is ispada he idezaat keniyu.

Joel 3:9

Ibpetuanen heini ziyà te menge nasyun: Pengandam kew para te kebpekidtebek. Hinggata niw is menge sundaru niw te kedsurung.

Nahum 2:1

Sikiyu is menge tig-Nineve, midsurung kew en te menge kuntada niw he ebpeyapat keniyu. Umbe ventayi niw is menge verengbeng te menge inged niw wey ventayi niw is menge zalan. Tiǥuma niw is menge sundaru niw ne purung kew pengandam te kebpekidtebek.

Nahum 3:14

Sigi, pengendami niw is kebpekeuma te menge kuntada niw. Sekezu kew su wey niw zuen meinum. Lig-eni niw pa is menge verengbeng he nekeliǥuy te inged niw; baal kew te menge brik ne purungi niw heini he menge verengbeng.