Jeremias 46:21 - Manobo Western Bukidnon OT

²¹ Minsan is menge sundaru he sinuhulan din he henduen be te nati he menge vaka he nepurung meelimahi, kenà ebpekesukul te tebek; ebpemen-endud ne ebpemelaǥuy sikandan. Egkehitavù heini su timpu en te kedsiluti wey kedezeeti te menge tig-Ehipto.

Jeremias 46:21 Marejeleo ya Msalaba

Jeremias 46:5

Piru hengkey heini is neehè ku? ed-insà is Nengazen. Nahandek kew ne mid-endud kew. Nezaag kew, ne migaan-gaan kew mebpelaǥuy is kenè en ebpenlilingey tenged te kegkahandek niw.

2 Hadì 7:6

Su impezineg te Nengazen is menge sundaru he menge Aramihanen te keǥurub te menge kerwahi, menge kudà, wey mahabet he menge sundaru, umbe kunaan duen te menge Aramihanen ke midsuhulan te hadì te Israel is hadì te menge Hitihanen wey is hadì te menge Ehiptohanen te kedsurung kandan.

Micas 7:4

Is kinemetezengan kandan ne iring dà te zuǥiyen he sagbet he wazè din pulus. Neume en is timpu he edsilutan te Megbevayà heini he menge etew sumalà te impetizaan din kandan pinaaǥi te menge ebpeneuven he iring te menge perevantey te turi. Umbe ǥuntaan egkengeliveǥan sikandan.

Obadias 1:13

Wazè kew pezem medseled dutun te inged te menge etew ku zutun te kegkezeeti zan, he ebpenguwa te menge azen dan. Ne wazè kew pezem melipey zutun te timpu te kegkerasey zan.

Amos 6:4

Kehizu niw te edhidhizeǥè dà diyà te mahalen he menge katri niw, he ebpetakè en egkaan te usa te nati he kerehidu wey impelambù he nati he vaka.

Hoseas 9:7

“Menge tig-Israel, neume en is timpu te kedsiluti keniyu, kes timpu he ebelesan kew tenged te menge mibeelan niw. Ne egketuenan niw he neume en heini. Ne iyan lalag niw mehitenged kedì is, ‘Tulebung heeyan he ebpeneuven! Engey heeyan is edumelahan te mulin-ulin!’ Iyan heeyan lalag niw mehitenged kedì su ǥeina te zekelè en is salè niw ne egkeepesan a keniyu.

Jeremias 50:27

Penhimetayi niw is langun he menge sundaru zan. Lepaa niw he iring te menge turiti he vaka. Mekehizuhizu sikandan su neume en is timpu te kedsiluti kandan.

Isaias 34:7

Ebpenhimetayan din daan is mekeǥeǥehem he menge etew he henduen be te menge tudu te vaka. Ebpeketambù diyà te tanè dan is lengesa wey tavà.

Salmo 37:13

Iyan, ed-engitan dà sikandan te Nengazen, su netuenan din he hapit en egkeuma is timpu te kedezeeti kandan.

2 Samuel 10:6

Neisip-isip dutun te menge Amunihanen he egkepeukan dan ni David. Umbe midsuhulan dan is 20,000 he Aramihanen he menge sundaru he tig-Bet Rehob wey tig-Zoba, 1,000 he sundaru he ebpuun te hadì te Maaca, wey 12,000 he sundaru he ebpuun te Tob.

Ezekiel 35:5

Neuǥet en is kedumuti niw te menge tig-Israel, ne midsurung niw sikandan dutun te timpu te kelised dan, su timpu haazà te kedsiluti kandan tenged te menge salè dan.

Jeremias 50:11

“Sikiyu is menge etew ziyà te Babilonia mid-eǥawan niw te menge azen is menge etew he ǥaked ku. Midlipey kew wey miguǥusà he iring te mid-elimahan he dumeraǥa he vaka ziyà te penebtavà wey kudà he edherìhì.

Jeremias 46:9

“Sigi en, menge tig-Ehipto, ipepelelaǥuy niw en is menge kudè niw wey menge kerwahi! Surung kew en ragkes is langun he kezapig niw he ebpemuun diyà te Etiopia, Libya, wey Lydia, he menge mahagtì he egamit te kelasag wey panà.

Jeremias 18:17

Egkeiring a te keramag he ebpuun diyà te edsilaan he ebpeyapat kandan dutun te etuvangan te menge kuntada zan. Ed-iniyuǥan ku sikandan ne kenè ku edtevangan dutun te timpu te kegkezeeti zan.”

Isaias 10:3

Hengkey is ebeelan niw zutun te andew he edsilutan kew? Hengkey is ed-ul-ulahan niw emun ebpekeuma is kezeetan he ebpuun te meziyù? Hentei is ebuyuan niw te tavang? Wey hendei niw id-eles is ketiǥeyunan niw?

Erubasa 15:17

Deyzey pa is menge etew he lumbey zà is sezè dan, iyan, egiǥineǥawè dan, kenà is menge etew he usa is sezè dan, iyan, ebpekunkuntedehè dan.

Deuteronomio 32:15

Mid-uswag is menge Israilihanen piru nekidsukulè dan gihapun. Mibmelembù dan wey midekelà, iyan mid-iniyuǥan dan is Megbevayà he iyan midlimbag kandan, wey mid-engkezan dan is endilungè dan he vatu he iyan daan menluluwas dan.

Jeremias 46:22

Ebpemelaǥuy is menge tig-Ehipto, egkeiring sikandan te uled he ebpemunsuwit dutun te edula heini. Edsurung is menge kuntada zin he ed-uwit te menge wasey iring te ebpemiley te kayu.

Jeremias 48:44

Is minsan hentei kandan he ebpelaǥuy su egkahandek ne egkeulug diyà te vudsi. Ne is ebpekeǥawas puun te vudsi, ne egkelitag. Su edsilut a ziyà te Moab emun egkeume en is midtelaan ku he timpu. Iyan a, is Nengazen, is migkaǥi kayi.

Jeremias 49:8

Sikiyu is nemen-ubpà diyà te Dedan, ebpemelaǥuy kew ne ed-eles kew ziyà te mezalem he menge surung. Su ebpeeǥiyan ku te kezeetan is menge kevuwazan ni Esau dutun te timpu te kedsiluti ku kandan.

Ezekiel 30:22

Umbe, keǥiyi nu sikandin he siak, is Nengazen he MEGBEVAYÀ, migkaǥi a he kuntada ku sikandin. Edlepuan ku is dezuwa he vekelawan din, sikan is wazè pa melepui wey sikan is daan en he nelepuan, su wey zin melekai is ispada zin.