Jeremias 46:16 - Manobo Western Bukidnon OT

¹⁶ Ebpekedrurumbag is menge sundaru niw he egkengepiley. Egkaǥi sikandan te, ‘Ed-enew kiw, ne ed-ulì kiw ziyà te menge zuma tew, ziyà te tanà he mid-enakan kenitew. Su wey kiw kenà mepatey te menge kuntada tew.’

Jeremias 46:16 Marejeleo ya Msalaba

Jeremias 51:9

Migkaǥi is menge Israilihanen he ed-ubpà diyà te, “Mibpeniguduwan dey te ebawì is Babilonia piru kenè en sikandin egkeulian. Hendiyè kiw en, ed-awà kiw en kayi ne ed-ulì kiw ziyà te kenitew he menge lugar. Su nekesungkul en te langit is menge salè din, umbe edsilutan en sikandin te Nengazen.

Jeremias 50:16

Puawa niw ziyà te Babilonia is menge ebpememula wey menge ebpemenraǥun. Libriya niw mulà is menge vinihag te ispada te menge kuntada wey kenà mehimetayi, ne ipeulì sikandan diyà te kandan he menge lugar.

Jeremias 46:21

Minsan is menge sundaru he sinuhulan din he henduen be te nati he menge vaka he nepurung meelimahi, kenà ebpekesukul te tebek; ebpemen-endud ne ebpemelaǥuy sikandan. Egkehitavù heini su timpu en te kedsiluti wey kedezeeti te menge tig-Ehipto.

Jeremias 46:6

Elistu kew wey meǥaan he ebpelelaǥuy, piru kenè kew ǥihapun ebpekelikey. Egkengezeetan kew ziyà te zapit te zizaya he uvey te Wahig he Eufrates.