Jeremias 44:6 - Manobo Western Bukidnon OT

⁶ Umbe, impeǥezaman ku kandan is beǥas te utew ku kegkepauk. Henduen be heini te hapuy he mid-epur te menge inged diyà te Juda wey Jerusalem, ne nehimu heini he mekevulungbulung he menge lugar taman en guntaan.

Jeremias 44:6 Marejeleo ya Msalaba

Jeremias 7:20

Ne iyan a, is Nengazen he Megbevayà, migkaǥi kayi: Ibpeǥezaman ku is utew ku kegkepauk kayi te lugar, ziyà te menge etew, ziyà te menge uyaǥen, diyà te menge kayu, wey menge abut te tanà. Is pauk ku iring te hapuy he kenà egkeevukan.”

Ezekiel 8:18

Umbe, ibpeǥezaman ku kandan is pauk ku. Kenè ku sikandan egkehizuwan. Minsan ikulahì dan pa te mezaǥing is kebuyù dan te tavang kayi te kediey, ne kenè ku sikandan ebpemineǥen.”

Jeremias 42:18

“Migkaǥi pa is Nengazen he Mekeǥeǥehem, he Megbevayà te Israel te, ‘Iring te impeseǥazan ku te menge etew ziyà te Jerusalem is rimeǥas te utew ku kegkepauk, ibpeseǥazan ku zaan heini keniyu emun edhendiyè kew te Ehipto. Edrewakan kew wey egkelimezangan is menge etew tenged keniyu. Ed-un-undahan kew zan wey edsudien, ne kenè kew en ebpekelikù diyà te tanè niw.’

Jeremias 21:5

Iyan a mismu ebpekidtebek keniyu pinaaǥi te ǥehem ku tenged te utew ku kegkepauk.

Jeremias 7:34

Ibpeengked ku en is kegalew wey kedlipey ziyà te menge zalan te Jerusalem. Is melipayen he kegkaǥi te beuǥu kenè en egkezineg diyà te menge inged te Juda su egkehimu heini he mekevulungbulung.”

Isaias 51:20

Nengevidtawan sikandan ne nemekehidhizeǥà diyà te suyuk te kada kersada he henduen be te selazeng he nengelitag. Nesuǥat sikandan te utew kegkepauk te Nengazen; wey kebpendawey te Megbevayè nu.

Isaias 51:17

Enew ke en Jerusalem! Is pauk te Nengazen iring te inumen he mid-amin nu inuma taman te nekeziregdireg ka te kegkelangut nu.

Isaias 6:11

Ne mid-insà a te, “Sengemenu is kegkeuǥet kayi, Nengazen?” Midtavak sikandin te, “Taman te egkengewaǥey is menge inged diyà te Israel ne wazè en duen menge etew. Taman te wazè en ebpen-ubpà diyà te menge valey, ne is tanà egkepurung en egkezeeti.

Nahum 1:2

Kenà igkesuat te Nengazen he Megbevayà is ked-azap te menge etew te zuma he menge ed-ezapen. Nepeukan din is menge kuntada zin ne ebelesan din sikandan.

Daniel 9:12

Midtuman nu is kezeetan he impetizaan nu kenami wey te menge pengulu zey he iyan is ebpurungan key kenikew edsiluti. Umbe wazè pa nehitavù kayi te kelibutan he iring te mezaat he nehitavù diyà te Jerusalem.

Ezekiel 24:13

“ ‘He Jerusalem, is mahawag he vaal nu iyan nekeremerik kenikew. Neninguhà a te kedlumpiyu kenikew, piru wazè ka mebpelumpiyu. Umbe kenà egkaawà is keremerik nu taman te kanà egkaawà is kegkepeuki ku kenikew.

Ezekiel 24:8

Neehè ku heini he lengesa ne mibey-anan ku heini zutun te menge vatu he maahà te langun, ne henduen be te ebpengulahì heini is edhangyù he iyan a mebales.”

Ezekiel 20:33

Siak, is Nengazen he MEGBEVAYÀ he uuyag, ebpenangdù a he edhedian ku sikiyu pinaaǥi te zekelà he ǥehem ku wey pauk ku.

Ezekiel 6:12

Is diyà te meziyù ebpatey te zaru. Is diyà te uvey ebpatey te tebek. Ne is egkesamà ebpatey te vitil. Pinaaǥi kayi igkevuswang ku is rerangit ku.

Ezekiel 5:13

“Pinaaǥi keniyan igkevuswang ku is pauk ku kandan, ne igkepeǥezaman ku is rerangit ku para mevehew is utew ku kegkepauk.

Jeremias 36:7

Su kela ke pinaaǥi kayi edangep sikandan diyà te Nengazen, ne ed-engkezan dan is mezaat he vetasan dan. Su mibpetizeenan en sikandan te Nengazen he edsilutan sikandan tenged te utew zin kegkepauk.”

Jeremias 4:4

Sikiyu is menge etew ziyà te Juda wey Jerusalem, lumpiyuwi niw is gehinawa niw ziyà te etuvangan te Nengazen, su emun kenà, ne egkeǥezaman niw is pauk ku he iring te hapuy he kenà egkeevukan tenged te kezaat te vaal niw.

Leviticus 26:28

ne tenged te pauk ku egkuntrahan ku sikiyu ne edsilutan ku sikiyu te pitu pa maan he takep.

Leviticus 26:31

Ebengkaǥen ku is menge inged niw wey menge simbahan niw, ne kenà ebpekepenunuat kedì is hemut te menge pemuhat niw.

Isaias 1:7

Nehimu he mekevulungbulung is nasyun niw; ne nengevinsulan is menge inged niw. Ne nevembentayan niw is kebpenguwaa te menge veǥas te pinemula niw ziyà te vevesukè niw te menge etew ziyà te zuma he lugar. Edezeetan dan is tanè niw taman te kenè en heini egkepulusan.

Jeremias 4:27

Iyan heini migkaǥi te Nengazen: “Egkevengkag is tivuuk he kelibutan, piru kenè ku heini ebpurungan edezeeti.

Jeremias 7:17

Wazè nu ve maahà is menge ebeelan dan guntaan diyà te menge inged diyà te Juda wey te menge zalan diyà te Jerusalem?

Jeremias 34:22

edsuǥuen ku sikandan te ked-uman kedsurung diyà te inged niw. Edsurung dan kayi ne ed-eǥawen dan heini, ne ebinsulan dan. Edhimuwen ku he mekevulungbulung is menge inged diyà te Juda ne wazè en ed-ubpè kayi. Iyan a, is Nengazen, is migkaǥi kayi.”

Penhulùhulù 1:13

Puun te langit imbulus din is hapuy he henduen be te neketutung te menge tulan ku. Midlitaǥan din is beyeey ku ne neutel a. Midhimu e zin he mekevulungbulung ne midsiguduwan e zin resaya.

Ezekiel 20:34

Uya, tenged te zekelà he gehem ku wey pauk ku, id-awè ku sikiyu ziyà te nekedseselekawà he menge nasyun he zutun kew mekepeyapat,

Zacarias 1:2

Is Nengazen he Mekeǥeǥehem, midsuǥù din si Zacarias he keǥiya zin heini ziyà te menge etew te Israel: “Nepeukan ku utew is menge kepuun niw. Ne ǥuntaan likù kew kayi te kediey ne edlikù a ziyà te keniyu.

Zacarias 7:14

Iring a te eribpures he mibpeyapat kandan diyà te menge lugar he wazè dan keenu meveyai. Neewaan dan is meupiya he tanè dan, ne nehimu heini he mekevulungbulung.”

Jeremias 8:3

Is egkesamà he uuyag kayi te mezaat he nasyun ibpeyapat ku ziyà te zuma he menge nasyun, ne zutun edtumuen dan is kebpatey kenà te kegkeuyag. Iyan a, is Nengazen he Mekeǥeǥehem, is migkaǥi kayi.”

Jeremias 44:22

Hein kenè en egkaantus te Nengazen is kelelalung wey utew mezaat he menge vaal niw, midhimu zin is tanè niw he telemayen wey mekevulungbulung, he wazè en duen ed-ubpà, he iyan is nehitavù en guntaan.

Penhulùhulù 1:1

Utew mekevulungbulung is Jerusalem, he zengan mahabet is menge etew kayi. Dengan nevantug heini kayi te tivuuk he kelibutan, iyan, guntaan neiring en te valu he vahi. Dengan iyan heini edhuna he inged, piru ǥuntaan neiring en heini te uripen.

Penhulùhulù 5:18

Su mekevulungbulung en is Buvungan he Zion, ne iyan dà edriǥuriǥu kayi is leew he menge asu.

Zacarias 1:6

Piru nehitavù diyà te menge kepuun niw is migkaǥi ku wey is menge petizaan he impekaǥi ku te menge suluǥuen ku he menge ebpemeneuven. Ne mid-iniyug te mezaat is menge kepuun niw he ke sikandan te, ‘Midsilutan kiw te Nengazen he Mekeǥeǥehem te ereg he vales te menge vaal tew, sumalà te pelanu zin.’ ”