Jeremias 44:23 - Manobo Western Bukidnon OT

²³ Nehitavù heini he kezeetan diyà te keniyu su midtutung kew te veyewà wey mibaal kew te salà diyà te Nengazen. Wazè kew medtuman te kesuǥuan din wey wazè kew medsunud te menge sulunuzen wey menge penurù.”

Jeremias 44:23 Marejeleo ya Msalaba

1 Hadì 9:9

Edtavak is duma te, ‘Tenged te mid-iniyuǥan dan is Nengazen he Megbevayè dan, he iyan mibpeǥawas te menge kepuun dan diyà te Ehipto, ne mibpenilbi wey mid-azap dan te zuma he ed-ezapen. Umbe mibpeeǥiyan sikandan te Nengazen kayi he menge vangkit.’ ”

2 Hadì 17:15

Inselikwey zan is menge sulunuzen wey is kebpekid-uyun kandan te Nengazen he midhimu zin diyà te menge kepuun dan, ne wazè dan seǥipaa is menge petizaan din kandan. Midsunud dan is wazè din pulus he zuma he menge ed-ezapen, ne nehimu sikandan he wazà menge pulus. Mid-iringan dan is menge etew ziyà te menge nasyun he nekeelingkus kandan minsan mibmenduan sikandan te Nengazen he kenè dan heini iringi. Mibeelan dan is menge vaal he indawey kandan te Nengazen.

2 Cronica 36:16

Piru mid-undaunda zan dà is menge ebpeneuven te Megbevayà, mid-engitan dan, wey wazè dan beliya is menge lalag kayi te menge ebpeneuven. Umbe nepeukan sikandan te Nengazen, ne wazà ebpekeeǥen kandin.

Nehemias 13:18

Kenè be iyan heini mibeelan te menge kepuun niw, umbe midsilutan kiw te Megbevayà wey zuen samuk kayi te inged tew? Ne ǥuntaan, ibpeiseg niw is kegkepauk te Megbevayà pinaaǥi te vaal niw, su wazè niw isipa he segradu is Andew te Kedhimeley.”

Salmo 119:136

Nekepurung a mekesineǥew su ǥeina te wazà medtuman is menge etew te kesuǥuan nu.

Salmo 119:150

Mid-uvey kayi te kediey is menge lalung he mibpesipala kediey he wazà medawat te kesuǥuan nu.

Salmo 119:155

Kenà egkelibri is menge lalung su wazà sikandan medtinguhà te kedtuman te menge sulunuzen he ibpesunud nu.

Salmo 78:10

Wazè dan tumana is kebpekid-uyun dan te Megbevayà; wazè dan sunuza is kesuǥuan din.

Salmo 78:56

Iyan, migezaman dan is Utew Lavew he Megbevayà, su midsupak dan sikandin ne wazè dan tumana is menge suǥù din.

Jeremias 26:4

Keǥiya nu kandan he iyan heini migkaǥi ku: Emun kenè kew ebpemineg kedì wey kenè kew edtuman te menge kesuǥuan ku he imbeǥey ku keniyu,

Jeremias 40:3

Ne ǥuntaan nehitavù en heini; mibeelan iyan te Megbevayà is migkaǥi zin. Nehitavù heini is langun su ǥeina te mibaal kew te salà diyà te Nengazen, ne wazè kew mebpezumazuma kandin.

Jeremias 44:10

Taman en guntaan is kebpelavew niw wey is kenè niw kedtehuza kedì. Wazè kew zaan medtuman te kesuǥuan ku wey te menge sulunuzen he ibpetuman ku keniyu wey te menge kepuun niw.

Jeremias 44:18

Piru hein mid-engked key he edtutung te veyewà he para te Rayna te Langit wey wazè key en medhalad te pemuhat he inumen diyà te kandin, naawà hinuun diyà te kenami is langun, ne ebpematey key en nasì te tebek wey bitil.”

Jeremias 44:2

Iyan heini migkaǥi te Nengazen he Mekeǥeǥehem, he Megbevayà te Israel: “Neehè niw is dekelà he kezeetan he impeseǥazan ku ziyà te Jerusalem wey ziyà te langun he menge inged diyà te Juda. Nengevengkag en heini ne wazè en duen ed-ubpà

Jeremias 44:21

“Egkeisip niw ve he wazà metueni te Nengazen is kedtutung niw te veyewà wey is kedtutung te veyewà te menge kepuun niw, menge hadì wey menge upisyal wey menge etew ziyà te menge inged diyà te Juda wey ziyà te menge zalan te Jerusalem?

Jeremias 44:3

tenged te mezaat he menge vaal te menge meǥinged duen. Midhimu zan he mepauk a pinaaǥi te kedtutungi zan te veyewà wey ked-ezapa zan te menge ed-ezapen he wazè dan duen hanew wey te menge kepuun dan.

Jeremias 44:8

Maan is midhimu niw he mepauk a pinaaǥi te kebaal niw te menge ed-ezapen? Edtutung kew pa te veyewà para kayi zini te Ehipto he iyan ed-ubpaan niw guntaan. Pinaaǥi kayi midezeetan niw is keugelingen niw wey midhimu niw he telemayen wey mekeeled-eled diyà te etuvangan te menge etew ziyà te langun he nasyun kayi te kelibutan.

Penhulùhulù 1:8

Utew zekelà is salà te Jerusalem, umbe nehimu heini he meremerik. Is langun he mibeǥey kandin te zengeg dengan ne edsudì en kandin su neehè dan is kegkelevasi kandin. Edag-es sikandin ne midtembunan din is enaping din tenged te kegkeeled din.

Daniel 9:13

Nehitavù diyà te kenami heini he silut sumalà is ingkesurat diyà te Kesuǥuan ni Moises. Piru Nengazen he Megbevayè dey, minsan pa te iyan heini nehitavù kenami wazè key ǥihapun medtinguha te kebpenunuat kenikew pinaaǥi te ked-iniyug te menge salè dey wey kegkilala te tutuu.