Jeremias 39:17 - Manobo Western Bukidnon OT

¹⁷ Piru edlibriyen ku sikew zutun he timpu. Kenè ku sikew ibeǥey ziyà te menge etew he igkahandek nu.

Jeremias 39:17 Marejeleo ya Msalaba

Salmo 50:15

Umawa a keniyu te timpu te kelised su edlibriyen ku sikiyu, ne zutun edeliǥen a keniyu.”

Jeremias 1:19

Egkuntedahan ke zan, piru kenè ke zan egkezaag, su zuma a kenikew ne edtevangan ku sikew. Iyan a, is Nengazen, is migkaǥi kayi.”

2 Samuel 24:14

Midtavak si David diyà te ki Gad te, “Egkereǥenan a utew te kebpilì. Deyzey pa ke iyan en is Nengazen edsilut kenami te menge etew, su hihizuwen is Nengazen.”

Jeremias 38:9

“Mahal he Hadì, mezaat is mibeelan kayi he menge etew ziyà te ki Jeremias. Midteyuntun dan sikandin diyà te vudsi, ne ebpatey sikandin te kegkevitil, su hapit en egkaamin is keenen kayi te inged.”

Genesis 15:1

Ne hein neiwas haazà, mibpekidlalag ki Abram is Nengazen , ke sikandin te, “Abram, kenè ka mahandek, su edlevanan ku sikew wey ebeǥayan ku sikew te utew zekelà he suhul.”

Daniel 6:16

Umbe, impezakep dutun te hadì si Daniel ne impeulug din diyà te vudsi he zuen duen menge erimaung. Migkaǥi haazà is hadì diyà te ki Daniel te, “Berakat he libriya ka te Megbevayè nu he kenè nu ed-engkezan te edsilbi.”

Jeremias 38:1

Nekezineg si Shefatia he anak ni Matan, si Gedalia he anak ni Pashur, si Jehucal he anak ni Shelemia, wey si Pashur he anak ni Malkia te migkaǥi ni Jeremias diyà te menge etew te, “Migkaǥi is Nengazen te

1 Hadì 18:15

Migkaǥi si Elias te, “Ebpenangdù a ziyà te uuyag he Nengazen he Mekeǥeǥehem, he edsilbiyan ku, he ebpaahà a ki Ahab guntaan he andew.”

1 Hadì 18:16

Umbe, midhendiyà si Obadias te ki Ahab ne migkeǥiyan din he zutun si Elias, ne migenat si Ahab te kedhinguma ki Elias.

2 Hadì 6:16

Midtavak si Elisha te, “Kenè ka mahandek. Tuwas pa he mahabet kandan is kenita he zuma.”