Jeremias 37:21 - Manobo Western Bukidnon OT

²¹ Umbe, mibmandù si Hadì Zedekia he ziyè dà ebpirisuwa si Jeremias te ubpeey te menge vantey te turuǥan. Mibmandù daan haazà is hadì he ebeǥayan si Jeremias te keenen he ebpuun diyà te menge panadiru zutun te inged andew-andew taman te zuen pe pan dutun te inged. Umbe mibpedayun is kegkepirisuwa ki Jeremias diyà te ubpeey te menge vantey.

Jeremias 37:21 Marejeleo ya Msalaba

Jeremias 38:28

Mibpedayun is kegkepirisuwa ki Jeremias diyà te ubpeey te menge vantey te turuǥan taman te andew te kegkeeǥawa te Jerusalem.

Jeremias 38:13

ne miguyud dan sikandin su wey mekeǥawas dutun te vudsi. Ne hein nepasad haazà mibpedayun is kegkepirisuwa ki Jeremias diyà te ubpeey te menge vantey te turuǥan.

Jeremias 52:6

Ne hein ikesiyam he andew te ikeepat he vulan dutun he tuig, utew mepait he vitil zutun te inged, ne wazè en egkekaan te menge etew.

Jeremias 38:9

“Mahal he Hadì, mezaat is mibeelan kayi he menge etew ziyà te ki Jeremias. Midteyuntun dan sikandin diyà te vudsi, ne ebpatey sikandin te kegkevitil, su hapit en egkaamin is keenen kayi te inged.”

Jeremias 32:2

Dutun he timpu midliǥuyan te menge sundaru te Babilonia is Jerusalem, ne si Jeremias he ebpeneuven mibpirisu ziyà te ubpeey te menge vantey ziyà te turuǥan.

Isaias 33:16

Iyan heini ked-etew te menge etew he ebpekelingkawas te vangkit, ne iring te ziyè dan med-ubpà te metikang he menge lugar, ne iyan egkehimu he endilungè dan is dezekelà he menge vatu. Ne kenà sikandan egkeewaan te keenen wey wahig.

2 Hadì 25:3

Ne hein ikesiyam he andew te ikeepat he vulan dutun he tuig, utew mepait he vitil zutun te inged, ne wazè en egkekaan te menge etew.

Job 5:20

Edlibriyen ke zin te kemetayen emun timpu te vitil etawa tebek.

Penhulùhulù 5:10

Edetengen key tenged te subra he kegkevitil, ne is menge lawa zey henduen be te keinit te rapug is keinit din.

Jeremias 32:8

“Ne ǥeina te iyan heeyan migkaǥi te Nengazen, midhengkayi te kediey si Hanamel he id-aǥew ku, kayi te ubpeey te menge vantey. Ke sikandin te, ‘Deyzey ke ebpemesahan nu is bevesukè ku ziyà te Anatot he nesakup te tanà te tribu ni Benjamin. Duen nu ketenged wey ketengdanan te kedlekat wey ked-angken kayi, umbe pemesaha nu en heini para kenikew.’ ” Netuenan ku he iyan migkaǥi zutun is Nengazen,

Erubasa 21:1

Is isip te menge hadì ne iring te wahig he iyan ebayàbayà is Nengazen te kedtudè din. Iyan ebayàbayà kayi sikandin sumalà te egkesuatan din.

Erubasa 16:7

Emun igkesuat te Nengazen is menge ulaula ta, edhimuwen din he meemiǥu ta is menge kuntada ta.

Salmo 37:19

Ne minsan timpu te vangkit kenà sikandan egkemenu, ne minsan timpu te vitil ne zekelà is keenen dan.

Salmo 37:3

Sarig ka te Nengazen, ne ul-ulaha nu is meupiya. Pengungubpaan ka kayi te tanà he wazè nu igkahandek he ebpekekaid.

Jeremias 33:1

Hein diyè pa si Jeremias te mibpirisuwan kandin he ubpeey te menge vantey te turuǥan, migkaǥi is Nengazen diyà te kandin te ikezuwa.

Jeremias 38:6

Umbe, migkuwa zan si Jeremias ne midteyuntun dan diyà te vudsi he punduwà te wahig diyà te ubpeey te menge vantey. Heini he vudsi he punduwà te wahig ne iyan teǥiǥaked si Malkia he anak te hadì. Wazè en kayi wahig piru zuen kayi vasak he ebpekerevur ki Jeremias.

Jeremias 20:2

impevuǥel zin heini ne impepirisu zin diyà te uvey te ǥemawan te valey te Nengazen he migngezanan te Pultahan ni Benjamin.