Jeremias 37:1 - Manobo Western Bukidnon OT

¹ Midhimu ni Hadì Nebucadnezar he hadì te Babilonia si Zedekia he anak ni Josia he hadì te Juda he ilis ki Jehoyakin he anak ni Jehoyakim.

Jeremias 37:1 Marejeleo ya Msalaba

Jeremias 22:24

“Siak, is uuyag he Nengazen, ebpenangdù a he idselikwey ku sikew, Hadì Jehoyakin he hadì te Juda, he anak ni Jehoyakim. Minsan pa neiring ka te sising diyà te kewanan he velad ku ebpul-uten ku sikew.

2 Hadì 24:17

Is midhimu ni Nebucadnezar he hadì he ilis ki Jehoyakin iyan si Matania he anggam ni Jehoyakin. Ne mid-ilisan din is ngazan ni Matania te Zedekia.

2 Hadì 24:12

Ne midsurindir ziyà te kandin si Hadì Jehoyakin, duma is iney zin, menge suluǥuen din, menge dungganen he menge etew zin, wey menge upisyal zin. Ne hein ikewalu he tuig te kedhadì ni Nebucadnezar ziyà te Babilonia, mibihag din si Jehoyakin.

Jeremias 52:31

Hein ike-37 he tuig te kegkevihag ni Hadì Jehoyakin he hadì te Juda, nehimu he hadì diyà te Babilonia si Evil Merodac. Ne impeǥawas din diyà te pirisuwan si Jehoyakin hein ike-25 he andew te ike-12 he vulan dutun he tuig.

Jeremias 24:1

Duen impelewasan kedì te Nengazen hein mibihag en ni Hadì Nebucadnezar he hadì te Babilonia si Hadì Jehoyakin he hadì te Juda, he anak ni Jehoyakim. Mid-uwit si Jehoyakin diyà te Babilonia ragkes is menge upisyal zin wey is memetau he menge pandey wey menge terebahanti. Hein neipus heini he hitavù ne zuen impelewasan te Nengazen kedì. Dutun te nelewasan ku neehè ku is dezuwa he vaskit he veǥas te higus he ziyà te egkesineruwan duen te valey te Nengazen.

Jeremias 22:28

Jehoyakin, neiring ka te nerupet he ziniyun he intimbag su wazè din en pulus. Iyan heeyan hinungdan ke maan is idtimbag ku sikew wey is menge anak nu ziyà te inged he wazè niw zuen hanew.”

Jeremias 21:1

Mibpekidlalag is Nengazen pinaaǥi ki Jeremias hein si hadì Zedekia, he hadì te Juda, midsugù din diyà te ki Jeremias si Pashur he anak ni Malkia wey is memumuhat he si Zefanias he anak ni Maasea. Ne migkaǥi sikandan diyà te ki Jeremias te,