Jeremias 36:12 - Manobo Western Bukidnon OT

¹² midhendiyà sikandin te turuǥan, diyà te ruǥu te sikritaryu he zutun edtiǥum is langun he menge upisyal. Dutun si Elishama he sikritaryu, si Delaya he anak ni Shemaya, si Elnatan he anak ni Acbor, si Gemaria he anak ni Shafan, si Zedekia he anak ni Hanania, wey is duma pa he menge upisyal.

Jeremias 36:12 Marejeleo ya Msalaba

Jeremias 26:22

Piru midsuǥù ni Hadì Jehoyakim si Elnatan he anak ni Acbor zuma te zuma he menge etew te kedhendiyà te Ehipto.

Jeremias 36:25

Minsan midhangyù si Elnatan, si Delaya, wey si Gemaria zutun te hadì he kenè din tutunga sikan is belesahan, ne wazà mebpemineg haazà is hadì.

2 Hadì 22:12

Mibmenduan din si Hilkia he memumuhat, si Ahikam he anak ni Shafan, si Acbor he anak ni Mecaya, si Shafan he sikritaryu, wey si Asaya he keugelingen din he suluǥuen. Ke sikandin te,

Jeremias 41:1

Heini si Ishmael anak ni Netania wey apù ni Elishama. Nesakup sikandin te lavew he pemilya ne sevaha sikandin duen te menge upisyal te hadì dutun te nehuna he timpu. Ne hein ikepitu he vulan dutun he tuig, midhendiyà si Ishmael te ki Gedalia diyà te Mizpa duma te sepulù he etew. Ne zutun te egkaan sikandan,

2 Hadì 24:8

Mibpenuiǥen si Jehoyakin te 18 he tuig hein nehimu sikandin he hadì. Diyà sikandin med-ubpà te Jerusalem, ne midhadì sikandin seled te tetelu he vulan. Is iney zin iyan si Nehusta he anak ni Elnatan he tig-Jerusalem.

2 Hadì 22:14

Umbe, midhendiyà si Hilkia he memumuhat, si Ahikam, si Acbor, si Shafan, wey si Asaya te ki Hulda te sevaha he vahi he ebpeneuven su ebpekidlalag dan kandin. Heini si Hulda, diyà ed-ubpà te veǥu he vahin te Jerusalem, ne esawa sikandin ni Shalum he anak ni Tikva wey apù ni Harhas. Si Shalum iyan ed-atur te menge visti ziyà te Baley te Nengazen.

2 Hadì 22:3

Hein ike-18 he tuig te kedhadì din, impehendiyè din te valey te Nengazen is sikritaryu zin he si Shafan, he anak ni Azalia wey apù ni Meshulam. Migkeǥiyan din si Shafan te,

Jeremias 38:4

Umbe, migkeǥiyan dutun te menge upisyal sikan is hadì te, “Kinahanglan he edhimetayan heini he etew. Su id-awè din is kezasig te menge sundaru he nesamà kayi te inged, ragkes en is langun he menge etew kayi, tenged te mibpengaǥi zin diyà te kandan. Wazà sikandin medtinguhà te keupiyaanan te menge etew, kekenà, kezeetan dan.”

Jeremias 26:10

Ne hein nezineg heini te menge upisyal te Juda, migenat dan puun te turuǥan, ne midhendiyè dan te valey te Nengazen. Mibpinuu zan diyà te veyeey he migngezanan te Beǥu he Gemawan he valey te Nengazen he para te kedhukum.

Jeremias 26:24

Si Jeremias midtevangan ni Ahikam te anak ni Shafan. Umbe wazà sikandin ikeveǥey ziyà te menge etew wey zan mehimetayi.