Jeremias 34:5 - Manobo Western Bukidnon OT

⁵ kekenà, ebpatey ka he melinawen. Edtutung te veyewà is menge etew nu su ebeǥayan ke zan te zengeg iring te mibeelan dan hein inleveng is menge kepuun nu he nehuna kenikew he midhadì. Igkeseeng ke zan ne ke sikandan te, ‘Minatey en is hadì dey!’ Iyan a, is Nengazen, is migkaǥi kayi.”

Jeremias 34:5 Marejeleo ya Msalaba

Jeremias 22:18

Umbe, iyan heini migkaǥi te Nengazen mehitenged ki Hadì Jehoyakim he hadì te Juda, he anak ni Josia: “Wazà egkeseeng emun ebpatey sikandin. Is pemilya zin, is menge upisyal zin, wey kandan he ginsekupan ne kenà egkeseeng kandin.

2 Cronica 16:14

Inleveng sikandin diyà te penlevengà he mibpeveelan din para te keugelingen din diyà te Inged ni David. Impehizeǥè dan sikandin diyà te hizeǥeey he zuen duen nekedseselekawà he menge pehemut, wey midtetavun is menge etew te zekelà he hapuy para te kebeǥayi kandin te zengeg.

Daniel 2:46

Ne segugunà midluhud si Hadì Nebucadnezar te kebeǥey te zengeg ki Daniel. Ne kegkepasad dutun ne mibmandar sikandin te kebpemuhat wey kedtutung te veyewà diyà te etuvangan ni Daniel.

Ezekiel 17:16

Kenà! Su siak, is uuyag he Nengazen he MEGBEVAYÀ, nenangdù a he heini is hadì te Juda, siguradu he ebpatey ziyà te Babilonia, su midrapas din is uyun he mibpenengduan din diyà te hadì te Babilonia he iyan ingkehimuwa kandin he hadì.

Penhulùhulù 4:20

Nezekepan dan is hadì dey he mibpilì te Nengazen, he iyan pezem midseriǥan dey he ebpengalang kenami te kedezaat te kuntada zey he menge nasyun.

2 Cronica 34:28

mintras uuyag ke pa, kenè ku ebpeeǥiyan te kezeetan heini he lugar wey is menge meǥinged kayi. Ebpatey ka he melinawen, ne ed-uwiten ku sikew ziyà te zivaluy he untung.” Ne migkeǥiyan dan sikan is hadì te tavak ni Hulda.

2 Hadì 22:20

mintras uuyag ke pa, kenè ku ebpeeǥiyan te kezeetan heini he lugar. Ebpatey ka he melinawen, ne ed-uwiten ku sikew ziyà te zivaluy he untung.” Ne migkeǥiyan dan sikan is hadì te tavak ni Hulda.

Jeremias 34:4

Piru pemineǥa nu, Hadì Zedekia, heini is idsaad ku kenikew: Kenè ka ebpatey te tebek,

1 Samuel 31:12

Ne zutun migenat is langun he menge mevurut he etew zutun te kandan te tivuuk mezukilem taman te nekeuma zan diyà te Bet Shan. Migkuwa zan is lawa ni Saul wey is menge anak din dutun te berengbeng te Bet Shan, ne mid-uwit dan diyà te Jabesh ne mibinsulan dan.