Jeremias 34:22 - Manobo Western Bukidnon OT

²² edsuǥuen ku sikandan te ked-uman kedsurung diyà te inged niw. Edsurung dan kayi ne ed-eǥawen dan heini, ne ebinsulan dan. Edhimuwen ku he mekevulungbulung is menge inged diyà te Juda ne wazè en ed-ubpè kayi. Iyan a, is Nengazen, is migkaǥi kayi.”

Jeremias 34:22 Marejeleo ya Msalaba

Jeremias 9:11

Su migkaǥi is Nengazen te, “Edezeetan ku is Jerusalem, ne egkehimu zà heini he ubpeey te leew he menge asu. Is menge inged diyà te Juda egkeiring te disirtu he wazà duen ed-ubpà.”

Jeremias 39:8

Ne elin daan nehitavù is, mibinsulan te menge tig-Babilonia is menge valey ziyà te Jerusalem ragkes en is turuǥan te hadì, ne mibpemengkag dan is menge verengbeng.

Jeremias 52:13

Mibinsulan din is baley te Nengazen, is turuǥan, is langun he menge valey ziyà te Jerusalem, wey is langun he impurtanti he menge bilding.

Jeremias 52:7

Dutun he timpu, duen kevahin duen te verengbeng he midrundus te menge tig-Babilonia, umbe nekeisip si Zedekia wey is langun he menge sundaru zin he ebpelaǥuy zan. Piru ǥeina te neliǥuyan te menge tig-Babilonia haazà is inged, ne midteǥazan dan is kebmezukilem. Diyè dan mebayà te pultahan, he ziyà te pid-elangan te zezuwa he verengbeng uvey te pemuleey te hadì. Mibpelaǥuy zan diyà te Araba,

Jeremias 44:22

Hein kenè en egkaantus te Nengazen is kelelalung wey utew mezaat he menge vaal niw, midhimu zin is tanè niw he telemayen wey mekevulungbulung, he wazè en duen ed-ubpà, he iyan is nehitavù en guntaan.

Jeremias 33:10

Mibpedayun megkaǥi is Nengazen te, “Migkaǥi kew te mekevulungbulung wey wazà menge etew wey menge langgam diyà te Juda wey Jerusalem. Piru ziyà te huziyan he timpu egkezineg en maan kayi he lugar

Zacarias 7:14

Iring a te eribpures he mibpeyapat kandan diyà te menge lugar he wazè dan keenu meveyai. Neewaan dan is meupiya he tanè dan, ne nehimu heini he mekevulungbulung.”

Zacarias 1:12

Ne migkaǥi is belinsuǥuen te Nengazen te, “Nengazen he Mekeǥeǥehem, 70 en he tuig is kegkepeuki nu te menge tig-Jerusalem wey menge meǥinged diyà te zuma he menge inged diyà te Juda. Keenu nu pa edtepusa is kenè nu kegkehizuwi kandan?”

Micas 7:13

Egkehimu he mekevulungbulung is menge nasyun kayi te kelibutan tenged te kegkezeeti te menge meǥinged kayi.”

Amos 3:6

Kenè be egkerkeren te kegkahandek is menge etew emun edaǥing is menge vudyung te kebpesayud he zuen menge kuntada he edsurung? Emun egkeumahan te kezeetan is inged kenè be ketau te Nengazen is kebpekeuma zutun?

Penhulùhulù 1:1

Utew mekevulungbulung is Jerusalem, he zengan mahabet is menge etew kayi. Dengan nevantug heini kayi te tivuuk he kelibutan, iyan, guntaan neiring en te valu he vahi. Dengan iyan heini edhuna he inged, piru ǥuntaan neiring en heini te uripen.

Jeremias 38:23

“Is langun he menge esawa nu wey menge anak nu ebihaǥen te menge tig-Babilonia. Sikew mismu ne kenè ka ebpekelikey kandan; ebihaǥen ka te hadì te Babilonia, ne ebinsulan dan heini he inged.”

Jeremias 32:29

Edselezan dan heini he inged ne ebinsulan. Elin daan ebinsulan dan is menge valey he zutun te atep dan edtutungen is beyewà para ki Baal. Ne zutun daan edhalad dan te idhalad he menge inumen para te zuma he menge ed-ezapen he utew ku ingkeepes.

Jeremias 4:7

Edsurung en is ebpendezaat te menge nasyun he henduen be te erimaung he migawas puun te elesè din. Migenat en sikandin puun te inged din su edezeetan din is tanè niw. Ebengkaǥen din is menge inged niw taman te kenè en egkehimu he ed-ubpaan.

Isaias 64:10

Is segradu he menge inged nu, ragkes en is Jerusalem neiring te sibsivayan he wazà duen ed-ubpa.

Isaias 37:26

“Tutuu iyan he mibpemengkag nu is binerengbeng he menge inged. Piru wazè nu ve metueni he siak, is Megbevayà, neuǥet en he imbanglis ku is kegkeul-ulaha kayi? Neuǥet en diyà te pelanu ku is kegkeul-ulaha kayi ne ǥuntaan edtumanen ku en heini.

Isaias 24:12

Egkevengkag is inged ne kenè en egkepurungan, ne egkengeǥevà is menge pultahan kayi.

Isaias 13:3

Midsuǥù ku en is pinilì ku he menge sundaru te kedsilut te menge etew he egkeepesan ku. Heini he menge sundaru nengelipey sikandan su edsarig dan he edhimuwen ku heini he kedsilut.

Isaias 6:11

Ne mid-insà a te, “Sengemenu is kegkeuǥet kayi, Nengazen?” Midtavak sikandin te, “Taman te egkengewaǥey is menge inged diyà te Israel ne wazè en duen menge etew. Taman te wazè en ebpen-ubpà diyà te menge valey, ne is tanà egkepurung en egkezeeti.

2 Cronica 36:17

Impesurung din sikandan te menge tig-Babilonia. Mibpenhimetayan te menge tig-Babilonia is betan-en he menge maama kandan minsan ed-aput pa ziyà te valey te Nengazen. Wazè dan kegkehizu te minsan hentei maama etawa bahi, batà etawa meǥurang, deruwanen etawa kenà. Imbeǥey te Megbevayà is langun he menge etew zin diyà te ki Nebucadnezar.

2 Samuel 16:11

Migkeǥiyan ni David si Abishai wey is langun he menge upisyal zin te, “Emun edtinguhà is anak ku te kedhimatey kedì, iyan pe be heini is kezuzumahi ni Saul? Beleǥaza niw en sikandin su Nengazen is midsuǥù kandin.

2 Hadì 25:6

Ne mid-uwit dan sikandin diyà te hadì te Babilonia he ziyà te Ribla, he sakup te tanà he Hamat, ne zutun sikandin hukumi.

Jeremias 50:13

Tenged te pauk ku wazè en ebpekeubpà diyà te Babilonia ne egkehimu heini he mekevulungbulung he lugar. Is langun he edsaǥad kayi ne ebpekepenerektek dan tenged te langun he egkehitavù kayi he nasyun.

Ezekiel 13:22

“Naawà is kezasig te menge metazeng tenged te menge tarù niw, ne minsan siak wazà a mebeǥey kandan te seeng. Ne midasig niw is menge lalung he kenè dan ewai is kelelalung dan pinaaǥi te kedsaad niw kandan he egkelibri sikandan te kemetayen.

2 Hadì 25:9

Mibinsulan din is baley te Nengazen, is turuǥan, is langun he menge valey ziyà te Jerusalem, wey is langun he impurtanti he menge bilding.

Jeremias 2:15

Is menge kuntada zin henduen be te erimaung he edhiniǥer ziyà te kandin. Mibpendezeetan dan is menge tanà kayi, wey mibpemengkag dan is menge inged duen, ne wazè en ed-ubpà duen.