Jeremias 33:21 - Manobo Western Bukidnon OT

²¹ Ne iring daan keniyan is kebpekid-uyun ku ki David he suluǥuen ku, he iyan is layun din duen kevuwazan he egkehimu he hadì. Ne iring din daan is menge memumuhat he kevuwazan ni Levi ebpenilbi ǥihapun sikandan kediey.

Jeremias 33:21 Marejeleo ya Msalaba

Salmo 89:34

Edtumanen ku is kebpekid-uyun ku kandin, wey is impesarig ku kandin.

2 Cronica 7:18

ibpehadì ku is menge kevuwazan nu te wazà pidtemanan. Iyan heini impenaad ku ziyà te amey nu he si David hein migkeǥiyan ku sikandin te, ‘Kenè ka egkeewaan te kevuwazan he edhadì te Israel.’

2 Cronica 21:7

Piru tenged te kebpekid-uyun te Nengazen ki David, ne wazè din dèdeeti is kevuwazan ni David. Su midsaad is Nengazen ki David he zuen menge kevuwazan din he edhadì taman te taman.

2 Samuel 23:5

Iyan heeyan ked-ahà te Megbevayà te pemilya ku, su midhimu sikandin kayi te kedì te kebpekid-uyun he wazà pidtemanan. Heini he kebpekid-uyun, ne kenè en egkevelvelewanan ne kenè en daan egkeilisan. Umbe egkeperateng ku he lelayun a edluwasa te Megbevayà, wey ibeǥey zin kedì is langun he egkesuatan ku.

Daniel 7:14

Mibeǥayan sikandin te zengeg wey keǥehem te kedhadì, ne ebpenilbi kandin is langun he menge etew ziyà te nekedseselekawà he menge nasyun, menge kepuun, wey menge kineǥiyan. Ne ebpedayun is kedhadì din te wazà pidtemanan ne wazà ebpekezezaat kayi.

Jeremias 33:18

Wey layun daan duen menge memumuhat he menge kevuwazan ni Levi he ebpenilbi kedì wey ebpemuhat te menge pemuhat he edtutungen, menge pemuhat he para gasa, wey zuma pa he menge pemuhat.”

Isaias 55:3

Uvey kew wey mebpemineg kediey su wey kew meuyag. Ebpekid-uyun a keniyu te wazà pidtemanan. Ibpeehè ku keniyu is gaǥew wey kebmetinumanen ku he insaad ku ki David.

Salmo 132:17

Ibpahadì ku ziyà te Zion is hadì he kevuwazan ni David ne egkeiring sikandin te sulù he kenà egkeevukan.

Salmo 89:36

Is kada hadì te Israel ne ziyà ebpuun te menge kevuwazan din taman te taman. Is ginhedian din iring te andew he kenà egkaawà diyà te etuvangan ku.

Isaias 66:22

Migkaǥi pa zaan is Nengazen te, “Iring te kenà egkaawà te taman te taman is beǥu he langit wey beǥu he tanà he ebeelan ku, ne kenà daan egkaawà te wazà pidtemanan is menge kevuwazan niw, ne kenè kew egkelipatan.