Jeremias 33:10 - Manobo Western Bukidnon OT

¹⁰ Mibpedayun megkaǥi is Nengazen te, “Migkaǥi kew te mekevulungbulung wey wazà menge etew wey menge langgam diyà te Juda wey Jerusalem. Piru ziyà te huziyan he timpu egkezineg en maan kayi he lugar

Jeremias 33:10 Marejeleo ya Msalaba

Salmo 147:13

Su midlig-enan din is menge pultahan te inged niw. Ne midtuvazan kew zin.

Salmo 85:7

Nengazen, ipeehè nu kenami is kebmahala nu kenami ne libriya key.

Jeremias 26:9

Maan is migkaǥi ka pinaaǥi te ngazan te Nengazen he heini is baley te Nengazen edezeetan iring te kedezeeti te Shilo, ne heini is inged egkehimu he mekevulungbulung ne kenè en egkeubpaan?” Ne midakep dan si Jeremias dutun te valey te Nengazen.

Jeremias 32:36

“Jeremias, tutuu is migkaǥi nu he pinaaǥi te tebek, bitil, wey zaru egkezizalem heini he inged te ǥehem te hadì te Babilonia. Piru ǥuntaan siak, is Nengazen he Megbevayà te Israel, egkaǥi a te,

Jeremias 32:43

Duen egkagi he heini is tana utew en mekevulungbulung wey wazà duen ed-ubpà he etew etawa langgam, su imbeǥey ku en heini te menge tig-Babilonia. Piru minsan pa zutun, keuzemà duen ebpememasa te menge vevesukà kayi te tanà.

Jeremias 34:22

edsuǥuen ku sikandan te ked-uman kedsurung diyà te inged niw. Edsurung dan kayi ne ed-eǥawen dan heini, ne ebinsulan dan. Edhimuwen ku he mekevulungbulung is menge inged diyà te Juda ne wazè en ed-ubpè kayi. Iyan a, is Nengazen, is migkaǥi kayi.”

Ezekiel 37:11

Migkaǥi en maan is Nengazen kayi te kedì te, “Sikew is etew, heeyan is menge tulan iyan ibpaalung din is tivuuk he menge etew te Israel. Migkaǥi sikandan te, ‘Neǥangu en is menge tulan dey, ne kenè key en ebpekeperateng, henduen be te minatey key en.’

Leviticus 26:32

Ebengkaǥen ku is lugar niw ne egkeinuinu zà is menge kuntada niw he edsakup kayi.

Haggai 1:4

Egenahan kew ve he ed-ubpà diyà te mekempet he menge valey he neregdas mulà is kediey he valey?