Jeremias 32:8 - Manobo Western Bukidnon OT

⁸ “Ne ǥeina te iyan heeyan migkaǥi te Nengazen, midhengkayi te kediey si Hanamel he id-aǥew ku, kayi te ubpeey te menge vantey. Ke sikandin te, ‘Deyzey ke ebpemesahan nu is bevesukè ku ziyà te Anatot he nesakup te tanà te tribu ni Benjamin. Duen nu ketenged wey ketengdanan te kedlekat wey ked-angken kayi, umbe pemesaha nu en heini para kenikew.’ ” Netuenan ku he iyan migkaǥi zutun is Nengazen,

Jeremias 32:8 Marejeleo ya Msalaba

Jeremias 32:7

si Hanamel he anak ni Shalum te anggam nu, edhengkayi te kenikew is egkaǥi te, ‘Pemesaha nu is bevesukè ku ziyà te Anatot. Su iyan ka utew megeget he kezuzumahi ku, duen nu ketenged wey ketengdanan te kebpemasa kayi.’

Jeremias 32:2

Dutun he timpu midliǥuyan te menge sundaru te Babilonia is Jerusalem, ne si Jeremias he ebpeneuven mibpirisu ziyà te ubpeey te menge vantey ziyà te turuǥan.

Jeremias 33:1

Hein diyè pa si Jeremias te mibpirisuwan kandin he ubpeey te menge vantey te turuǥan, migkaǥi is Nengazen diyà te kandin te ikezuwa.

1 Hadì 22:25

Midtavak si Micaya te, “Egketuenan nu heini zutun te andew he egkezaag kew en te tebek ne ed-eles ka ziyà te kineselezan he ruǥu te valey.”

Zacarias 11:11

Umbe, zutun he andew wazè en bali zutun he kebpekid-uyun. Is menge ebelegyà te menge kerehidu he midtengteng kedì, netuenan dan he zuen ibpesavut te Nengazen pinaaǥi kayi te mibeelan ku.

1 Cronica 6:60

Imbeǥey zaan kandan puun te tanà he ǥaked te tribu ni Benjamin is menge inged he Gibeon, Geba, Alemet, wey Anatot, apil en is menge penebtavà kayi. Ne 13 langun is inged he imbeǥey kayi he menge kevuwazan ni Kohat.

1 Hadì 2:26

Ne migkeǥiyan ni Hadì Solomon si Abiatar he memumuhat te, “Ulì ka ziyà te pemuleey nu ziyà te Anatot. Ereg ka pezem he edhimetayan, piru kenè ku sikew edhimetayan guntaan su iyan ka midseriǥan duen te Kavan te Nengazen he MEGBEVAYÀ hein duma ke pa te amey ku he si David, wey mid-ambit ka te menge kemereǥenan din.”

Jeremias 1:1

Iyan heini menge lalag ni Jeremias he anak ni Hilkia. Si Hilkia sevaha te menge memumuhat diyà te Anatot he ziyà te tanà ni Benjamin.

Jeremias 32:25

Piru minsan pa te iyan heini, Nengazen he MEGBEVAYÀ, midsuǥù a kenikew te kebpemasa te vevesukà he ebeyazan heini te pelata ziyà te etuvangan te menge tistiǥus, Minsan pa te hapit en egkaaǥew te menge tig-Babilonia heini is inged.”

Jeremias 37:12

migenat daan diyà te Jerusalem si Jeremias su edhendiyà te tanà ni Benjamin, su wey zin mekuwa is kandin he vahin duen te tanà te pemilya zin.

Ezekiel 12:7

Ne midtuman ku haazà is insuǥù din. Maandew pa ne nenines ad te uwiten ku, ne hein mezukilem en, mibuslu ku is elavat ku pinaaǥi te menge velad ku. Ne zutun te edtengteng sikandan, mibava ku is uwiten ku ne migenat a zutun te merusirem en.