Jeremias 32:35 - Manobo Western Bukidnon OT

³⁵ Mibangun dan te menge simbahan he para ki Baal ziyà te Suǥud-suǥud he Ben Hinom, para ikepemuhat dan is menge anak dan diyà te ed-ezapen he si Molec. Ne wazè ku heini isuǥù kandan; wazè ku man ganì meisip he ebeelan dan heini is utew mezaat he menge vaal he nehimu he hinungdan te kebpekesalà te menge etew ziyà te Juda.

Jeremias 32:35 Marejeleo ya Msalaba

Jeremias 7:31

Mibangun daan sikandan te menge pemuhatà diyà te Tofet, he ziyà te Suǥud-suǥud he Ben Hinom, ne zutun dan edtutunga is menge anak dan he ibpemuhat dan. Wazè ku heini isuǥù kandan; wazè man ganì heini metaǥù te isip ku.

Leviticus 18:21

Kenè nu iveǥey is minsan hentei te menge anak nu su wey ikepemuhat diyà te ed-ezapen he si Molec, su ebpekeveǥey heeyan kedì te Megbevayè nu te keelezan. Iyan a sikan is Nengazen.

2 Cronica 33:6

Impemuhat din is menge anak din diyà te hapuy diyà te Suǥud-suǥud te Ben Hinom. Mibeelan din daan is baal te menge veyilan, menelagnà wey menge mememarang, ne ebpenginginsà daan diyà te menge veyilan he ebpekidlalag te ǥimukud te nemematey en. Utew subra is kebaal zin te salà diyà te Nengazen, ne ingkepauk heini te Nengazen.

2 Hadì 23:10

Midremerikan daan ni Josia is pemuhatà diyà te Tofet, he ziyà te Suǥud-suǥud te Ben Hinom, su para wazà ebpekepemuhat te anak din dutun diyà te ki Molec pinaaǥi te hapuy.

1 Hadì 16:19

Neulaula heini tenged te menge salà he mibeelan din. Mezaat is ulaula zin diyà te etuvangan te Nengazen, ne mid-iringan din is ulaula ni Jeroboam wey is salà he mibeelan din, he nehimu he hinungdan te kebpekesalà te menge tig-Israel.

Ezekiel 23:37

Nekepenapew zan wey nekepatey pinaaǥi te ked-azap te zuma he menge ed-ezapen, is menge anak dan he inhalad dan kayi te kediey zutun te kegkeetew kayi, impekaan dan te menge ed-ezapen pinaaǥi te kebpemuhata zan duen.

Isaias 57:5

Ed-ezapen niw is menge ed-ezapen pinaaǥi te kebpekidhilavet diyà te sihung te kada merapung he kayu. Ibpemuhat niw pa is menge anak niw ziyà te zal-ug he alug te menge kelendiǥan.

2 Cronica 33:9

Piru mid-iniyat ni Manase is menge etew ziyà te Juda wey Jerusalem te kebaal te mezaat, ne edhuna pa he mezaat is kandan he menge vaal kenà te menge vaal te menge etew ziyà te menge nasyun he mibpezezeetan te Nengazen te menge Israilihanen.

2 Hadì 23:15

Minsan is pemuhatà diyà te simbahan diyà te metikang he lugar he ziyà te Betel midrundus ni Josia. Heini he simbahan impeveelan ni Jeroboam he anak ni Nebat, he iyan nehimu he hinungdan te kebpekesalà te menge tig-Israel. Mibekbek heini ni Josia ne mibinsulan din ragkes is tukud he simbulu te vahi he ed-ezapen he si Ashera.

2 Hadì 21:11

“Mibaal si Hadì Manase he hadì te Juda kayi te utew mezaat he vaal, he edhuna pa he mezaat te mibeelan te menge Amorihanen he mid-ubpà kayi he tanà hein wazè pa mekeuma kayi is menge Israilihanen. Migiyahan din is menge tig-Juda te kebaal te salà pinaaǥi te kebpeezapa zin kandan te menge ed-ezapen din he tarù he Megbevayà.

2 Hadì 3:3

Piru mid-iringan din is menge salà ni Jeroboam he anak ni Nebat, he nehimu he hinungdan te kebpekesalà te menge tig-Israel. Ne wazè din engkezi heini he menge salà.

1 Hadì 21:22

Edezeetan ku is pemilya nu iring te mibeelan ku ziyà te pemilya ni Jeroboam he anak ni Nebat, wey te pemilya ni Baasha he anak ni Ahia, su ǥeina te midhimu nu he mepauk a, wey iyan ka nehimu he hinungdan te kebpekesalà te menge tig-Israel.’

1 Hadì 15:30

Su nepeukan te Nengazen he Megbevayà te Israel si Jeroboam tenged te menge salà he mibeelan din, he nehimu he hinungdan te kebpekesalà te menge tig-Israel.

1 Hadì 15:26

Mezaat is ulaula zin diyà te etuvangan te Nengazen. Mid-iringan din is betasan te amey zin wey is salà he mibeelan din, he nehimu he hinungdan te kebpekesalà te menge tig-Israel.

1 Hadì 14:16

Ebey-anan din sikandan tenged te menge salà ni Jeroboam, he nehimu he hinungdan te kebpekesalà te menge tig-Israel.”

1 Hadì 11:33

Ne iyan ibeeli ku kayi su ǥeina te mid-iniyuǥan e zin ne iyan din mid-azap si Ashtoret, kes bahi he ed-ezapen te menge Sidunhanen, si Kemosh kes ed-ezapen te menge Moabitanhen, wey si Molec, kes ed-ezapen te menge Amunihanen. Wazà sikandin medsunud te menge paaǥi ku wey wazà mebpengungubpaan te hustu ziyà te etuvangan ku. Wazà sikandin medtuman te menge sulunuzen wey menge suǥù ku; kenà sikandin iring te amey zin he si David.

Deuteronomio 24:4

ne kenè en egkehimu ke ed-umanan sikandin ed-esawaa zuen te nehuna he esawa zin su mibmeremerik en sikandin. Emun ed-umanan sikandin ed-esewaa zuen te nehuna he esawa zin ne utew mezaat he vaal is ked-isipa te Nengazen keniyan. Kinahanglan he kenè niw veeli heeyan he salà dutun te ked-ubpè niw zuen te tanà he ibeǥey keniyu te Nengazen he Megbevayè niw he egkepengevilin niw.

Deuteronomio 18:10

Kinahanglan he wazà minsan sevaha keniyu he ibpemuhat din is anak din pinaaǥi te hapuy. Etawa ebpenagnà, etawa ebpeveveyilan, etawa ebpeǥingkuris, etawa teǥelemayan,

Exodus 32:21

Ne migkaǥi sikandin diyà te ki Aaron te, “Hengkey is mibeelan kayi te menge etew ziyà te kenikew? Su maan is midtuǥutan nu sikandan te kebaal te zekelà he salà?”

Deuteronomio 12:31

Kenè niw iringi is paaǥi zan emun ed-ezapen niw is Nengazen he Megbevayè niw, su zutun te ked-azap dan ebeelan dan is langun he kelasi te utew mezaat he vaal he utew egkeepesi te Nengazen. Idtuug dan pa ganì is menge anak dan su ibpemuhat dan diyà te menge ed-ezapen dan.

1 Hadì 11:7

Mibpevaal si Solomon te simbahan diyà te metikang he lugar he zapit te edsilaan te Jerusalem, he para ki Kemosh, te utew mezaat he ed-ezapen te menge Moabitanhen. Mibpevaal zaan sikandin te simbahan he para ki Molec, kes utew mezaat he ed-ezapen te menge Amunihanen.

Jeremias 7:30

Migkaǥi is Nengazen te, “Mezaat is menge vaal te menge etew ziyà te Juda. Diyè dan ipenavuk is utew mezaat he menge ed-ezapen dan te valey ku, he mibpili ku he zutun a ebeǥayi te zengeg, ne tenged dutun mibmeremerik heini.

Jeremias 19:2

ne hendiyè kew te Suǥud-suǥud he Ben Hinom, he uvey te Pultahan te Ibpehendiyà te Timbaǥà te Egkengeǥevà he menge Ziniyun. Ne tudtula nu zutun is migkaǥi ku ziyà te kenikew.

Jeremias 44:4

Layun a edsuǥù diyà te kandan te menge ebpeneuven he menge suluǥuen ku te kegkaǥi ziyà te kandan he kenè dan beeli heini is utew mezaat he vaal he igkeepes ku,

2 Hadì 21:4

Mibpevaal zaan sikandin te menge pemuhatà diyà te valey te Nengazen, he sumalà te Nengazen, haazà he valey ziyà te Jerusalem iyan kes lugar he zutun sikandin ebeǥayi te zengeg.

2 Cronica 36:14

Ne gawas kandin, minsan is lavew he menge memumuhat wey is menge pengulu te menge etew midluib en te Megbevayà. Mid-iringan dan is utew mezaat he vaal te menge etew ziyà te zuma he menge nasyun ne midremerikan dan is baley te Nengazen, he mid-isip din he segradu he lugar ziyà te Jerusalem.

Jeremias 30:14

Midlipatan kew en te kezapig niw he menge nasyun; wazè kew zan en seǥipaa. Midsurung ku sikiyu iring te kedsurung te kuntada niw. Mibpurungan ku sikiyu siluti su utew en meveǥat is menge salè niw wey utew en heini mahabet.