Jeremias 30:17 - Manobo Western Bukidnon OT

¹⁷ Piru sikiyu ebewian ku mulà, edtembaran ku is menge palì niw. Minsan egkaǥi is duma te, sikiyu is menge tig-Jerusalem inselikwey wey mibey-anan en.”

Jeremias 30:17 Marejeleo ya Msalaba

Salmo 107:20

Migkaǥi zà sikandin ne nengeulian sikandan. Midlibri zin sikandan te kemetayen.

Jeremias 33:6

“Piru egkeuma is timpu he ebpurungan ku heini he inged wey is menge meǥinged kayi. Ne ebpekepengungubpaan sikandan he meuswaǥen wey melinawen.

Salmo 103:3

Mibpesaylu zin is langun he menge salè ku, wey neulian is langun he menge zaru ku tenged te kebewii zin kedì.

Exodus 15:26

Ke sikandin te, “Emun ebpurungan niw ebpemineǥa is lalag ku te Nengazen he Megbevayè niw, wey emun iyan niw ebeelan is mid-isip ku he hustu, wey emun daan kenè niw ebey-anan is menge sulunuzen wey menge suǥù ku, kekenà, ebpezumdumahan niw, ne kenè ku sikiyu ebpeeǥiyan te minsan hengkey he zaru he impaaǥi ku ziyà te Ehipto, su iyan a is Nengazen ebawì keniyu.”

Salmo 23:3

Edlig-enan a kenikew. Ibpeikul a kenikew te hustu he zalan te ketazeng su wey ka meveǥayi te zengeg.

Hoseas 6:1

Mibitiyara is menge Israilihanen he ke sikandan te, “Kuwa kew en, su edlikù kiw en diyà te Nengazen. Iyan sikandin midezaat kenitew ne iyan daan sikandin edtavang kenitew.

Malakias 4:2

Piru sikiyu mulà is edtahud kediey, is ketazeng iring te andew he edsilà diyà te keniyu he ebpekevawì te menge zaru niw. Ne egkeiring kew te nati he menge vaka he ebpemenlinglingketew is egawas diyà te tudil.

Ezekiel 34:16

Ebpen-ahaan ku sikan is nengetazin wey nengetazintazin. Ebukusan ku is menge pelien wey edlig-enan ku is memeluya. Piru edèdeetan ku is memelambù wey memeupiya is kedlelawa. Ebeelan ku ziyà te kandan ke hengkey is hustu he kukuman.

Isaias 30:26

Is kerayag te vulan egkehimu he iring te kerayag te andew, ne is kerayag te andew ne kepipitu egketakep, iring kerayag te kerayag te pitu he andew he impedtempuwà. Egkeulaula heini zutun te timpu te kebewii te Nengazen te menge palì he nehimu tenged te kedletiguwa zin keniyu te menge etew zin.

Jeremias 8:22

Wazè be bawì diyà te Gilead? Wazè be ebpemawì diyà? Maan is wazà meulii is palì te menge emurè ku te inged?

Jeremias 3:22

Sikiyu is kenà metinumanen he menge etew, likù kew kayi te kediey su ebewian ku is kegkeengey-engey niw.” Midtavak dan te, “Uya, ed-uvey key ziyà te kenikew su iyan ka Nengazen he Megbevayè dey.

Salmo 12:5

Migkaǥi is Nengazen te, “Edtevangan ku is menge egkaayuayu su edèdaaǥen sikandan, ne utew subra is kebpekeantus dan. Egkelesaǥan ku sikandan su iyan heini ebperetengen dan.”

Isaias 11:12

Ibayew te Nengazen is sevaha he bendirà su ibpeehè din te menge nasyun he edtiǥumen din en is menge etew zin diyà te Israel wey Juda he ebpuun te nekedseselekawà he vahin te kelibutan.

Jeremias 33:24

“Wazè nu ve mezineg is migkaǥi te menge etew mehitenged te menge etew ku? Migkaǥi sikandan te, ‘Inselikwey te Nengazen is dezuwa he ginhedian he mibpilì din.’ Umbe midsudì dan is menge etew ku ne wazè dan en heini isipa he sevaha he nasyun.

Ezekiel 35:12

Ne pinaaǥi zaan keniyan ekgetuenan niw he iyan a Nengazen, ne nezineg ku is langun he kedsudia niw te menge vuvungan te Israel. Su ke sikiyu te, ‘Nezeetan heini ne neveǥayan kiw te meupiya he timpu te ked-aǥew kayi.’

Ezekiel 36:20

Minsan hendei he nasyun is egkepeveyaan dan, egkependezeisey zan is waǥas he ngazan ku. Su egkaǥi is menge etew te, ‘Menge etew sikandan te Nengazen, piru midsegseg din sikandan puun te tanè dan.’

Penhulùhulù 2:15

Is langun he sumeseǥazà diyà te keniyu ebpakpak, ebpemen-engit wey ebpemengelengkeleng te kedsudì dan kenikew. Ke sikandan te, “Iyan bes heini inged he migngezanan te ‘Kinekempetan’ wey ‘Ebpekelipey kayi te Tivuuk he Kelibutan?’ ”

Salmo 142:4

Ahaa nu man is nekelingut kedì, wazà midtavang kedì, wazà nengalang kedì, wey wazà neipeng kedì.

Isaias 33:24

Dutun he timpu, wazà meǥinged diyà te Jerusalem he ebpekekaǥi te, “Deruwanen a.” Ebpeseyluwen te Nengazen is menge salè dan.

Isaias 56:8

Migkaǥi zaan is Nengazen he MEGBEVAYÀ he midtiǥum te menge vinihag he menge Israilihanen te, “Edtiǥumen ku pa is duma, gawas duen te zaan en he netiǥum ku.”

Isaias 58:8

Emun ebeelan niw heini, ebpekeuma ziyà te keniyu is kelibriyanan he iring te edsilà he andew, ne segugunè ku sikiyu ebewii wey kew meulii. Siak is metazeng he Megbevayè niw, ebpetelihuna a keniyu ne ebpengelangan ku sikiyu pinaaǥi te mekeǥeǥehem he kebpekiduma ku.

Isaias 60:15

Minsan inselikwey ka wey midumutan, wey wazà edseǥipà kenikew zengan, edhimuwen ku he mevantug ka te wazà pidtemanan, wey igkelipey te langun he lapis te kevuwazan.

Jeremias 17:14

He Nengazen, iyan ke zà ebpekevawì kedì wey a meulii; iyan ke zà ebpekelibri kediey. Iyan ka midalig ku.

Hoseas 11:3

Iyan a mid-elima kandan he iring te mid-aǥak ku sikandan su wey zan mebmetau he edhipanew, piru wazè dan kilelaa he iyan a mid-elima kandan.

Job 5:18

su is ebpelian din, ne edtembaran din; ne is ebpesekitan din, ne ebewian din wey meulii.

Isaias 54:6

“Jerusalem, iring ka te vetan-en he vahi he midlalew su mid-ewaan te esawa zin. Iyan, guntaan ed-umawen ku sikew he likù ka kayi te kedì.

Isaias 57:18

Neehè ku is mezaat he menge vaal zan, piru ebewian ku sikandan wey zan meulii. Egiyahan ku sikandan, wey edlipayen ku is egkengeseeng kandan.

Isaias 57:19

Ne zutun ebpekezalig dan kedì. Ebeǥayan ku sikandan te meupiya he kebpekesavuk, ke ziyè dan man te meziyù etawa ziyè dà te uvey. Ebewian ku sikandan wey zan meulii. Iyan a, is Nengazen, is migkaǥi kayi.

Jeremias 10:20

Nerundus en is tulda tew; nengevidtew en is menge hiket kayi. Nahanew en is menge anak tew; wazè en nesamà he ed-uman ebpehitindeg te tulda he mid-ubpaan tew.”