Jeremias 30:11 - Manobo Western Bukidnon OT

¹¹ Su zuma a keniyu ne edlibriyen ku sikiyu. Ebpurungan ku edezeeti is menge nasyun he zutun kew ipeyapat. Piru kenè ku mulà heini ed-ul-uluhan diyà te keniyu. Piru kenà heini ebpesavut he kenè ku sikiyu edsilutan. Ebmensuwen ku sikiyu te hustu he paaǥi.”

Jeremias 30:11 Marejeleo ya Msalaba

Jeremias 10:24

Mensuwa key Nengazen, piru kenè nu heini pesubrahi. Beeli nu heini kenè tenged te pauk nu su kela ke maamin key.

Jeremias 1:19

Egkuntedahan ke zan, piru kenè ke zan egkezaag, su zuma a kenikew ne edtevangan ku sikew. Iyan a, is Nengazen, is migkaǥi kayi.”

Jeremias 4:27

Iyan heini migkaǥi te Nengazen: “Egkevengkag is tivuuk he kelibutan, piru kenè ku heini ebpurungan edezeeti.

Jeremias 1:8

Kenè ka mahandek te menge etew su eduma a is edtavang kenikew.”

Isaias 8:10

Ke hengkey is pelanu niw he ebpekesuǥat kenami, kenà heini ebmezeeǥen, su zuma zey is Megbevayà.

Jeremias 15:20

Edhimuwen ku sikew he iring te melig-en he verengbeng he brunsi he kenà egkelewangan kayi he menge etew. Ebpekidtebek sikandan kenikew piru kenè ke zan egkezaag, su eduma a kenikew para te kedlavan wey kedlibri kenikew.

Jeremias 5:18

Piru minsan pa te iyan heeyan egkehitavù dutun he timpu, ne kenè ku sikiyu ebpurungan edezeeti. Iyan a, is Nengazen, is migkaǥi kayi.

Jeremias 5:10

“Sikiyu is menge kuntada te menge Israilihanen, dèdeeti niw is menge pemuleey te paras dan, piru kenè niw emina. Penempeza niw is menge subpang kayi, su kenè ku en gaked heini he menge etew.

Salmo 6:1

Nengazen, minsan duen nu pauk kedì, ne kenà a kenikew siluti.

Ezekiel 11:13

Ne zutun te edtudtulen ku is menge lalag te Megbevayà, minatey si Pelatia he anak ni Benaya. Ne zutun midlangkeb a ne inhabet ku ivensag is lalag he edhenduen te, “He Nengazen he MEGBEVAYÀ, ed-eminen nu ve te ebpenhimatey is nesamà he menge Israilihanen?”

Isaias 43:25

“Iyan a mismu mid-awà te menge salè nu su para meveǥayi a te zengeg, ne kenè ku en heini edtentenuzan.

Leviticus 26:44

Piru minsan edsilutan ku sikiyu, ne kenè ku sikiyu idselikwey ziyà te lugar te menge kuntada niw; kenè ku sikiyu edezeetan he wazè en egkesamà keniyu. Ne kenà egkehimu he id-awè ku is kebpekid-uyun ku keniyu, su iyan a is Nengazen Megbevayè niw.

Deuteronomio 4:31

Su hihizuwen is Nengazen he Megbevayè niw. Kenè kew zin ebey-anan wey kenè kew zin edèdeetan. Kenè din edlipatan is kebpekid-uyun din he impenangdù din diyà te menge kepuun niw.

Penhulùhulù 3:22

he is kebmahal wey hizu te Nengazen ne wazà pidtemanan. Umbe wazè kiw zed mepurung mezeeti.

Ezekiel 6:8

“Piru kenè ku sikiyu ed-eminen te edhimatey. Is duma keniyu ebpekepelaǥuy te tebek ne ebpekepeyapat dan diyà te zuma he menge nasyun

Hoseas 11:9

Kenè ku en ibpaahà is utew ku kegkepauk; kenè ku en edweǥayen is Israel, su Megbevayà a ne kena a etew. Iyan a kes Waǥas he Megbevayà he mibpekiduma keniyu, ne kenà a edhendiyà te keniyu is egkepauk.

Exodus 34:7

Ibpeehè ku is kebmahala ku te mahabet he menge etew, ne ebpeseyluwen ku is kezaat dan, kerepasan dan, wey menge salè dan. Piru edsilutan ku is mekesesalà, ragkes is menge kevuwazan dan taman te iketelu wey ikeepat he lapis te kevuwazan.”

2 Samuel 24:12

“Hendiyè ka te ki David ne ipepilì nu sikandin ke hendei zapit kayi te tetelu is egkesuatan din he idsilut ku kandin.”