Jeremias 26:16 - Manobo Western Bukidnon OT

¹⁶ Ne migkeǥiyan te menge upisyal wey te langun he menge etew zutun is menge memumuhat wey menge ebpeneuven te, “Kenà sikandin ereg he edhukuman te silut he kemetayen, su migkaǥi sikandin diyà te kenitew pinaaǥi te ngazan te Nengazen he Megbevayè tew.”

Jeremias 26:16 Marejeleo ya Msalaba

Jeremias 36:25

Minsan midhangyù si Elnatan, si Delaya, wey si Gemaria zutun te hadì he kenè din tutunga sikan is belesahan, ne wazà mebpemineg haazà is hadì.

Jeremias 36:19

Ne migkeǥiyan dutun te menge upisyal si Baruc te, “Eles kew en ki Jeremias ne kenè niw ipetueni te minsan hentei ke hendei kew.”

Jeremias 26:11

Ne migkaǥi is menge memumuhat wey is menge ebpeneuven diyà te menge upisyal wey ziyà te langun he menge etew zutun te, “Heini he etew ereg he edhukuman te silut he kemetayen, su migkaǥi sikandin te mezaat he ebpekesuǥat kayi he inged. Iyan kew mismu nekezineg kandin!”

Erubasa 16:7

Emun igkesuat te Nengazen is menge ulaula ta, edhimuwen din he meemiǥu ta is menge kuntada ta.

Ester 4:14

Su minsan ebpeeemew ke en kayi te mereǥen he timpu, zuen selakew en he ed-uǥup wey edlibri te menge Judio, piru sikew wey is pemilya nu egkekeizan mulà. Kela ke iyan ingkehimuwa kenikew he rayna su wey ka meketavang te zuma nu he menge Judio te timpu he iring kayi.”

Jeremias 34:10

Ne mid-uyun kayi he kesebutan is langun he menge etew zutun ragkes en is menge upisyal, ne mibeǥayan dan te vayàbayà is menge uripen dan, maama man etawa vahi.

Jeremias 37:15

Utew nepauk is menge upisyal ki Jeremias. Impevuǥel zan wey mibpirisu zan diyà te valey ni Jonatan he sikritaryu. Su haazà he valey midhimu zan he pirisuwan.

Salmo 94:16

Wazà duma he ebpeketavang kedì ke edsurungen a te lalung he menge etew, kekenà, iyan ke zà, Nengazen.