Jeremias 23:4 - Manobo Western Bukidnon OT

⁴ Ebeǥayan ku sikandan te menge pengulu he ed-atur kandan, ne kenè dan en egkahandek wey egkeheratan, ne wazè en egketazin kandan. Iyan a, is Nengazen, is migkaǥi kayi.”

Jeremias 23:4 Marejeleo ya Msalaba

Micas 5:2

Migkaǥi is Nengazen te, “Sikew, Betlehem Efrata, sevaha ka te kinezeisayan he inged diyà te Juda. Piru ziyà ebpuun te kenikew is etew he ebpenilbi kedì he pengulu te Israel, he is menge kepuun din nevantug dengan he menge etew.”

Jeremias 33:26

kenà daan egkahalin is kebpekid-uyun ku te menge kevuwazan ni Jacob wey ki David he suluǥuen ku. Ebpilì a puun diyà te menge kevuwazan ni David te edhadì te menge kevuwazan ni Abraham, ki Isaac, wey ki Jacob. Egkehizuwan ku is menge etew ku ne idlikù ku sikandan diyà te tanè dan wey ziyà te meupiya he kebpekesavuk dan.”

Jeremias 31:10

“Sikiyu is menge etew ziyà te menge nasyun, pemineǥa niw is egkeǥiyen ku te Nengazen, ne tudtula niw ziyà te meziyù he lugar: Impeyapat ku is menge Israilihanen, piru edtiǥumen ku zed sikandan, ne ebentayan ku sikandan iring te kebantey te ebantey te menge kerehidu.

Jeremias 30:10

“Umbe kenè kew mahandek wey mesuǥey is menge kevuwazan ni Jacob he menge suluǥuen ku. Iyan a is Nengazen migkaǥi te egkuwaan ku sikiyu ziyà te meziyù he lugar he zutun kew uwita te mibihag keniyu. Ne ed-ubpè kew he zuen kelinew. Wazè en igkehandek niw wey wazè en ebpekezezaat keniyu.

Isaias 11:11

Dutun daan he timpu, ed-umanan egemita te Nengazen is gehem din te kebpeulì te nesamà he menge etew zin diyà te Asiria, Ehipto, Patros, Etiopia, Elam. Babilonia, Hamat, wey is diyà te menge pulu.

Numero 31:49

Ne migkaǥi sikandan te, “Datù, sikami is menge suluǥuen nu, mibilang dey is menge sundaru he sakup dey ne wazà minsan sevaha he netarin.

Micas 7:14

Mid-ampù is menge Israilihanen diyà te Nengazen he ke sikandan te, “Ventayi key is menge etew nu he migaked nu, te iring te kebantey te perevantey te menge kerehidu. Is menge tanà diyà te peliǥuy zey ne zekelà is egketabtab duen, piru sikami nengungubpaan key kayi te sibsivayan he iyan key zà. Ipeuman nu ipemeluag is tanè dey taman te Bashan wey Gilead iring te nehuna he timpu.

Leviticus 26:9

Ed-eturen ku sikiyu ne ebeǥayan ku te mahabet he menge kevuwazan su wey ku metuman is kebpekid-uyun ku keniyu.

Ezekiel 36:11

Ibpemahabet ku is menge etew wey menge uyaǥen diyà te keniyu. Ebpeumanan ku sikiyu ebpeubpai te menge etew iring te zengan, ne ibpeuswag ku sikiyu te lavew pa te zengan. Ne egketuenan niw he iyan a Nengazen.

Micas 4:4

Is kada etew ebpinuu ziyà te sihung te pinemula zin he paras wey kayu he higus he wazè din igkahandek. Egkehitavù iyan heini su iyan mismu is Nengazen he Mekeǥeǥehem migkaǥi kayi.

Zefanias 3:13

Heini sikandan is egkesamà he menge Israilihanen ne kenà ebaal te mezaat; kenè dan edtarùtarù wey ebpenlimbung. Egkaan dan wey edlipezeng ne wazà ebpekepelihandek kandan.’ ”