Jeremias 23:35 - Manobo Western Bukidnon OT

³⁵ Deyzey pa ke ed-insà is kada sevaha keniyu ziyà te menge emiǥu zin wey menge kezuzumahi zin ke hengkey is menge lalag ku,

Jeremias 23:35 Marejeleo ya Msalaba

Jeremias 42:4

Midtavak si Jeremias te, “Uya, ibpengemuyù ku ziyà te Nengazen he Megbevayè niw heeyan is hangyù niw, ne egkeǥiyen ku ziyà te keniyu ke hengkey is egkeǥiyen din. Wazè ku id-eles diyà te keniyu.”

Jeremias 33:3

“Umawa a kenikew su edtevangan ku sikew. Ne ibpezayag ku ziyà te kenikew is egkengein-inuwan wey in-eles he wazè nu pa metueni.

Jeremias 31:34

Wazè en egkaǥi ziyà te emurè din te inged etawa suled din te kinahanglan he egkilelaan nu is Nengazen. Su pudu en sikandan egkilala kedì, puun te kinemevevaan pehendiyà te kinetikangan is ked-etew zan. Su ebpeseyluwen ku sikandan te menge mezaat he neveelan dan, ne kenè ku en edtentenuzan is menge salè dan.” Iyan a, is Nengazen, is migkaǥi kayi.

Salmo 85:9

Tutuu iyan he edlibriyen din is menge etew he edtahud kandin su para metuusi he kemulu edterebahu is gehem din kayi te tanè tew.