Jeremias 23:19 - Manobo Western Bukidnon OT

¹⁹ Pemineg kew! Is pauk ku iring te vagyu etawa eribpures he ebpekesuǥat te lalung he menge etew.

Jeremias 23:19 Marejeleo ya Msalaba

Jeremias 30:23

Pemineg kew! Is pauk ku egkeiring te vagyu etawa eribpures he ebpekeigù te ulu te lalung he etew.

Jeremias 25:32

Impelaus te Nengazen he Mekeǥeǥehem is menge lalag din: “Pengandam kew! Is kezeetan ebpekeuma ziyà te menge nasyun he henduen te mevendes he bagyu he ebpuun diyà te kinemeziyuan he vahin te kelibutan.”

Amos 1:14

Umbe, ebinsulan ku is menge verengbeng diyà te Raba wey is melig-en he menge vahin kayi he inged; dutun ebpengulahì te kulehian te kebpekidtebek is menge kuntada zan he edsurung kandan, he edselenuhug heini iring te vagyu.

Isaias 21:1

Heini he menge lalag ne mehitenged te Babilonia: Edsurung is menge kuntada he iring te eribpures he edeǥurus pehendiyà te Negev. Ebpuun heini ziyà te sibsivayan, he ziyà te mekahandekhandek he tanà.

Erubasa 10:25

Emun ebpekeuma is menge penggezam te ked-ubpà he iring te vagyu, egkehanew is lalung he etew, piru is etew he metazeng kenà egkewaleng, edhitindeg he melig-en.

Zacarias 9:14

Ne ebpaahà is Nengazen diyà te zivavew zan. Ne egkivelat is besut te panè din iring te kilat. Ne ibpezaǥing te Nengazen he MEGBEVAYÀ is trumpita; ne ebpekeuma sikandin duma te vagyu he ebpuun diyà te zivavà.

Jeremias 4:11

Egkeuma is timpu he zutun egkaǥi is Nengazen diyà te menge etew ziyà te Juda wey Jerusalem te, “Ebpengeramag te utew meinit ebpuun diyà te zemilag he menge vuvungan te disirtu pehendiyà te menge etew ku. Ne kenà heini para te kebpalid dà te trigu zan.

Isaias 40:24

Neiring sikandan te pinemula he veǥu pa he midtuvù, he henduen te wazè pa mekependalid. Ne hein midhiyup te Nengazen ne neǥangu heini, ne neiring te ukap he inlayap te eribpures.

Salmo 58:9

Dezeeti nu sikandan, batà etawa meǥurang. Dezeeti sikandan he meǥaan pa te ed-initen he ziniyun he edtevunan te menge zezeisey he kayu.

Jeremias 51:1

Elin heini migkaǥi te Nengazen bahin te Babilonia: “Ibpesurung ku te ebpendezaat is Babilonia.

Ezekiel 1:4

Dutun te kedtengteng ku, neehè ku is bagyu he ebpuun diyà te zizaya. Mekepal heini he kivel he egkezumahan te kenà egkeengked he kegkilat he edsiǥa he henduen be te ed-ilak-ilak he mital.

Zacarias 7:14

Iring a te eribpures he mibpeyapat kandan diyà te menge lugar he wazè dan keenu meveyai. Neewaan dan is meupiya he tanè dan, ne nehimu heini he mekevulungbulung.”

Jeremias 25:31

Is laǥeng din egkezineg kayi te tivuuk he kelibutan, su ed-ekusaran din is menge nasyun. Edhukuman din is langun he menge etew, wey edsintinsyahan din pinaaǥi te tebek is menge lalung.’ ”

Jeremias 30:24

Ne kenà egkaawà is utew ku kegkepauk emun kenè ku pa egkeveelan is egkesuatan ku te ebaal. Ne ziyà te huziyan he menge andew egkesavut niw zed heini.”

Ezekiel 13:13

“Umbe siak, is Nengazen he MEGBEVAYÀ, egkaǥi a te: Tenged te utew ku kegkepauk, edtempaǥen ku is menge verengbeng pinaaǥi te mevendes he keramag, wey ked-uzan te zezekelà he menge ǥiyew, wey mereǥes he uzan.