Jeremias 2:24 - Manobo Western Bukidnon OT

²⁴ Iring kew te behiyan he asnu he ebpekemurmuriwad te kebpelelevag din. Emun egkesuat he ebpeniwelayan ne wazè en ebpekeeǥen kandin. Melemu he ebpen-ahaan te meemahan emun timpu te kebpepeniwaley.

Jeremias 2:24 Marejeleo ya Msalaba

Jeremias 14:6

Is leew he menge asnu ebpemenhitindeg diyà te zemilag he menge vuvungan is ebelhalen he henduen be te egkemezahan he leew he menge asu. Mibmerusirem en is ked-ehè dan tenged te wazè dan en egketabtab.”

Hoseas 5:15

Ne kegkepasad dutun edlikù a ziyà te lugar ku, taman te ed-engkenen dan is menge salè dan. Ne edangep dan kayi te kedì tenged te kegkerasey zan.”

Jeremias 2:27

Egkeǥiyen niw he kayu is amey niw ne vatu is iney niw. Mid-iniyuǥan a keniyu, piru emun edlised kew, ebuyù kew te tavang kayi te kediey.

Job 11:12

Henduen be te kenè en egkehimu he ed-uluwanen is tulebung iring te kenà egkehimu he ed-anak te etew is asnu.

Hoseas 8:9

Neiring heini te meseǥila he asnu he sebsevaha zin is egketazintazin. Midhangyù sikandin te tavang diyà te Asiria; mibayad sikandin diyà te zuma he menge nasyun su ebpetavang.

Job 39:2

Ebilangen nu ve is menge vulan te keǥingayan dan taman te ked-anak dan? Netuenan nu ve ke keenu sikandan ed-anak?

Ezekiel 16:33

Is menge vahi he ebelegyà te zengeg dan ebpevayad mulà. Piru sikew, iyan ka hinuun mibeǥey te menge gasa ziyà te menge maama he kumpadi nu su wey sikandan mehinggat te ked-uvey ziyan te kenikew te kebpekidhilavet.