Jeremias 2:17 - Manobo Western Bukidnon OT

¹⁷ “Iyan kew mismu is menge Israilihanen, mid-uwit kayi he kezeetan diyà te keniyu. Su hein mibpenguluwan ku sikiyu ziyà te zalan, inselikwey a keniyu, is Nengazen he Megbevayà,

Jeremias 2:17 Marejeleo ya Msalaba

Jeremias 4:18

Keniyu mismu he menge vetasan wey menge vaal is mid-uwit kayi he kezeetan diyà te keniyu. Iyan heini silut niw. Utew heini merasey! Henduen be te midsundang is gehinawa niw tenged kayi.”

Jeremias 2:19

Tenged te kelelalung niw wey ked-iniyuǥi niw kedì, edsilutan ku sikiyu. Purungi niw is-isipa ke hengkey is ikezaat wey ikereǥen te kedselikwaya niw wey kenè niw kedtehuza te Nengazen he Megbevayè niw. Iyan a, is Nengazen he MEGBEVAYÀ he Mekeǥeǥehem, is migkaǥi kayi.

Jeremias 2:13

“Is menge etew ku, nekehimu te zezuwa he salà: Mid-iniyuǥan e zan, is serebseb he ebpekeveǥey te untung, wey migkalut dan te vudsi he punduwà te wahig he egkemezahan, he iyan is ked-azap te zuma he menge ed-ezapen.

Hoseas 13:9

Edezeetan ku sikiyu is menge tig-Israel, su ǥeina te migkuntada a keniyu is iyan pezem edtavang keniyu.

Salmo 107:7

Impenurù din kandan is dalan he ebpekediritsu zuen te inged he zuen duen menge meǥinged.

Salmo 77:20

Migiyahan nu is menge etew nu he iring te menge kerehidu, pinaaǥi ki Moises wey ki Aaron.

Isaias 1:4

Mekesesalà sikandan he nasyun, menge etew he utew subra is kelelalung dan, kevuwazan sikandan te mememaal te mezaat wey mesipala. Inselikwey zan wey mid-undaunda is Nengazen, kes Waǥas he Megbevayà te Israel, ne mid-iniyuǥan dan sikandin.

Salmo 136:16

Migiyahan din diyà te sibsivayan is menge etew zin. Wazà pidtemanan te ǥaǥew zin.

Job 4:8

Sumalà te nepeniizan ku, iyan ebpekesaǥad te mezaat wey kesamuk is menge etew he ebaal te mezaat wey kesamuk.

1 Cronica 28:9

“Ne sikew, Solomon he anak ku, kilelaa nu wey silbiyi nu is Megbevayà te amey nu te tivuuk he ǥehinawa nu wey isip nu, su naahà te Nengazen is kada ǥehinawa wey netuenan din is tuyù tew wey ked-isip-isip tew. Emun ed-aput ka ziyà te kandin, ne edtevangan ke zin; piru emun ed-iniyug ka kandin ne ebeleǥazen ke zin te wazà pidtemanan.

Deuteronomio 32:19

Ne naahà heini te Nengazen, ne tenged te utew zin kegkepauk mid-engkezan din sikandan te ed-isip he anak.

Deuteronomio 32:10

Neehè din sikandan diyà te disirtu he iyan kes lugar he wazè duen utew ebpeketuvù he pinemula. Mid-elimahan din sikandan wey mibpelembungan iring te kebpelembungi te etew te mata zin.

Numero 32:23

“Iyan, emun kenè niw heini edtumanen, ne ebpekesalè kew ziyà te Nengazen, ne siguradu he ebeyazan niw is salè niw.

Jeremias 5:25

Is kelelalung niw iyan hinungdan he wazà heini mesigudu meulaula ziyà te keniyu. Is menge salè niw iyan mid-eǥen para kenè niw mezawat heini he menge tuvad.

Jeremias 13:22

Kenè ke ve vuwa ebpekeinsà diyà te ǥehinawa nu ke maan is nehitavù heini ziyà te kenikew? Midezeetan ka he iring te vahi he midlayug, su tenged te mahabet he menge salè nu.

Jeremias 19:4

Umbe ebeelan ku heini, su inselikwey a te menge etew ku, ne heini he suǥud-suǥud midhimu zan he pemuhatà te menge pemuhat he edtutungen he para te zuma he menge ed-ezapen. Menge ed-ezapen he wazè dan ganì mekilala wey minsan is menge kepuun dan wey is menge hadì diyà te Juda ne wazà mekekilala. Ne ebpenhimatey pa sikandan te wazè pa hanew he menge vatà kayi he lugar.

Jeremias 44:3

tenged te mezaat he menge vaal te menge meǥinged duen. Midhimu zan he mepauk a pinaaǥi te kedtutungi zan te veyewà wey ked-ezapa zan te menge ed-ezapen he wazè dan duen hanew wey te menge kepuun dan.

Ezekiel 39:24

Mibeelan ku zà diyà te kandan is ereg he vales te mibeelan dan he meremerik wey mezaat.”

2 Cronica 15:2

Ne mibpekid-ahà sikandin ki Asa ne migkeǥiyan din te, “Pemineǥa a keniyu Hadì Asa, wey sikiyu is langun he tig-Juda wey tig-Benjamin. Is Nengazen ne kenà edsuwey keniyu emun kenè kew edsuwey kandin. Emun edangep kew kandin ne egkeehè niw is keupiya zin. Piru ke ed-iniyuǥan niw sikandin, ne ed-iniyuǥan kew zin daan.

Job 34:27

Ebeelan din heini su ǥeina te mid-engked sikandan he edsunud kandin, wey wazè dan seǥipaa is menge paaǥi zin.

Erubasa 15:10

Utew merasey is ibmansu te etew he ed-engked he ed-ulaula te meupiya, ne is kenà ebpezawey, iyan egkepengkusan din is kemetayen.

Isaias 59:13

Midsupak wey midluivan tew is Nengazen; mid-iniyuǥan tew is Megbevayè tew. Edèdaaǥen wey ebpesipelahan tew is duma. Ebpurungan tew ed-is isipa ke ebmenmenuwen tew is kedtarùtarù tew.

Micas 1:5

Egkehitavù heini is langun tenged te mibaal te salà is menge etew te Israel wey Juda. Is menge tig-Samaria, iyan midtukù te zuma he menge meǥinged diyà te Israel te kebaal te salà. Is menge tig-Jerusalem, iyan midtukù te zuma he menge meǥinged diyà te Juda te ked-azap te zuma he menge ed-ezapen.