Jeremias 18:15 - Manobo Western Bukidnon OT

¹⁵ Piru is menge etew ku nelipatan e zan en. Midtutungan dan te veyewà is wazè din pulus he menge ed-ezapen. Mid-ewaan dan is hustu he zalan he kezaan en ne ziyè dan med-ikul te kenà hustu he zalan ne zutun sikandan meseligkat.

Jeremias 18:15 Marejeleo ya Msalaba

Jeremias 6:16

Ne heini pa is migkaǥi te Nengazen: “Hitindeg kew ziyà te lembaǥan te menge zalan ne purung kew pekisusi. Insè kew ke hendei is kezaan wey meupiya he zalan he meupiya he ed-ikulen, ne zutun kew ikul. Emun ed-ul-ulahan niw heini ne ebpekaangken kew te kelinew. Piru migkaǥi kew te, ‘Kenè key mulà keniyan ed-ikul.’

Hoseas 11:2

Piru ǥuntaan, minsan edtulungan ku en sikandan ed-umawa is menge tig-Israel, ne nasì dan mebpekeziyù kayi te kedì. Nemuhat sikandan te menge pemuhat wey midtutung te menge veyewà diyà te menge ledawan ni Baal.

Jeremias 2:32

“Egkelipatan be te raǥa is elahas din etawa visti zin te eseweey? Kenà, piru sikiyu is menge etew ku, nelipatan a keniyu seled te neuǥet he timpu.

Isaias 57:14

Egkaǥi a te, ‘Purungi is dalan. Iawà is nemekevelavag diyà te veyeey te menge etew ku.’ ”

Malakias 2:8

Piru sikiyu is menge memumuhat midsuwayan niw is hustu he zalan ne pinaaǥi te penurù niw mahabet is neseligkat; midsupak niw is kebpekid-uyun ku te kepuun niw he si Levi.

Jeremias 2:13

“Is menge etew ku, nekehimu te zezuwa he salà: Mid-iniyuǥan e zan, is serebseb he ebpekeveǥey te untung, wey migkalut dan te vudsi he punduwà te wahig he egkemezahan, he iyan is ked-azap te zuma he menge ed-ezapen.

Jeremias 17:13

Iyan ka Nengazen, egkeperateng te menge Israilihanen. Egkepeel-elezan is langun he mid-awà diyà te kenikew. Idleveng sikandan diyà te zizalem te tanà, su inselikwey ke zan, is serebseb he ebpekeveǥey te untung.

Jeremias 10:15

Wazè kayi pulus wey telemayen heini. Emun timpu en te kedsilut ne egkezeetan sikandan is langun.

Isaias 41:29

Pudu zan wazà pulus, ne kenà sikandan ebpekehimu. Iring dan te keramag he edlavey zà.”

Hoseas 2:13

Edsilutan ku sikandin su zuen menge timpu he midtutung sikandin te veyewà diyà te ledawan ni Baal. Inseluub din is menge elahas din ne midal-as din is menge kumpadi zin, ne siak mulà, ne midlipatan e zin en. Iyan a, is Nengazen, is migkaǥi kayi.

Jeremias 16:19

Migkaǥi a te, “He Nengazen, iyan ka zesen ku wey eputà emun timpu te kelised. Ed-uvey ziyà te kenikew is menge etew ziyà te menge nasyun he ebpemuun diyà te nekedseselekawà he vahin kayi te kelibutan ne ke sikandan te, ‘Wazà pulus te menge ed-ezapen te menge kepuun dey. Wazà keupiyaanan he nehimu kayi ziyà te kandan.

Jeremias 13:25

Iyan heini egkepeveyaan niw he kediey he kebayà para keniyu, su ǥeina te midlipatan a keniyu, ne midsarig kew te kenà tutuu he menge megbevayà.

Jeremias 3:21

“Egkezineg is keǥurub diyà te zemilag te menge vuvungan. Ed-erang wey ebpehizuhizu is menge etew te Israel tenged te mezaat he menge vaal zan wey kedlipati zan kedì, te Nengazen he Megbevayè dan.

Jeremias 44:25

Iyan heini migkaǥi te Nengazen he Mekeǥeǥehem, he Megbevayà te Israel: ‘Midtuman niw wey te menge esawa niw is impenaad niw he kedtutung te veyewà wey kedhalad te pemuhat he inumen he para te Rayna te Langit. Sigi en, leusa niw en is baal niw. Tumana niw is impenaad niw.

Jeremias 19:5

Mibpetukud pa sikandan te menge simbahan he para ki Baal, ne zutun dan ibpemuhat is menge anak dan he pemuhat he edtutungen para kandin. Wazè ku heini isuǥù kandan; wazè ku ganì meisip heini.

Isaias 62:10

Sikiyu is menge etew ziyà te Jerusalem, gawas kew ziyà te menge pultahan keniyan te inged niw, ne endama niw is egkeveyaan te zuma pa he menge zuma niw. Hiǥewani niw heini; iawè niw is menge vatu, ne ipekayabkayab niw is bendirà he iyan ebpetuus te menge etew ziyà te menge nasyun he ibpelikù en te Nengazen is menge etew zin.

Isaias 9:16

Is menge mibpengulu te menge etew te Israel iyan neketazin kandan, ne heini he menge etew nengetazin.

Isaias 3:12

Migkaǥi is Nengazen te, “Edèdaaǥen te menge vetan-en is menge etew ku. Iyan ebpengulu kandan is menge vahi. “Sikiyu is menge etew ku, edtezinen kew te menge pengulu niw. Diyè kew zan ibpeikul te kenà hustu he zalan.”

Jeremias 2:19

Tenged te kelelalung niw wey ked-iniyuǥi niw kedì, edsilutan ku sikiyu. Purungi niw is-isipa ke hengkey is ikezaat wey ikereǥen te kedselikwaya niw wey kenè niw kedtehuza te Nengazen he Megbevayè niw. Iyan a, is Nengazen he MEGBEVAYÀ he Mekeǥeǥehem, is migkaǥi kayi.

Jeremias 7:9

Nenakew kew, nememunù, nengumpadi, nenangdù te tarù, midtutung te veyewà diyà te ki Baal, wey mid-azap kew te zuma he menge ed-ezapen he wazè niw ganì mekilala.

Jeremias 18:14

Netunew ve is ayis ziyà te vetuwen he vuntud te Lebanon? Ed-engked be te kedtudà is meǥenew he wahig puun te menge vuntud? Kenà!

Jeremias 51:18

Wazè kayi pulus wey telemayen heini. Emun timpu en te kedsilut ne egkezeetan sikandan is langun.

Ezekiel 21:15

Ebpengerkeren sikandan tenged te kegkahandek ne mahabet is ebpematey kandan. Insavuk ku en is ispada ziyà te menge pultahan te menge inged dan te kedhimatey kandan. Egkindab heini iring te kilat ne andam en he idhimatey.

Ezekiel 36:15

Kenè ku en idtuǥut he sudia kew wey peel-elezi te zuma he menge nasyun. Wey kenè ku en idtuǥut he mezeeti is nasyun niw. Iyan a, is Nengazen he MEGBEVAYÀ, is migkaǥi kayi.”

Hoseas 2:6

“Umbe edurengen ku sikandin te zuǥiyen he zezeisey he kayu su para kenà sikandin mekeǥawas.

Deuteronomio 32:21

Impepengelikud e zan pinaaǥi te ked-azap dan te kenà tutuu he megbevayà, ne midhimu zan he mepauk a pinaaǥi te ked-azap dan te wazè din pulus he menge ed-ezapen. Kela su nasì ku edhimuwa he mesina zan te zuma he etew. Edhimuwen ku he mepauk dan pinaaǥi te kedtuvazi ku te menge etew he tulebung.

Nehemias 9:17

Kenè dan egkesuat he ebpemineg te menge lalag nu, ne midlipatan dan dà is egkengein-inuwan he mibeelan nu ziyà te kandan. Nehimu sikandan he mesinupaken, wey nekidsukulà sikandan kenikew pinaaǥi te kebpilì te pengulu he ebpelikù kandan diyà te kegkeuripen diyà te Ehipto. Piru mepineseyluwen ka he Megbevayà, beliǥeǥawen ka, iipengen ka, kenè ka pepeuken, wey nepenù ka te kebmahal. Umbe wazà nu sikandan iselikwey.

Jeremias 1:16

Edsilutan ku is menge etew ku tenged te kelelalung dan. Inselikwey e zan pinaaǥi te kedtutung dan te veyewà para te zuma he menge ed-ezapen. Uya, mid-azap dan is menge ledawan he vineelan dan.

Jeremias 11:12

Ne ziyà sikandan ebuyù te tavang te menge ed-ezapen he ebpemuhaten dan te edtutungen he veyewà, piru kenà heini ebpeketavang kandan emun egkeumahan dan en te kezeetan.

Jeremias 11:13

“He menge tig-Juda, utew mezakel is menge ed-ezapen niw, iring kezakel te menge inged niw. Ke sengemenu kahabet is menge zalan diyà te Jerusalem ne iyan daan kahabet te menge pemuhatà he para edtutungan niw te veyewà he para te utew mezaat he ed-ezapen he si Baal.

Jeremias 11:17

Is Nengazen he Mekeǥeǥehem iyan midtukud te Juda wey Israel, iyan, guntaan midsuǥù sikandin he zezeeti heini tenged te mezaat he menge vaal te menge etew kayi. Midhimu zan he mepauk sikandin tenged te kebpemuhata zan ki Baal pinaaǥi te kedtutung te veyewà.