Jeremias 15:17 - Manobo Western Bukidnon OT

¹⁷ Wazà a medtampu te kedlipeylipey wey kegkebibu te zuma. Mibpimpinuu a he midsebsevaha su netuenan ku is menge paaǥi nu ne midhimu nu he utew ku igkererengiti is kelelalung dan.

Jeremias 15:17 Marejeleo ya Msalaba

Penhulùhulù 3:28

Emun ebmensuwen ki te Nengazen, kinahanglan he ebpinuu ki he sebsevaha ta ne ebpurung ki egngunùngunù.

Salmo 1:1

Deyzey is etew he kenà ebpemineg te penurù te menge lalung, wey kenà ed-iring te ebeelan te menge mekesesalà, wey kenà ebpekiduma kandan he ed-undaunda te Megbevayà.

Jeremias 13:17

Emun kenè kew pa edtuu, ne edsineǥew a te meeles tenged te utew niw kebpelavew. Edsineǥew a te kenà alang-alang he edtudà is menge luhè ku, su ebihaǥen man is menge etew te Nengazen.

Jeremias 6:11

Neǥezam ku zaan is dekelà he pauk he iyan is pauk te Nengazen, ne kenè ku heini egkeeǥen.” Migkaǥi is Nengazen te, “Ibpeǥezaman ku is pauk ku ziyà te menge vatà he eguǥusà diyà te zalan, diyà te menge vetan-en he menge maama he edtitiǥum, diyà te menge telteleesawa, wey ragkes en is utew en memeǥurang.

Salmo 102:7

Kenà a ebpekelipezeng; iring a te tagbis he sebsevaha zin diyà te atep te valey.

Daniel 7:28

“Iyan heeyan teǥeinep ku. Ingkeherati ku heini ne mibmemeluntak a te kegkulbai ku. Iyan, wazà ku heini tudtula ziyà te minsan hentei.”

Jeremias 16:8

Kenè ka zaan medseled diyà te valey he zuen duen keemuran te kegkaan wey ked-inum dutun.

Jeremias 1:10

Guntaan he andew mibpilì ku sikew he perekaǥi ziyà te menge nasyun wey menge ginhedian. Keǥiyi nu is menge etew ziyà te menge nasyun wey menge ginhedian he is duma kandan egkengepiley wey egkengezeetan. Ne is duma kandan, ed-enew ne ed-uman edhitindeg.”

Zacarias 1:12

Ne migkaǥi is belinsuǥuen te Nengazen te, “Nengazen he Mekeǥeǥehem, 70 en he tuig is kegkepeuki nu te menge tig-Jerusalem wey menge meǥinged diyà te zuma he menge inged diyà te Juda. Keenu nu pa edtepusa is kenè nu kegkehizuwi kandan?”