Jeremias 15:16 - Manobo Western Bukidnon OT

¹⁶ Hein nekidlalag ka kedì nemineg a kenikew. Is menge lalag nu iyan ebpekelipey kedì ne migkaǥi ka he ǥaked a kenikew, he Nengazen he Megbevayà he Mekeǥeǥehem.

Jeremias 15:16 Marejeleo ya Msalaba

Job 23:12

Layun ku edtumana is suǥù din, wey edtipiǥan ku heini kayi te ǥehinawa ku.

Salmo 19:10

Ne is langun kayi edhuna pa he mahal te lunsey he vulawan, he ke và dà keenen, edhuna pa he meemis te teneb he wazè din sahug.

Salmo 119:111

Is menge penurù nu iyan utew mahal he ketiǥeyunan ku te wazà pidtemanan, su iyan heini ebpekeveǥey kedì te kelipey.

Salmo 119:97

Utew zekelà kayi te ǥehinawa ku is kesuǥuan nu; layun ku heini egngunngunua.

Salmo 119:72

Para kediey, is kesuǥuan he imbeǥey nu edhuna pa he mahal te utew zekelà he ketiǥeyunan.

Jeremias 14:9

Ingketingkemed nu ve heini he menge hitavù? Maan is henduen ka te sundaru he wazè din egkehimu te kedtavang? Duma zey sikew, Nengazen. Ne menge etew key kenikew, umbe kenè key kenikew pesegdana.”

Ezekiel 2:8

“Piru sikew is etew, pemineǥa nu is egkeǥiyen ku ziyan te kenikew. Ne kenà a kenikew supaka iring kandan. Ginganga ka ne keena nu is ibeǥey ku kenikew.”

Micas 2:7

Maan, mibpekezaat be te Nengazen is menge kevuwazan ni Jacob? Naamin en be is pelavey zin? Buluhaten din be is kebpendezaat?” Kenà heeyan egkehimu! Iyan heini tavak te Nengazen keniyu: “Angin pezem ke meupiya is mibeelan niw su siguradu he egkezawat niw is impenaad ku.

Nehemias 8:12

Umbe, migenat is langun he menge etew zutun su egkaan dan wey ed-inum dan, wey ebpemeǥey zan te keenen diyà te zuma. Midsilibra zan he zuen dan dekelà he kelipey su nesavut dan is lalag te Megbevayà he mibasa ziyà te kandan.

Salmo 119:16

Ingkelipey ku is menge sulunuzen he ibpesunud nu, ne kenè ku edlipatan is menge lalag nu.