Jeremias 15:15 - Manobo Western Bukidnon OT

¹⁵ Migkaǥi si Jeremias te, “He Nengazen, netuenan nu is langun he nehitavù kediey. Tentenuzi a wey uǥupi a. Belesi nu is edtinguhà te kezeetan ku. Netuenan ku he kenè ka melemu egkepauk, umbe kenè nu kuwaa is untung ku. Tentenuzi nu is ked-entusa ku te keelezan tenged kenikew.

Jeremias 15:15 Marejeleo ya Msalaba

Jeremias 12:3

Piru siak nekilala a kenikew, Nengazen. Neehè nu is mibpemeelan ku ne netuenan nu ke hengkey is kegkilelaa ku kenikew. Guyuza nu heini he menge etew he iring te eguyud ka te kerehidu he edlepaan. Itapid nu sikandan he para te edlepaan.

Jeremias 20:12

He Nengazen he Mekeǥeǥehem, netuenan nu ke hentei is metazeng. Netuenan nu is gehinawa wey isip te etew. Ipeehè nu kedì is penimales nu kandan, su insarig ku kenikew is kasu ku.

Jeremias 17:16

He Nengazen, wazè ku lemlemuwi is buluhaten ku he kebantey te menge etew nu. Wazè ku sikew peǥesa he ipeseǥazi nu en kandan is kezeetan. Netuenan nu is mibpengaǥi ku.

Nehemias 13:22

Ne mibmenduan ku is menge Levihanen he mebpekelumpiyu zan, ne ventayi zan is menge pultahan su para isipa te menge etew he segradu he andew is Andew te Kedhimeley. Ne zutun mid-ampù a, ke siak te, “He Megbevayè ku, is-isipa nu heini is mibeelan ku, ne kehizuwi a kenikew sumalà te kezekelà te gaǥew nu.”

Jeremias 20:8

Su emun egkaǥi a ne ibpengulahì ku is kebpendaagdaag wey kezeetan. Ne iyan heini he menge lalag is ebpuun diyà te kenikew igkeengiti wey igkesudii kedì.

Salmo 119:84

Sengemenu keluǥayad is kebpeketaǥad ku? Keenu nu pa edsiluti is menge etew he mibpesipala kediey te suluǥuen nu?

Salmo 106:4

Nengazen, elin a kenikew tentenuzi emun edtevangan nu is menge etew nu; ne libriya a zaan ke edlibriyen nu sikandan,

Nehemias 5:19

Mid-ampù a, ke siak te, “He Megbevayè ku, berakat he edtuvazan a kenikew tenged te langun he mibeelan ku kayi te menge etew.”

Jeremias 15:10

Utew a mekehizuhizu! Deyzey pa ke wazà ad ianak te iney ku! Layun a egkuntedaha te menge etew ziyà te tivuuk he Juda. Wazè ku man pezem neutangan etawa impeutang, piru edrewakan a te langun.

Isaias 38:3

Ke sikandin te, “Nengazen, tentenuzi nu is kegkemepezumdumahan ku kenikew kayi te kebpengungubpaan ku, nenilbi a kenikew te ebpuun diyà te gehinawa ku, wey meupiya is baal ku ziyà te etuvangan nu.” Ne utew sikandin nekesineǥew.

Salmo 102:24

Umbe, midhangyù a ziyà te kandin, ke siak te, “He Megbevayè ku he wazà pidtemanan te untung din, kenè nu en dèpa kuwaa is untung ku te kenè e pa meǥurang.

Salmo 39:13

Kena ad kenikew kepeuki, su para mebmelipayen a te kenè e pa ebpatey.

Salmo 17:3

Minsan is gehinawa ku ke mezukilem ne midsusi nu. Migezaman a kenikew ne wazè nu naahà he mezaat kayi te kediey. Midisisyun a he kenà a egkaǥi te mezaat

Job 10:7

Netuenan nu he wazè ku salà, piru wazà ebpekelavan kedì emun iyan ka kuntada.

Nehemias 13:31

Midsiguru ku zaan he sikan is menge idtavun he para te kebpemuhat ne kenà melimpasi is ked-uwita zuen, ragkes is menge egkehuna he egkeraǥun. Ne zutun mid-ampù a, ke siak te, “He Megbevayè ku, tentenuzi a kenikew wey tuvazi a.”

Nehemias 6:14

Umbe, mid-ampù a, ke siak te, “He Megbevayè ku, belesi nu si Tobia wey si Sanbalat tenged te mezaat he vaal zan, ragkes en is bahi he ebpeneuven he si Noadia wey is duma pa he menge ebpeneuven he ebpelihandek kediey.”

Zatù 16:28

Dutun nengemuyù si Samson he ke sikandin te: “He Nengazen he MEGBEVAYÀ, tentenuzi a kenikew. Emun egkehimu ilikù nu is desen ku minsan kesevaha zà su wey a mekevales te kedluǥita kayi te menge Filistihanen te menge mata ku.”

Salmo 44:22

Iyan, tenged te kedtuu zey kenikew, ne layun key en ebpemiligru te kemetayen. Iring key te kerehidu he para edlepaan.

Jeremias 15:20

Edhimuwen ku sikew he iring te melig-en he verengbeng he brunsi he kenà egkelewangan kayi he menge etew. Ebpekidtebek sikandan kenikew piru kenè ke zan egkezaag, su eduma a kenikew para te kedlavan wey kedlibri kenikew.

Jeremias 20:11

Piru zuma ku sikew, Nengazen. Iring ka te mevurut he sundaru, umbe is menge edal-as kedì egkezeetan wey kenà edlampus. Egkepeel-elezan sikandan ne kenè dan edlampus, ne kenà egkelipatan is keelezan dan taman te taman.

Jeremias 18:23

Piru netuenan nu Nengazen is langun he pelanu zan te kedhimatey kedì. Umbe kenè nu sikandan peseyluwa te menge salè dan wey kelelalung. Pengelinteuwi nu he mezaag sikandan te menge kuntada zan dutun te edtengtengan nu sikandan. Siluti nu sikandan tenged te pauk nu.”

Penhulùhulù 3:64

Siluti nu sikandan, Nengazen, sumalà te mibeelan dan.

Penhulùhulù 3:66

Del-asa nu sikandan wey dezeeti tenged te pauk nu su wey zan egkaawà kayi te kelibutan.