Jeremias 13:27 - Manobo Western Bukidnon OT

²⁷ Neehè ku is utew mezaat he menge vaal niw he iyan is ked-azap niw te zuma he menge ed-ezapen diyà te menge vuvungan wey menge vevesukà. Neiring kew te vahi he mengungumpadi he utew subra is kegkeeriǥi zin, wey te mekeeled-eled he vahi he ebelegyà te zengeg din. Mekehizuhizu kew is menge tig-Jerusalem! Keenu vuwa egkaawà is keremerik niw?

Jeremias 13:27 Marejeleo ya Msalaba

Hoseas 8:5

Inselikwey ku is ed-ezapen he vaka te menge tig-Samaria. Ne neregreg is pauk ku kandan. Keenu zan buwa ebpengungubpaan he lumpiyu?

Ezekiel 24:13

“ ‘He Jerusalem, is mahawag he vaal nu iyan nekeremerik kenikew. Neninguhà a te kedlumpiyu kenikew, piru wazè ka mebpelumpiyu. Umbe kenà egkaawà is keremerik nu taman te kanà egkaawà is kegkepeuki ku kenikew.

Ezekiel 6:13

Ne egketuenan dan he iyan a Nengazen emun is ebpematey he zuma zan he meǥinged ebpekepeyapat en duma te menge ed-ezapen dan diyà te peliǥuy te menge pemuhatè dan, diyà te menge vuvungan, diyà te puntur te menge vuntud, diyà te sihung te zezekelà he menge kayu, wey ziyà te sihung te merapung he menge kayu he ulayan, he zutun dan ebpemuhata te veyewà is langun he menge ed-ezapen dan.

Hoseas 4:2

kekenà, iyan mid-ulaula niw is kebpenrawak te zuma, kedtarùtarù, kebpenhimatey, kebpenakew, wey kebpengumpadi. Nekeeneb en heini, ne kenè en egkerintas is hinimetayà.

Ezekiel 36:37

Mibpedayun megkaǥi is Nengazen he MEGBEVAYÀ te, “Ed-umanan ku ebpemineǥa is kebpehizuhizu te menge etew te Israel, ne iyan ebeelan ku ziyà te kandan is: Edhimuwen ku sikandan he iring kahabet te menge kerehidu he ibpemuhat diyà te Jerusalem emun timpu te pista. Umbe is nengevengkag he menge inged egkeuman egkepenù te mahabet he menge etew. Ne egketuenan dan he iyan a Nengazen.”

Erubasa 1:22

“Sikiyu is menge wazè din hanew, taman te taman en be he iring kew keniyan? Sikiyu is menge mesudì, taman te taman en be is kegkelipey niw te kedsudì? Sikiyu is menge tulebung, taman te taman en be he kenè kew egkesuat he mebmetau?

Zefanias 3:1

Migkaǥi si Zefanias te, “Mekehizuhizu is Jerusalem! Is menge meǥinged kayi nekidsukulà te Megbevayà wey mibaal te mezaat he menge vaal, ne is menge pengulu kayi midlisedlised dan is menge etew.

Hoseas 1:2

Is nehuna he migkaǥi te Nengazen diyà te ki Hoseas ne iyan heini: “Pengesawa ka te vahi he mengungumpadi, ne is menge anak niw ed-isipen he menge anak dutun te vahi he mengungumpadi. Su ebpaahà heini he is menge etew ku, iring te nengumpadi sikandan pinaaǥi te kedselikwaya zan te Nengazen wey ked-azap dan te zuma he menge ed-ezapen.”

Ezekiel 36:25

Ed-itisan ku sikiyu te lumpiyu he wahig para maawà diyà te keniyu is langun he meremerik, ne kenè kew en ed-uman ed-azap te zuma he menge ed-ezapen.

Ezekiel 24:6

Su iyan a is Nengazen he MEGBEVAYÀ migkaǥi te: Mekehizuhizu is inged he Jerusalem he teremunù is menge meǥinged duen. Iring heini te tengisen he kitang he wazà melumpiyuwi. Ne tigseselimbahaa nu te egkuwa is taǥù kayi ne kenè nu erama.

Ezekiel 20:28

Su hein mid-uwit ku sikandan diyà te tanà he insaad ku he ibeǥey ziyà te kandan, mibpemuhat dan te menge pemuhat, menge veyewà, wey menge inumen diyà te metikang he menge lugar wey ziyà te merapung he menge kayu he egkeehè dan. Umbe utew ku sikandan nepeuki.

Ezekiel 2:10

Mibekar zin heini ziyà te etuvangan ku, ne zuen surat kayi ziyà te pesiziveluyà, he menge lalag para te kedlalew wey kebpenhulùhulù.

Isaias 57:7

Edtekezeg kew ziyà te metikang he menge vuvungan ne ebpemuhat kew zutun wey ebpekidhilavet.

Salmo 94:4

Utew en ebpemahambug is langun he menge etew he memezaat is baal.

Jeremias 3:6

Dutun te timpu te kedhadì ni Josia migkaǥi is Nengazen kayi te kedì te, “Neehè nu ve is mibeelan te kenà menge metinumanen he menge Israilihanen? Mid-azap dan is duma he menge ed-ezapen diyà te kada metikang he vuntud wey ziyà te sihung te kada merapung he kayu. Iring sikandan te vahi he ebelegyà te zengeg din.

Salmo 94:8

Sikiyu is menge taleng wey menge tulebung, keenu kew pa ebpekesavut? Sevuta niw kun be heini:

Jeremias 11:15

Is menge etew he mibmahal ku mibaal te mahabet he mezaat he menge vaal. Guntaan, wazè dan ketenged te kedhendiyà te valey ku he ed-ezapan. Is menge pemuhat dan kenà ebpekeeǥen te kezeetan he ebpekeuma ziyà te kandan. Emun ebaal zan te mezaat igkelipey zan pa heini!”

Ezekiel 16:23

“ ‘Iyan a, is Nengazen he MEGBEVAYÀ, migkaǥi te mekehizuhizu ka utew! Gawas te langun he mezaat he vaal nu,

Ezekiel 24:12

Piru minsan ebmenmenuwen nu pa haazà is tangis, ne kenà heini egkaawà pinaaǥi te hapuy.