Jeremias 13:12 - Manobo Western Bukidnon OT

¹² “Jeremias, keǥiyi nu is menge etew ziyà te Israel he siak, is Nengazen he Megbevayà te Israel, migkaǥi a te, ‘Is langun he lundis he teleǥuey niw te vinu ne kinahanglan he egkepenù te vinu.’ Ne emun egkeǥiyan ke zan te, ‘Netuenan dey en he pudu egkepenù te vinu is langun he lundis he teleǥuey zey.’

Jeremias 13:12 Marejeleo ya Msalaba

Ezekiel 24:19

Ne mid-insà is menge etew kayi te kedì te, “Hengkey is ibpesavut nu keniyan te mibeelan nu?”

Jeremias 13:11

Is bahag egkeheǥet diyà te hawak te etew, ne egkesuatan ku zaan he is langun he menge etew ziyà te Israel wey Juda ne meheǥet is kegewezi zan kediey. Midhimu ku sikandan he menge etew ku, su para mevantug a wey para meveǥayi a te zengeg, piru kenè dan ebpemineg kedì. Iyan a, is Nengazen, is migkaǥi kayi.

Jeremias 13:13

Keǥiyi nu sikandan he iyan heini ibpesavut ku: Edsilutan ku is langun he meǥinged kayi he tanà ragkes is menge hadì, he menge kevuwazan ni David, menge memumuhat, menge ebpeneuven wey is langun he meǥinged te Jerusalem. Edhimuwen ku sikandan he iring te egkengelangut.

Jeremias 25:16

Emun ebpekeinum sikandan kayi, ebpekeziregdireg sikandan is henduen be te ebuneǥen, tenged te tebek he ibpaaǥi ku ziyà te kandan.”