Isaias 1:5 - Manobo Western Bukidnon OT

⁵ Menge tig-Israel, maan is mibpedayun kew mebpekidsukulà? Egkesuat kew ve he edsilutan? Iring kew te etew he nepurung te palì is ulu zin wey utew mesakit is gehinawa zin.

Isaias 1:5 Marejeleo ya Msalaba

Ezekiel 24:13

“ ‘He Jerusalem, is mahawag he vaal nu iyan nekeremerik kenikew. Neninguhà a te kedlumpiyu kenikew, piru wazè ka mebpelumpiyu. Umbe kenà egkaawà is keremerik nu taman te kanà egkaawà is kegkepeuki ku kenikew.

Jeremias 5:3

Ne zutun migkaǥi a te, “He Nengazen, kenè be nengeehè ka te etew he egkeseriǥan? Mibpesekitan nu is menge etew nu, piru wazè dan heini seǥipaa. Midsilutan nu sikandan wey zan mepenurù, piru kenè dan egkesuat he ebpenuruen. Wazè dan en keelezan ne kenè en sikandan ed-engked te kebaal te mezaat.

Isaias 31:6

Sikiyu is menge Israilihanen, likù kew en diyà te Nengazen he midsupak niw.

Jeremias 5:31

Is menge ebpeneuven tarù is tagnè dan. Is menge memumuhat kandan he keǥehem is egemiten dan te kedumala zan. Ne nekaangey kayi is menge etew ku. Piru hengkey vuwa is ebeelan dan emun egkeume en is ketepusan he timpu?”

Jeremias 9:3

Migkaǥi is Nengazen te, “Menge tarù is egawas diyà te vèbà te menge etew ku he iring te panà he andam en he ibpanà. Tarù is egkeseksiyan kayi he tanà ne kenà tutuu. Midsubre en is kebaal zan te salà, ne wazè e zan kilelaa.

Jeremias 2:30

Midsilutan ku is menge anak niw para memansu, piru wazà heini medrimeǥas te meupiya ziyà te kandan. Kenà sikandan egkesuat he ebpenuruen. Iyan kew mismu midhimatey te menge ebpeneuven diyà te keniyu; neiring kew te egkevitil he erimaung.

Nehemias 9:34

Is menge hadì dey, menge pengulu zey, menge memumuhat dey, wey is menge kepuun dey, wazà medtuman te Kesuǥuan nu. Wazè dan seǥipaa is menge suǥù nu wey menge petizaan nu.

Jeremias 5:5

Umbe, midhendiyà a te menge pengulu zan su wey ku sikandan melelaǥi. Siguradu he netuenan dan is menge paaǥi te Nengazen he Megbevayè dan he ibpetuman kandan.” Piru minsan sikandan, inselikwey zan daan is menge ibpetuman te Megbevayà.

Isaias 33:24

Dutun he timpu, wazà meǥinged diyà te Jerusalem he ebpekekaǥi te, “Deruwanen a.” Ebpeseyluwen te Nengazen is menge salè dan.

Isaias 9:21

Ebpetebekà is tribu he Manase wey Efraim, ne heini is dezuwa ne edsurung diyà te Juda. Piru kenè pa egkeengked is pauk te Nengazen. Andam pa ǥihapun sikandin he edsilut.

Isaias 9:13

Piru is menge etew te Israel kenà gihapun edlikù diyà te Nengazen he Mekeǥeǥehem he midsilut kandan.

Isaias 1:23

Is menge pengulu nu ne mibpekidsukulà wey miduma te menge tekawen. Egkesuat dan he layun edsipsip, wey ebuyù sikandan te menge gasa. Wazè dan levani is ketenged dutun te menge ilu wey wazè dan pemineǥa is riklamu te valu he menge vahi.

2 Cronica 28:22

Emun duen kemereǥenan he ebpekeuma ziyà te ki Hadì Ahaz, ne ed-iseg pa is kedsupak din te Nengazen.

2 Hadì 1:13

Mid-uman en maan medsuǥù haazà is hadì te iketelu he upisyal duma te 50 he etew. Ne hein nekeuma haazà is upisyal ziyà te ki Elias midluhud sikandin diyà te ki Elias su edtahud, wey ebpehizuhizu, “Sikew is suluǥuen te Megbevayà, ikehizu a kenikew wey is menge etew ku. Kenè key kenikew himetayi is menge suluǥuen nu.

Jeremias 13:23

Egkehimu ve he ed-ilisan te meitem he etew is meitem he kedlulundis din? Egkehimu ve ke id-awà te langgam he liyupardu is kavang din? Kenà egkehimu! Umbe sikiyu zaan is menge tig-Jerusalem, kenè kew ebpekevaal te meupiya, su neleyaman niw en is kebaal te mezaat.

Jeremias 17:9

Utew limbungan is gehinawa te etew ne wazà meupiya he egkehimu zin. Hentei is egketau ke sengemenu is kezaat kayi?

Jeremias 44:15

Utew mahabet is menge Judio he netiǥum te kebpemineg ki Jeremias. Heini sikandan nemen-ubpà diyà te zizaya wey zivavà he vahin te Ehipto. Is langun he menge maama he nesayud he is menge esawa zan midtutung te veyewà para te zuma he menge ed-ezapen, wey is langun he menge vahi zutun, migkaǥi ziyà te ki Jeremias te,

Penhulùhulù 5:17

Tenged kayi mibmesakit is gehinawa zey ne mibmerusirem is ked-ehè dey.

Ezekiel 34:4

Wazè niw elimahi para mebmezesen is menge meluya kandan. Wazè niw tembari is menge nezeruwan, wazè niw vukusi is palì dan. Wazè niw pen-ahaa is menge netazintazin wey netazin. Kekenà, mibpurung niw sikandan ruuǥa.

Ezekiel 34:16

Ebpen-ahaan ku sikan is nengetazin wey nengetazintazin. Ebukusan ku is menge pelien wey edlig-enan ku is memeluya. Piru edèdeetan ku is memelambù wey memeupiya is kedlelawa. Ebeelan ku ziyà te kandan ke hengkey is hustu he kukuman.