Hoseas 9:15 - Manobo Western Bukidnon OT

¹⁵ Migkaǥi is Nengazen te, “Is langun he kelelalung te menge etew ku mibpuun hein diyè dan te Gilgal. Ne zutun he lugar neepesan ku en sikandan. Ne tenged te kelelalung dan ibpaawè ku sikandan kayi te Israel he mid-isip ku he ubpeey ku. Ne kenè ku en sikandan ebmahalen; nekidsukulà kedì is langun he menge pengulu zan.

Hoseas 9:15 Marejeleo ya Msalaba

Hoseas 12:11

Piru minsan pa zutun, is menge etew ziyà te Gilead, menge lalung sikandan wey wazà menge pulus, ne is menge etew ziyà te Gilgal nemuhat te menge tudu he vaka ziyà te zuma he menge ed-ezapen. Siguradu he ebengkaǥen is menge pemuhatè dan ne egkeiring heini te intambù he menge vatu he mibpenguwa ziyà te tanà he mid-eradu.

Hoseas 4:15

“Menge tig-Israel, minsan mid-iniyuǥan a keniyu he iring kew te vahi he nengumpadi, ne kenè niw uwit-uwita is menge tig-Juda. “Ne sikiyu is menge tig-Juda, kenè kew medhendiyà te Gilgal wey Bet Aven te ked-azap kediey etawa kebpenaad pinaaǥi te ngazan ku.

Isaias 1:23

Is menge pengulu nu ne mibpekidsukulà wey miduma te menge tekawen. Egkesuat dan he layun edsipsip, wey ebuyù sikandan te menge gasa. Wazè dan levani is ketenged dutun te menge ilu wey wazè dan pemineǥa is riklamu te valu he menge vahi.

Amos 5:5

Kenè kew en hendiyà te Betel, te Gilgal, etawa te Beersheba te ked-azap. Su siguradu he ebihaǥen is menge etew ziyà te Gilgal, ne egkahanew is Betel.

1 Samuel 7:16

Kada tuig, ne edlibuten din is ebpuun te Betel pehendiyà te Gilgal wey Mizpa, su ebpenguluwan din is menge Israilihanen kayi he menge lugar.

Zefanias 3:3

Is menge upisyal zan henduen be te edhiniǥer he erimaung. Is menge pengulu zan henduen be te zumezaas he asu, ne ebpen-ahà te egkezeesan din emun mezukilem, ne haazà ne ed-eminen din te edaas ne wazà egkesamà ke meselem.

Micas 6:5

He menge etew ku, tentenuzi niw he midsuǥù ni Hadì Balak he hadì te Moab si Balaam he anak ni Beor te kedrawak keniyu piru penuvadtuvad keniyu is impekaǥi ku ki Balaam. Tentenuzi niw zaan ke mibmenumenu ku sikiyu te edtavang hein midhipanew kew puun te Shitim pehendiyà te Gilgal. Tentenuzi niw heini he menge hitavù su wey niw meisip-isip is kedlibriya ku keniyu.”

Zacarias 11:8

Naawà is pelavey ku zuen te tetelu he menge perevantey te menge kerehidu he nepeukan e zan. Umbe impaawè ku sikandan is langun seled dà te senge vulan.

Micas 3:11

Emun edhukum kew ebpeburan niw is ebeǥey te sipsip diyà te keniyu. Ne sikiyu is menge memumuhat, ebpenurù kew su ǥeina te ebeyazan kew. Ne sikiyu zaan is menge ebpeneuven, ebpenagnè kew tenged dà te selapì. Edsarig kew pa he edtevangan kew te Nengazen, su egkaǥi kew te, ‘Zuma zey is Nengazen. Umbe wazà mezaat he egkehitavù kenami.’

Amos 5:27

Umbe, ibpevihag ku sikiyu ziyà te hunaan pa te Damascus.” Iyan heini migkaǥi te Nengazen he migngezanan te Megbevayà he Mekeǥeǥehem.

Amos 4:4

“Sikiyu is menge Israilihanen, hendiyè kew te ed-ezapen niw ziyà te Betel wey Gilgal ne sigudu kew en baal te salà. Uwit kew te pemuhat niw kada meselem wey uwit kew te ikepulù niw kada tetelu he andew.

Hoseas 9:17

Migkaǥi si Hoseas te, “Idselikwey te Megbevayè ku is menge tig-Israel su wazè dan mebpezumazuma kandin. Umbe minsan hendei he nasyun is egkepeveyaan dan.”

Hoseas 9:3

Ed-awè kew kayi te Israel he tanà te Nengazen, ne edlikù kew ziyà te Ehipto. Is duma keniyu edhendiyà te Asiria, ne zutun egkaan kew te menge keenen he mid-isip niw he meremerik.

Hoseas 7:2

Ne kunaan dan ke egkelipatan ku is langun he kelelalung dan. Nevakus gihapun sikandan te menge salè dan ne neehè ku heini is langun.

Hoseas 4:9

Umbe, ǥuntaan te edsilutan ku is menge etew, ne edsilutan ku zaan sikiyu is menge memumuhat. Edsilutan ku sikiyu tenged te vetasan niw; ebelesan ku sikiyu tenged te menge vaal niw.

Hoseas 3:4

Su ebpesavut heini he seled te meluǥayad he timpu is kebpengungubpaan te menge etew te Israel he wazè dan hadì, upisyal, pemuhat, tedeman he vatu, wazà ipud he egemiten te kebpenagnà, wey menge ed-ezapen.

Hoseas 1:9

Migkaǥi is Nengazen diyà te ki Hoseas te, “Ngezani nu heeyan is batà te Lo Ami, he ke và dà egkegiya, ‘Kenà menge Etew ku,’ su is menge etew te Israel, ne kenè ku menge etew ne kenè e zan Megbevayà.

Hoseas 1:6

Mid-uman mebmeǥingey si Gomer ne mid-anak te vahi. Ne migkaǥi is Nengazen diyà te ki Hoseas te, “Ngezani nu heeyan is batà te Lo Ruhama, he ke và dà egkegiya, ‘Wazà Mehizuwi,’ su kenè ku en egkehizuwan wey ebpeseyluwen is menge etew te Israel.

Ezekiel 23:18

“Nepeukan ku si Oholiba ne mid-iniyuǥan ku en iring te mibeelan ku ziyà te suled din su utew keladu he mibpedayun sikandin mebpelelevag.

Ezekiel 22:27

Is menge upisyal zan iring te zumezaas he menge asu he ebpitaspitas te egkezawi zan. Edhimatey zan para zà mekeselapì sikandan.

Jeremias 11:15

Is menge etew he mibmahal ku mibaal te mahabet he mezaat he menge vaal. Guntaan, wazè dan ketenged te kedhendiyà te valey ku he ed-ezapan. Is menge pemuhat dan kenà ebpekeeǥen te kezeetan he ebpekeuma ziyà te kandan. Emun ebaal zan te mezaat igkelipey zan pa heini!”

Jeremias 5:5

Umbe, midhendiyà a te menge pengulu zan su wey ku sikandan melelaǥi. Siguradu he netuenan dan is menge paaǥi te Nengazen he Megbevayè dan he ibpetuman kandan.” Piru minsan sikandan, inselikwey zan daan is menge ibpetuman te Megbevayà.

Jeremias 3:8

Midsuwayan ku is Israel ne midsegseg ku tenged te kebpekimaama zin. Piru minsan pa te iyan heini wazà mehandek is meluiven he suled din he iyan is Juda.

Salmo 78:60

Mid-ewaan din sikan is tulda zin diyà te Shilo he iyan ubpeey zin kayi te kelibutan.

Josue 10:43

Ne kegkepasad kayi, midlikù si Josue wey is langun he menge Israilihanen diyà te kampu zan diyà te Gilgal.

Leviticus 26:30

Edrundusen ku is menge simbahan niw ziyà te metikang he menge lugar ragkes is menge pemuhatà he tutungà te veyewà. Ne idtimbag ku sikiyu is ebpematey ziyà te zivavew te kenà egeǥehinawa he menge ed-ezapen, ne idselikwey ku sikiyu.

Jeremias 12:8

Midsukul zan kediey he iring te edhiniǥer he erimaung diyà te ketelunan, umbe egkeepesan ku sikandan.

Hoseas 12:2

Migkaǥi si Hoseas te, “Duen riklamu te Nengazen diyà te tig-Juda he menge kevuwazan ni Jacob. Edsilutan din sikandan te sumalà te menge vetasan dan; ebelesan din sikandan te sumalà te menge vaal zan.

Jeremias 15:1

Migkaǥi is Nengazen kayi te kedì te, “Minsan si Moises pa wey si Samuel is ebpehizuhizu kediey para kayi he menge etew, ne kenè ku sikandan egkehizuwan. Umbe ipekeziyù sikandan kayi te etuvangan ku. Ipawè niw en sikandan!