Hoseas 9:13 - Manobo Western Bukidnon OT

¹³ “Is ked-ahaa ku zengan keniyu ne iring kew te kayu he palma he nekepemula ziyà te meupiya he tanà. Piru ǥuntaan ereg he edumahan niw is menge anak niw ziyà te tebek su wey meǥerà.”

Hoseas 9:13 Marejeleo ya Msalaba

Ezekiel 27:3

kes inged he dungguanan te menge varku wey sintru te nigusyu te menge meǥinged diyà te veyvey te zaǥat. Keǥiyi nu he iyan a, is Nengazen he MEGBEVAYÀ migkaǥi te, ‘He Tyre, mibpehivantug ka he utew ka mekempet.

Hoseas 13:16

Ereg he edsilutan is menge tig-Samaria tenged te kebpekidsukulè dan kediey te Megbevayè dan. Egkeǥerà sikandan tenged te tebek. Edrunteken is dezeisey he menge anak dan, ne edsirian is meǥingey he menge vahi kandan.”

Hoseas 10:14

ne egkehitavù diyà te keniyu is tebek ne egkewaǥey is binerengbeng he menge inged niw. Ebeelan te menge kuntada niw is iring te mibeelan ni Shalman diyà te inged he Bet Arbel, iring te midruntek din is menge iney wey is menge anak dan.

Hoseas 9:16

Iring sikandan te pinemula he neǥangu is dalid din, umbe wazà mekepemeǥas. Minsan ebpenganak sikandan, edhimetayan ku is pinelanggè dan he menge anak.”

Jeremias 9:21

Nekeuma ziyà te pemilya tew wey inged tew is kemetayen wey te melig-en he parti kayi. Mibpenhimetayan is menge vatà he ebevaleyvaley ziyà te menge zalan wey is betan-en he menge maama he midtiǥum diyà te menge pelasa.

2 Hadì 15:16

Dutun he timpu, midsurung ni Menahem is Tifsa wey is menge lugar ziyà te peliǥuy kayi taman te Tirza, su is menge meǥinged kayi kenà edsurindir ziyà te kandin. Mibpenhimetayan din is langun he meǥinged diyà te Tifsa, ne midsirian din is getek te meǥingey he menge vahi.

Jeremias 7:15

Sikiyu is menge tig-Juda, edsegseǥen ku sikiyu ziyà te etuvangan ku iring te mibeelan ku ziyà te menge kezuzumahi niw, he menge etew he tig-Israel.’

Job 27:14

Is lalung he etew, minsan mezakel is menge anak din, is duma kandan, ebpatey te tebek etawa vitil.

Penhulùhulù 2:22

Mid-imbita nu is menge kuntada te kedsurung kayi te peliǥuy ku he henduen be te nengimbita ke zà te para te keemuran. Dutun te andew te kebpaahaa nu te pauk nu, wazà nekepelaǥuy etawa neuyag. Mibpenhimetayan te menge kuntada ku is menge anak ku he mid-elimahan ku wey impezekelà.

Hoseas 14:1

Migkaǥi si Hoseas te, “He menge tig-Israel, likù kew ziyà te Nengazen he Megbevayè niw, su nezeetan kew tenged te menge salè niw.