Hoseas 8:10 - Manobo Western Bukidnon OT

¹⁰ Piru minsan mibpesakup is Israel te zuma he menge nasyun, ne edtiǥumen ku ǥuntaan is menge etew kayi ne edsilutan ku. Ne ebpuun en is kegkerasey zan tenged te kedluplupiǥa kandan te sevaha he hadì wey menge upisyal zin.

Hoseas 8:10 Marejeleo ya Msalaba

2 Hadì 14:26

Ketau te Nengazen is kegkeul-ulaha kayi su neehè din is utew subra he ked-antus te menge Israilihanen, uripen man etawa kenà. Ne wazà ebpeketavang kandan.

2 Hadì 17:3

Midsurung ni Hadì Shalmaneser he hadì te Asiria si Hoshea. Nehimu sikandin he sakup ni Shalmaneser ne impevayad sikandin te vuhis.

2 Hadì 17:4

Ne hein neuǥet wazè en mebayad si Hoshea te vuhis he iring duen te nehuna he kada tuig is kebayad din, ne mibpetavang sikandin ki Hadì So he hadì te Ehipto. Ne hein netuenan ni Shalmaneser he midluib si Hoshea, midakep din ne mibpirisu zin.

1 Cronica 5:26

Umbe, ketau te Megbevayà te Israel he surunga sikandan ni Hadì Pul he hadì te Asiria (he iyan si Tiglat Piliser). Nevihag ni Pul is menge tribu ni Reuben, Gad, wey ketengà he tribu ni Manase ne ziyè din uwita te Hala, Habor, Hara, wey ziyà te Wahig te Gozan, ne zutun sikandan taman guntaan.

Isaias 10:8

Ebpahambug sikandin he egkaǥi te, “Is menge peremandar te menge sundaru ku ne henduen be te menge hadì.

Isaias 30:2

Midhendiyà sikandan te Ehipto su ebpelavan dan te hadì, ne wazè en sikandan mebpekisambag kedì.

Isaias 36:13

Ne zutun, midhitindeg haazà is peremandar te menge sundaru ne nemensag te Hebriyuhanen te, “Pemineǥa niw is migkaǥi te mekeǥeǥehem he hadì diyà te Asiria!

Jeremias 42:2

Migkaǥi zan diyà te ki Jeremias te, “Edhangyù key ziyà te kenikew he pengemuyù ka ziyà te Nengazen he Megbevayè nu para kenami te nesamà. Neehè nu he mezakel key zengan, iyan, guntaan deisey key zà.

Ezekiel 16:33

Is menge vahi he ebelegyà te zengeg dan ebpevayad mulà. Piru sikew, iyan ka hinuun mibeǥey te menge gasa ziyà te menge maama he kumpadi nu su wey sikandan mehinggat te ked-uvey ziyan te kenikew te kebpekidhilavet.

Ezekiel 16:37

Tenged kayi te mibeelan nu, edtiǥumen ku is langun he menge kumpadi nu he igkelilingey nu, is mibmahal nu wey ragkes en is egkeepesan nu. Edtiǥumen ku sikandan su wey ke zan kuntedaha, ne edlevasan ku sikew ziyà te etuvangan dan su wey ke zan maahà is lelevas.

Ezekiel 22:20

Iring a te etew he ed-amur-amur te pelata, te brunsi, putew, timeǥà wey lata ziyà te edriyubriyub he edtunawan duen. Uya, ed-em-emuren ku sikiyu ziyà te Jerusalem tenged te kegkepeuki ku keniyu, ne zutun edsilutan ku sikiyu he iring te mital he edtunawen.

Ezekiel 23:5

“Minsan esawa ku en si Ohola, mibpedayun gihapun sikandin mebelegyà te zengeg din, ne edteltelukunan din en is menge kumpadi zin he menge tig-Asiria he siringan din.

Ezekiel 26:7

Mibpedayun megkaǥi is Nengazen he MEGBEVAYÀ te, “Sikiyu is menge tig-Tyre, ibpesurung ku sikiyu ki Hadì Nebucadnezar he hadì te Babilonia, he hadì te menge hadì. Edsurung sikandin is ebpuun diyà te zizaya duma te mahabet he menge sundaru, menge kerwahi, menge kudà, wey menge pereuntud te kudà.

Daniel 2:37

Mahal he Hadì, iyan ka hadì te menge hadì. Iyan midhimu kenikew he hadì is Megbevayà diyà te langit, ne mibeǥayan ke zin te ǥehem, desen, wey zengeg.

Hoseas 10:10

Suat ku is kedsiluti ku keniyu. Egkesevaha is menge nasyun te kedsilut keniyu tenged te kedsigudu niw kebaal te salà.

Hoseas 12:2

Migkaǥi si Hoseas te, “Duen riklamu te Nengazen diyà te tig-Juda he menge kevuwazan ni Jacob. Edsilutan din sikandan te sumalà te menge vetasan dan; ebelesan din sikandan te sumalà te menge vaal zan.

Haggai 2:6

“Iyan a, is Nengazen he Mekeǥeǥehem, is migkaǥi he edhuyungen ku te kesevaha is langit wey is kelibutan, is tanà wey is daǥat.