Hoseas 5:12 - Manobo Western Bukidnon OT

¹² Iring a te dezeizey he keranapranap he egketket te Israel wey Juda.

Hoseas 5:12 Marejeleo ya Msalaba

Isaias 51:8

Su iring dan dà te manggad he egketketen te dezeisey he menge keranapranap. Piru is ibeǥey ku he kezeeǥan duma is ketazeng wey kelibriyanan ebpedayun te wazà pidtemanan.”

Job 13:28

Umbe, iring a te repuk he egkeredak en wey visti he egketketen te zezeizey he keranapranap.”

Jonas 4:7

Iyan, te egkeriwaswas dutun te sunud he andew, duen tetaru he impeketket te Nengazen dutun te tevayag su wey meǥangu haazà.

Isaias 50:9

Pemineg kew! Is Nengazen he MEGBEVAYÀ, iyan midtavang kedì. Hentei is ebpekepengintutuu he nekesalà a? Ebmerunut dan iring te manggad he egketketen te dezeisey he menge keranapranap.

Erubasa 12:4

Is bahi he egkezeliǥan tenged te meupiya he menge vaal zin, ne zengeg sikandin te esawa zin, piru is bahi he mekeeled-eled is menge ulaula zin, ne iring sikandin te vaus he midtuvù diyà te peka te esawa zin.

Salmo 39:11

Ebmensuwen nu is etew pinaaǥi te kedsewaya nu kandin, tenged te menge salè din. Ne iring is ebeelan nu te kegketket su id-awè nu id-amin is mahalen he menge azen din. Tutuu iyan he iring dà te keramag is untung te etew su edlavey zà.

Isaias 5:24

Umbe, iring kew te neǥangu he reǥami wey sagbet he meǥaan dà edeketi te hapuy wey egkeigmuk; segugunè kew egkengezeeti. Egkeiring kew te pinemula he neredak is dalid din, ne is menge kevukad din, inlayap he henduen dà te eliyavuk, su geina te inselikwey niw is Kesuǥuan te Nengazen he Mekeǥeǥehem, kes Waǥas he Megbeveyà te Israel.