Hoseas 2:19 - Manobo Western Bukidnon OT

¹⁹ “Ed-isipen ku sikiyu he esawa ku taman te taman. Ebeelan ku ziyà te keniyu is metazeng wey hustu. Ebmahalen ku sikiyu wey egkehizuwan,

Hoseas 2:19 Marejeleo ya Msalaba

Isaias 54:14

Ebmelig-en ka su edtinazeng is menge etew nu. Ebpeleǥuyan ka te menge kuntada nu, umbe wazè nu en igkahandek. Kenè en ed-uvey ziyà te kenikew is menge kuntada nu, ne kenè ke en egkeheratan.

Salmo 85:10

Ebpekeduma is gaǥew wey kebmetinumanen, ne ebpekeduma zaan is ketazeng wey is kelinew.

Ezekiel 39:29

Kenè ku en sikandan ebpesegdanen su edsuǥuen ku ziyà te kandan is Mulin-ulin ku. Iyan a, is Nengazen he MEGBEVAYÀ, is migkaǥi kayi.”

Isaias 1:27

Pinaaǥi te metazeng he kukuman te Megbevayà, edlibriyen din is Jerusalem wey is menge meǥinged kayi he ed-iniyug te mezaat.

Joel 3:20

Piru is Juda wey Jerusalem, ed-ubpaan mulà taman te taman.

Isaias 54:5

Su siak is midlimbag kenikew, egkehimu a he iring te esawa nu. Mekeǥeǥehem he Nengazen is ngazan ku. Siak, is Waǥas he Megbevayà te Israel, iyan a Menluluwas nu. Egngezanan a he ‘Megbevayà te tivuuk he kelibutan.’

Jeremias 4:2

ne ngazan ku zà is gemita nu emun edheǥeten nu is penangdù nu ne pengungubpaan ka he egkeseriǥan, hustu wey metazeng, ne egkehimu ka he tuvad te menge nasyun, ne ebeǥayan ke zan te zengeg.”

Isaias 54:6

“Jerusalem, iring ka te vetan-en he vahi he midlalew su mid-ewaan te esawa zin. Iyan, guntaan ed-umawen ku sikew he likù ka kayi te kedì.

Ezekiel 16:8

“ ‘Ne hein mid-uman a medsaǥad, neehè ku he egkehimu ke en he ed-esewaan. Ne midtembunan ku sikew is lelevas te samput ku ne nenangdù a he ebmahalen ku sikew. Midhimu ku is kebpekid-uyun kenikew, ne naangken ku sikew. Iyan a, is Nengazen he MEGBEVAYÀ, migkaǥi kayi.

Hoseas 14:4

Migkaǥi is Nengazen te, “Ebewian ku is kegkemesinupaken te menge etew ku, ne ebmahalen ku sikandan te ebpuun te keugelingen he suat ku. Su naawè en is kegkepeuki ku kandan.