Hoseas 2:13 - Manobo Western Bukidnon OT

¹³ Edsilutan ku sikandin su zuen menge timpu he midtutung sikandin te veyewà diyà te ledawan ni Baal. Inseluub din is menge elahas din ne midal-as din is menge kumpadi zin, ne siak mulà, ne midlipatan e zin en. Iyan a, is Nengazen, is migkaǥi kayi.

Hoseas 2:13 Marejeleo ya Msalaba

Hoseas 13:6

Piru hein midtuvazan ku sikiyu ne mid-uswag kew, nehimu kew he mepelevawen ne midlipatan ad keniyu.

Zatù 3:7

Mezaat is mibeelan te menge Israilihanen diyà te etuvangan te Nengazen, su midlipatan dan is Nengazen he Megbevayè dan, ne mid-azap dan is menge ledawan ni Baal wey ni Ashera.

Hoseas 13:1

“Dengan, emun egkaǥi is tribu ni Efraim egkerkeren te kegkahandek is duma he menge tribu te Israel, ne edeliǥen dan heini. Piru nekesalà is menge etew kayi he tribu tenged te ked-azap dan ki Baal. Umbe nemematey sikandan.

Hoseas 11:2

Piru ǥuntaan, minsan edtulungan ku en sikandan ed-umawa is menge tig-Israel, ne nasì dan mebpekeziyù kayi te kedì. Nemuhat sikandan te menge pemuhat wey midtutung te menge veyewà diyà te menge ledawan ni Baal.

Jeremias 7:9

Nenakew kew, nememunù, nengumpadi, nenangdù te tarù, midtutung te veyewà diyà te ki Baal, wey mid-azap kew te zuma he menge ed-ezapen he wazè niw ganì mekilala.

Hoseas 9:7

“Menge tig-Israel, neume en is timpu te kedsiluti keniyu, kes timpu he ebelesan kew tenged te menge mibeelan niw. Ne egketuenan niw he neume en heini. Ne iyan lalag niw mehitenged kedì is, ‘Tulebung heeyan he ebpeneuven! Engey heeyan is edumelahan te mulin-ulin!’ Iyan heeyan lalag niw mehitenged kedì su ǥeina te zekelè en is salè niw ne egkeepesan a keniyu.

Hoseas 8:14

Midlipatan te menge tig-Israel is midlimbag kandan. Sikandan wey is menge tig-Juda mibangun te menge turuǥan wey mahabet he menge inged he midliǥuy te verengbeng. Piru ebinsulan ku is menge inged dan wey is menge melig-en he menge vahin kayi.”

Hoseas 4:6

“Egkengezeetan is menge etew ku su ǥeina te kurang dan te keuluwanen mehitenged kediey. Su sikiyu mismu is menge memumuhat inselikwey niw is paaǥi te kegketau mehitenged kedì, umbe idselikwey ku en daan sikiyu is menge memumuhat ku. Midlipatan niw is Kesuǥuan ku, umbe edlipatan ku zaan is menge anak niw.

Hoseas 4:13

Nemuhat kew ziyà te puntur te menge vuntud, diyà te sihung te metawis wey merapung he menge kayu, su meupiya heini he edhelungan. Umbe mibpehilavet is menge anak niw he raǥa ne is menge ambey niw nengumpadi zaan.

Hoseas 2:7

Edel-asen din is menge kumpadi zin piru kenè din sikandan egkesaut. Ebpen-ahaan din sikandan piru kenè din sikandan egketuredu. Ne egkaǥi sikandin te, ‘Edlikù ad nasì diyà te nehuna he esawa ku, su meupiya pa is kebpekesavuk ku zutun te nehuna kenà te ǥuntaan.’

Ezekiel 23:35

Ne ǥeina te midlipatan a kenikew wey mid-iniyuǥan, ne siak is Nengazen he MEGBEVAYÀ, egkaǥi a he egkerasey ka tenged te mahawag he vaal he iyan is kebelegyè nu te zengeg nu.’ ”

Ezekiel 22:12

Is duma mibpesuhul te kedhimatey te etew, is duma mibpeutang te utew zekelà is tuvù din, wey is duma midsepian tenged te kedlimbungi zin te zuma he etew. Nelipatan e zan en. Iyan a, is Nengazen he MEGBEVAYÀ, is migkaǥi kayi.

Ezekiel 16:17

Migamit nu zaan is menge pelata wey menge vulawan he menge elahas he imbeǥey ku kenikew te kebaal te menge ed-ezapen he maama ne mid-azap nu heini. Iring heini te nengumpadi ka!

Jeremias 18:15

Piru is menge etew ku nelipatan e zan en. Midtutungan dan te veyewà is wazè din pulus he menge ed-ezapen. Mid-ewaan dan is hustu he zalan he kezaan en ne ziyè dan med-ikul te kenà hustu he zalan ne zutun sikandan meseligkat.

Jeremias 11:13

“He menge tig-Juda, utew mezakel is menge ed-ezapen niw, iring kezakel te menge inged niw. Ke sengemenu kahabet is menge zalan diyà te Jerusalem ne iyan daan kahabet te menge pemuhatà he para edtutungan niw te veyewà he para te utew mezaat he ed-ezapen he si Baal.

Jeremias 2:32

“Egkelipatan be te raǥa is elahas din etawa visti zin te eseweey? Kenà, piru sikiyu is menge etew ku, nelipatan a keniyu seled te neuǥet he timpu.

Isaias 17:10

Egkehitavù heini keniyu te menge tig-Israel, su ǥeinà te midlipatan niw is Megbevayà he menluluwas niw, he iyan batu he egkeendilungan niw. Umbe minsan ebpemula kew pa te meupiya he kelasi te menge pinemula, iring te paras he ebpuun pa ziyà te zuma he lugar,

Salmo 106:21

Midlipatan dan is Megbevayà he midlibri kandan wey mibaal te mekeǥeǥehem wey egkein-inuwan he menge vaal ziyà te Ehipto he tanà te menge kevuwazan ni Ham, wey sikan is baal zin diyà te Zaǥat he Meriǥà.

Salmo 106:13

Piru meǥaan dà ne nelipatan dan en is mibeelan din, ne wazè en sikandan medtaǥad te sambag din.

Salmo 78:11

Midlipatan dan is egkein-inuwan he menge vaal zin he impeehè din kandan.

Job 8:13

Ne iring daan keniyan is egkepeveyaan te langun he etew he ed-iniyug te Megbevayà. Wazà egkeperateng te etew he wazà medsarig te Megbevayà.

2 Hadì 21:3

Mid-umanan din benguna is menge simbahan diyà te metikang he menge lugar he imperundus dengan te amey zin he si Hezekia. Mibaal zaan sikandin te menge pemuhatà he para ki Baal wey mibpevaal sikandin te tukud he simbulu te vahi he ed-ezapen he si Ashera, iring te mibeelan ni Hadì Ahab he hadì te Israel. Mid-azap din is menge merayag he egkengaahà diyà te langit.

2 Hadì 10:28

Pinaaǥi kayi in-awà ni Jehu is ulaula he iyan is ked-ezapa ki Baal diyà te Israel.

2 Hadì 1:2

Ne sevaha he andew, neulug si Hadì Ahazia ziyà te rihas-rihas puun diyà te zivavew he endana te turuǥan din diyà te Samaria, ne nepurung sikandin meruuǥi. Tenged dutun duen menge etew he midsuǥù din he ibpehendiyà te simbahan he zutun ed-ezapa si Baal Zebub, he ed-ezapen diyà te Ekron, su wey zan mekeinsa ke egkeulian ded be sikandin.

1 Samuel 12:9

Piru midlipatan dan is Nengazen he iyan Megbevayè dan, umbe paaǥi te Nengazen is kegkezeeǥa kandan ni Sisera he peremandar te sundaru he tig-Hazor, wey te Filistihanen wey te hadì te Moab.

Zatù 10:6

Mid-uman en maan mebaal is menge Israilihanen te mezaat he igkepauk te Nengazen. Mid-iniyuǥan dan is Nengazen su iyan dan mid-azap is menge ledawan te ed-ezapen he si Baal wey si Ashtoret, wey is menge ed-ezapen diyà te Aram, Sidon, Moab, Ammon, wey Filistia.

Deuteronomio 32:18

Midlipatan dan is Megbevayà he iring te vatu he iyan melig-en he egkeendilungan dan he iyan midlimbag kandan.

Deuteronomio 6:12

mebpekevantey kew he kenè niw melipati is Nengazen he iyan mibpeǥawas keniyu ziyà te Ehipto he zutun kew uripena.

Exodus 32:34

Ne ǥenat ke en, ne zumaha nu sikan is menge etew ziyà te lugar he migkaǥi ku kenikew. Tentenuzi nu he iyan egiya keniyu is belinsuǥuen ku, iyan, egkeuma ǥihapun is timpu te kedsiluti ku keniyan te menge etew tenged te salè dan.”

Ezekiel 16:12

Mideyzeyanan ku zaan te sising is izung nu, ne mid-eritisan ku sikew wey migkurunahan.

Jeremias 7:34

Ibpeengked ku en is kegalew wey kedlipey ziyà te menge zalan te Jerusalem. Is melipayen he kegkaǥi te beuǥu kenè en egkezineg diyà te menge inged te Juda su egkehimu heini he mekevulungbulung.”

Penhulùhulù 1:4

Is menge zalan pehendiyà te Jerusalem mekeseseeng, su wazè en edhendiyà te ked-azap dutun te netelaan he menge timpu te pista. Mekevulungbulung is langun he pultahan kayi. Edag-es is menge memumuhat kayi, ne is menge raǥa ebpemenlalew. Utew mekeseseeng is nehitavù te Jerusalem.

Penhulùhulù 5:14

Is menge meǥurang wazè en mekepinuu ziyà te pultahan te inged te kebeǥey te sambag, ne is betan-en he menge maama wazè en meketukar te menge sunata.

Amos 8:10

Edhimuwen ku he sineǥawan is kedlipey niw emun timpu te pista, ne edhimuwen ku he hulùhulù is menge kegkanta niw. Ebpevistiyan ku sikiyu te saku wey edsuǥuen ku he mebpevangul su wey niw ikepaahà is kedlalew niw, iring te menge ǥinikanan he edsineǥew tenged te kebpatey te vudtung he anak dan. Piru edhuna pa he mesakit is ketepusan kayi he menge silut.”