Hoseas 14:5 - Manobo Western Bukidnon OT

⁵ Edtuvazan ku is menge tig-Israel. Egkeiring a te zehemug he ebpekevinyag te menge pinemula. Ed-uswag sikandan iring te liryu he ebpemulak. Ebmelig-en sikandan iring te kayu he sidru ziyà te Lebanon he mezalem is nesenevan te zalid din.

Hoseas 14:5 Marejeleo ya Msalaba

2 Samuel 23:4

iring sikandin te anlag te andew he edsilà ke meselem he wazà gapun, he ebpekepesinew te neuzanan he menge sagbet!’

2 Hadì 19:30

Ne ziyà te Juda, sikiyu is nengesamà he uuyag, ed-uswag kew iring te pinemula he mibpurung mebpendalid ne ebpemeǥas.

Job 29:19

Wey mid-isip ku he egkeiring a te melig-en he kayu he nendalid diyà te wahig he layun egkezehemuǥi is menge subpang din.

Salmo 133:3

Iring heini te zehemug diyà te Buntud he Hermon he nengetaktak diyà te Buvungan he Zion. Ne kayi te Zion medsaad is Nengazen te tuvad, he iyan is untung he wazà pidtemanan.

Salmo 72:16

Berakat he mebeǥey te menge abut is tanà minsan is puntur te menge vuntud, ne meiring te Lebanon he utew uuzaran. Berakat he mebmahabet is ebpemen-ubpà diyà te menge inged, meiring sikandan kezakel te menge sagbet diyà te menge vevesukà.

Salmo 72:6

Berakat he egkeiring sikandin te uzan he ebpekeveǥey te wahig kayi te kelibutan.

Salmo 80:9

Mibpurungan nu hiǥewani haazà is tanà, ne nendalid haazà is paras ne neeneb te langkat din heini is tanà.

Salmo 92:12

Is ked-uswag te menge metazeng igkepetug iring te meveǥas he palma, ne is kebpekesavuk dan igkepetug iring te kayu he sidru ziyà te Lebanon he midtuvù he melig-en.

Salmo 92:13

Iring sikandan te menge kayu he impemula ziyà te valey te Nengazen he Megbevayè tew he meupiya is tuvù dan,

Erubasa 19:12

Emun egkepauk is hadì ne iring haazà te edhiniǥer he erimaung, iyan, is tavang din igkepetug-iring daan te zehemug he ebpekepetuvù te pinemula.

Solomon 2:16

Kediey zà is minahal ku, ne kandin e zà. Ibpepenabtab din is menge uyaǥen din diyà te zuen duen menge liryu.

Solomon 4:5

Is dezuwa he susu nu henduen be te sereping he nati te kuleping he ebpenabtab diyà te zuen duen menge liryu.

Isaias 12:1

Emun egkeume en haazà he andew megkanta kew te: “Nengazen, edeliǥen ku sikew. Nepeukan a kenikew, piru ǥuntaan naawè en is pauk nu, ne edlipeyen a kenikew.

Isaias 18:4

Su iyan heini migkaǥi te Nengazen kayi te kediey: “Ke hendei a ebpinuu ne edtengteng a puun dutun he melinawen. Iring te kedsilà te andew emun meudtu wey kegkepurma te zehemug dutun te meǥenew he kezukileman emun tiraǥun.”

Isaias 26:19

Piru egkevanhew is menge etew nu he nemematey. Ed-enew sikandan is egkanta tenged te kelipey iring te zehemug emun meselem he ebpekeveǥey te keǥenew te tanà, sikew Nengazen ebenhawen nu is menge minatey.”

Isaias 27:6

Egkeuma is timpu he zutun is menge tig-Israel, he menge kevuwazan ni Jacob, ebpendalid iring te pinemula. Ebpeneringsing heini wey ebpengevukad. Ebpemeǥas heini te mahabet ne ebpekeeneb te tivuuk he kelibutan.

Isaias 35:2

Iring heini te etew su egkanta zaan wey ed-ugyab te kegkelipey, ne ebpemekar is mahabet he menge vulak kayi. Ne egkehimu heini he mekempet iring te Buntud he Lebanon. Ne uuzaran heini iring te pemuleey iring te Carmel wey Sharon. Ne egkaahà dutun is gehem wey utew kegkelavew te Nengazen he Megbevayè tew.

Isaias 44:3

Su ebeǥayan ku sikew te wahig he ebpekevawì te kegkemezahi nu wey edhames te memaza he tanè nu. Ebpeulinan ku te Mulin-ulin ku is menge kevuwazan nu wey edtuvazan ku sikandan.

Isaias 45:8

Ebeǥey a te kezeeǥan duma is ketazeng, iring te kebeǥey te langit etawa kivel te uzan. Ne edewaten heini te menge etew kayi te kelibutan. Ebpekelepew is keluwasan wey is kezeeǥan duma is ketazeng iring te pinemula he edtuvù. Iyan a, is Nengazen midhimu kayi.

Isaias 57:18

Neehè ku is mezaat he menge vaal zan, piru ebewian ku sikandan wey zan meulii. Egiyahan ku sikandan, wey edlipayen ku is egkengeseeng kandan.

Isaias 57:19

Ne zutun ebpekezalig dan kedì. Ebeǥayan ku sikandan te meupiya he kebpekesavuk, ke ziyè dan man te meziyù etawa ziyè dà te uvey. Ebewian ku sikandan wey zan meulii. Iyan a, is Nengazen, is migkaǥi kayi.

Jeremias 3:22

Sikiyu is kenà metinumanen he menge etew, likù kew kayi te kediey su ebewian ku is kegkeengey-engey niw.” Midtavak dan te, “Uya, ed-uvey key ziyà te kenikew su iyan ka Nengazen he Megbevayè dey.

Jeremias 32:41

Igkelipey ku is kebaal te meupiya ziyà te kandan, ne ebpuun diyà te tivuuk he ǥehinawa ku is kebpeubpaa ku kandan kayi he tanà.”

Hoseas 6:3

Ebpeninguhaan tew he mekilala tew is Nengazen. Siguradu he ebpekeuma sikandin iring te kedsilà te andew. Ebpekeuma sikandin iring te uzan he ebpekeveǥey te wahig diyà te tanà.”

Micas 5:7

“Is egkesamà he menge Israilihanen, ebpekeuwit te keupiyaanan diyà te mahabet he menge nasyun. Egkeiring sikandan te mahames he keramag wey uzan he ibpaaǥi te Nengazen su wey meketuvù is menge pinemula. Edsarig dan diyà te Megbevayà ne kenà diyà te etew.

Micas 7:18

Wazè en duma he ed-ezapen he iring kenikew. Mibpesaylu nu is menge salà te nesamà he menge etew nu he menge ǥaked nu. Wazà mebpedayun taman te taman is kegkepauk nu su ingkelipey nu is kebmahala nu kenami.

Deuteronomio 32:2

Is menge penurù ku egkeulug he iring te uzan etawa zehemug. Is menge lalag ku iring te mereǥes he uzan diyà te menge sagbet ne iring te virisbiris diyà te menge pinemula.