Hoseas 14:2 - Manobo Western Bukidnon OT

² Likù kew ziyà te Nengazen ne kaǥi kew ziyà te kandin te, ‘Nengazen, peseyluwa nu is langun he menge salè dey, ne zewata key kenikew tenged te keupiya nu, su wey key mekepemuhat kenikew te menge kedalig he ebpuun te menge vèbè dey.

Hoseas 14:2 Marejeleo ya Msalaba

2 Samuel 12:13

Ne migkeǥiyan ni David si Natan te, “Nekesalà a te Nengazen.” Midtavak si Natan te, “Mibpesaylu ke en te Nengazen, ne kenè ke zed ebpatey kayi he salà.

2 Samuel 24:10

Ne mibmezaat is gehinawa ni David hein nepasad is kedsinsusa zin te menge etew. Ne migkeǥiyan din is Nengazen te, “Nekesalà a kayi te mibeelan ku. Umbe ebpehizuhizu a kenikew, Nengazen, he peseyluwa a kenikew is suluǥuen nu te salè ku, su kelelalung is mibeelan ku.”

Job 7:21

Emun nekesalà a, ne maan is kenà a kenikew ebpeseyluwen? Kenè en egkeuǥet ne ebpatey ad, ne minsan ebpen-ahaan a kenikew, ne kenà ad kenikew egkaahà.”

Salmo 119:108

Dewata nu, Nengazen, is keugelingen ku he suat te kedalig kenikew, ne penurua a te menge suǥù nu.

Salmo 50:14

Siak, is Utew Lavew he Megbevayè niw, iyan egkesuatan ku he ibpemuhat niw kedì is: kebpeselamat wey is kedtumana niw te menge pesarig niw kedì.

Salmo 51:16

Kenè nu igkesuat is menge pemuhat, ne minsan pa ke ebpemuhat a ziyà te kenikew te pemuhat he edtutungen, ne kenè nu heini igkelipey.

Salmo 51:17

Is pemuhat he ebpekeveǥey kenikew te kelipey, Megbevayè ku, iyan is kenà kebpelavew wey is ked-iniyuǥi te menge salà. Ne iyan heini he kelasi te pemuhat edewaten nu.

Isaias 44:22

Id-awè ku en is menge salè nu iring te kivel etawa gapun. He Israel, likù ka kayi te kedì, su edlibriyen ku sikew.”

Isaias 6:7

Ne indegkit din haazà diyà te vèbè ku; ke sikandin te, “Indegkit heini ziyà te vivig nu, ne ǥuntaan wazè nu en salà su mibpesaylu ke en.”

Jeremias 3:12

Ne ǥuntaan, genat ka, ne keǥiya nu heini he lalag diyà te Israel: Iyan a is Nengazen, migkaǥi a te: Likù ka kayi te kedì, sikew is kenà metinumanen he Israel, su hihizuwen a. Kenè ku en sikew egkepeukan.

Hoseas 12:7

Migkaǥi is Nengazen te, “Susuaten te kedlimbung is menge nigusyanti niw; egamit sikandan te limbungan he timbangan.

Hoseas 5:5

Is kegkemepelevawen niw iyan ebpengintutuu he ereg kew he edsilutan. Ne tenged te menge salè niw ne egkezeetan kew is menge tig-Israel zuma te menge tig-Juda.

Hoseas 6:6

Su kenè ku iyan egkesuatan is menge pemuhat niw, kekenà, iyan is kebmahala niw kedì. Igkesuat ku pa is kegkilelaa niw kedì kenà is kebpemuhat niw te menge pemuhat he edtutungen.

Joel 2:17

Is menge memumuhat he ebpenilbi te Nengazen, medsineǥew sikandan diyà te pid-elangan te pemuhatà wey varkun duen te valey te Nengazen, ne med-ampù dan te iring kayi: “Nengazen, kehizuwi nu is menge etew he ǥaked nu. Kenè nu ituǥut he ebpeel-elezan sikandan wey edsudien te menge etew ziyà te zuma he menge nasyun pinaaǥi te kegkaǥi te, ‘Hendei en be is Megbevayè niw?’ ”

Jonas 2:9

Iyan, siak mulà, emun edlibriyen a kenikew ne ebpemuhaten ku sikew te kanta te kebpeselamat. Ne heini is impenaad ku, edtumanen ku. Sikew is Nengazen, iyan ka ebpekelibri!”

Zacarias 3:4

Umbe, migkaǥi haazà is belinsuǥuen diyà te zuma he menge velinsuǥuen he ebpemenhitindeg diyà te etuvangan ni Josue te, “Luwasa niw is meremerik he visti zin.” Ne migkeǥiyan din si Josue te, “In-awè ku en is menge salè nu. Ne ǥuntaan ebistiyan ku sikew te veǥu he visti.”