Hoseas 12:8 - Manobo Western Bukidnon OT

⁸ Ebpahambug kew pa is menge tig-Israel he ke sikiyu te, ‘Neketiǥum key te ketiǥeyunan ne utew key en sepian. Ne wazà ebpekesumbung kenami he neketiǥum key te ketiǥeyunan pinaaǥi te mezaat he paaǥi, su salà is kebaal keniyan.’

Hoseas 12:8 Marejeleo ya Msalaba

Salmo 52:7

“Ahaa niw is menge etew he kenà edsarig te Megbevayà he melig-en pezem he eputè dan. Su iyan dan edseriǥan is mahabet he menge azen dan, ne mid-iseg is kegkemekeǥeǥehem dan pinaaǥi te kedezaat dan te zuma he etew.”

Salmo 62:10

Kenè kew medsarig te kebpeneligkep te azen. Kenè niw peretenga is keupiyaanan pinaaǥi te kebpenakew. Minsan edekelè pa is ketiǥeyunan niw, ne kenè niw heini seriǥi.

Erubasa 11:1

Igkeepes te Nengazen is limbung he paaǥi te kedtimbang, piru iyan din igkesuat is kenà kedlimbung.

Erubasa 30:12

Duen daan menge etew he egkeisip dan he wazè en igkesewayi kandan, piru is tutuu meremerik is ulaula zan.

Erubasa 30:20

Iyan heini ed-ul-ulahan te vahi he mengungumpadi: Ebpehilavet sikandin te zuma he maama, ne kegkeipus dutun ebpemeziǥù ne ke sikandin diyà te esawa zin te wazè din mid-ulaula he mezaat.

Jeremias 2:23

“Maan is nekekaǥi kew he wazè kew meremeriki wey wazè kew med-azap te menge ledawan ni Baal? Susiya niw ke hengkey he salà is nehimu niw ziyà te suǥud-suǥud te Hinom. Is-isipa niw is salà he neveelan niw. Iring kew te behiyan he kemilyu he mibpelelevag he kenà ebpeketeren.

Jeremias 2:35

egkaǥi pa is kada sevaha keniyu te, ‘Wazà a mekesalà. Ne kenà a egkepeukan te Nengazen.’ Piru edsilutan ku sikiyu tenged te kegkaǥi niw he wazè kew mekesalà.

Jeremias 5:27

Iring te beleyanà he nepenù te menge tagbis, is baley kayi he menge etew nepenù te ketiǥeyunan he nekuwa zan te mezaat he paaǥi. Umbe midsepian sikandan wey nehimu he gehemanen.

Ezekiel 28:5

Ne pinaaǥi zaan te ebilidad nu te kednigusyu, neumanan pa is ketiǥeyunan nu, ne tenged te ketiǥeyunan nu nehimu ka he mepelevawen.

Hoseas 13:6

Piru hein midtuvazan ku sikiyu ne mid-uswag kew, nehimu kew he mepelevawen ne midlipatan ad keniyu.

Hoseas 14:1

Migkaǥi si Hoseas te, “He menge tig-Israel, likù kew ziyà te Nengazen he Megbevayè niw, su nezeetan kew tenged te menge salè niw.

Hoseas 4:8

Egkesuat kew he mekesalà is menge etew ku su wey kew mekekaan te pemuhat dan he para idlumpiyu.

Amos 8:5

Ima niw ke metapus en is Pista te Kebpuun te Hayag etawa Andew te Kedhimeley su wey kew mekepemelegyè en te trigu ne wey kew mekepenlimbung pinaaǥi te kedsukud, kedtakes, wey kedtimbang niw.

Habakuk 1:16

Ne tenged te mahabet is nevihag dan, midalig dan is keugelingen dan tenged te kebpekegaga zan; iring sikandan te mengingisdà he mibeǥayan din te zengeg is bunuwit din etawa puket din pinaaǥi te kedtutung te veyewà he pemuhat para kayi he menge azen. Su pinaaǥi te vunuwit din etawa puket din ne midsepian sikandin ne egkekaan din is metaam he menge keenen he egkesuatan din te egkaan.

Zacarias 11:5

Is menge nemasa wey midlapà kayi ne wazà siluti. Is menge mibelegyà dutun, egkaǥi te, ‘Ereg he edeliǥen is Nengazen! Su sepian ad!’ Minsan is menge perevantey wazè dan ikehizu haazà is menge kerehidu.

Malakias 2:17

Migkaǥi pa si Malakias te, “Neperahan en is Nengazen he ebpemineg te menge lalag niw. Ne ed-insè kew te, ‘Hengkey is mibeelan dey he iyan ingkeperahi te Nengazen te menge lalag dey?’ Migkaǥi kew te is langun he mibaal te mezaat ne meupiya is ked-ahaa kandan te Nengazen, ne nekepenunuat sikandan kandin. Migkaǥi kew pa te, ‘Hendei en buwa is Megbevayà he metazeng is kukuman din?’ ”

Malakias 3:13

Migkaǥi pa is Nengazen te, “Mezaat is menge lalag niw mehitenged kedì. Piru ed-insè kew te, ‘Hengkey is migkaǥi zey he mezaat mehitenged kenikew?’

Deuteronomio 8:17

Su kela ke megkaǥi kew te, ‘Pinaaǥi te kedì he ǥehem wey zesen naangken ku heini is langun he ketiǥeyunan.’