Hoseas 12:14 - Manobo Western Bukidnon OT

¹⁴ Piru midhimu niw he mepauk a is Nengazen niw tenged te kebpenhimatey niw, umbe edsilutan ku sikiyu. Ebelesan ku sikiyu te kedsumpelita niw kediey.

Hoseas 12:14 Marejeleo ya Msalaba

Ezekiel 18:13

Ebpeutang sikandin te ibpetuvù. Egkeuyag-uyag be sikandin? Kenà! Ebpatey heini he etew tenged kayi te langun he utew mezaat he menge vaal he mibeelan din. Iyan dà sikandin egkevasul tenged te kemetayen din.

Daniel 11:18

Umbe, iyan dà dèpa edsurungen duen te hadì diyà te zizaya is menge meǥinged diyà te menge inged he uvey te zaǥat, ne mahabet kandan is edsekupen din. Ne ibpeengked te sevaha he pengulu is baal zuen te hadì he iyan is kebpeel-elezi zin te zuma, ne edhimuwen din he iyan egkepeel-elezan haazà is hadì.

Hoseas 7:16

Midangep dan diyà te wazè din pulus. Iring sikandan te nezeetan he panà he wazè din en pulus. Ebpatey te tebek is menge pengulu zan su wazè dan kedtahud emun egkaǥi zan. Tenged kayi ed-engitan sikandan te menge tig-Ehipto.

1 Samuel 2:30

Dengan, siak is Nengazen niw he Megbevayà te Israel, midsaad a he iyan kew zà menge memumuhat he ebpekepenilbi kedì te taman te taman duma te zuma pa he menge kevuwazan te kepuun niw. Piru kenè en heeyan edtumanen guntaan, su iyan ebeǥayan ku te zengeg is edtahud kedì ne edrewakan ku mulà is mibpendezeisey kedì.

Deuteronomio 28:37

Igkelimezangi kew, edhimuwen kew he peǥuseyanà, wey edsusudien kew te menge meǥinged diyà te menge nasyun he ebihag keniyu.

Ezekiel 33:5

Su ǥeina te hein nezineg din is trumpita ne wazà sikandin medseǥipà, umbe iyan dà sikandin egkevasul te kemetayen din. Su emun pezem midseǥipà sikandin ne egkelibri zin is keugelingen din.

Ezekiel 18:10

“Piru penenglitan duen din anak he maama he mesipala wey kriminal etawa mibeelan din is minsan hengkey kayi he menge vaal

Hoseas 4:2

kekenà, iyan mid-ulaula niw is kebpenrawak te zuma, kedtarùtarù, kebpenhimatey, kebpenakew, wey kebpengumpadi. Nekeeneb en heini, ne kenè en egkerintas is hinimetayà.

Micas 6:16

Egkehitavù heini keniyu su ǥeina te mid-iringan niw is mezaat he menge vaal, menge sulunuzen, wey menge sambag ni Hadì Omri wey te anak din he si Hadì Ahab. Umbe, edezeetan ku sikiyu, ne ed-un-undahan kew wey edsudien te menge etew ziyà te zuma he menge nasyun.”

Deuteronomio 18:15

Kekenà, duen ebpeneuven te Nengazen he Megbevayè niw he iring kedì su zuma niw he Israilihanen. Kinahanglan he ebpemineǥen niw sikandin.

Deuteronomio 18:18

Edsuǥù a ziyà te kandan te ebpeneuven ku he iring kenikew, su zuma zan he Israilihanen. Ne ibpekaǥi ku kandin is langun he egkesuatan ku te egkaǥi ziyà te kandan.